ខេត្តពោធិ៍សាត់៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងថា ការបោះក្រដាសប្រាក់ថ្មី ៥ម៉ឺនរៀល និង ១០ម៉ឺនរៀល មិនមែនរាជរដ្ឋាភិបាលអស់ប្រាក់នោះទេ។ ការថ្លែងបែបនេះរបស់សម្ដេចធិបតី នាឱកាសដាក់សម្ពោធឱ្យប្រើប្រាស់ជាផ្លូវការនៅផ្លូវជាតិលេខ១០ តភ្ជាប់រវាងខេត្តបាត់ដំបង-ពោធិ៍សាត់-កោះកុង នៅព្រឹកថ្ងៃទី០១ ខែតុលា ឆ្នាំ២០២៦នេះ។
សម្ដេចធិបតី បានគូសបញ្ជាក់ថា ការបោះក្រដាសប្រាក់ថ្មីនេះ ដើម្បីសោភ័ណភាព និងសុវត្ថិភាព ដោយក្រដាសប្រាក់ថ្មី មានបង្កប់លក្ខណៈពិសេស ដែលអាចផ្ទៀងផ្ទាត់បាន។
ការបោះក្រដាសប្រាក់ថ្មីនេះ ដើម្បីបំពេញទៅលើក្រដាសប្រាក់ចាស់ដែលបានកិនកម្ទេចចោល ពីខែឧសភា ដល់ខែកញ្ញា សរុប ៤៣៥លានសន្លឹក។
...
រាជរដ្ឋាភិបាលមិនមានអស់ប្រាក់ដូចការបំផុសក្នុងចេតនាអាក្រក់នោះទេ ហើយមន្ត្រីរាជការបន្តបើកប្រាក់បៀវត្សរ៍ទៀងទាត់រៀងរាល់ខែ៕
ដោយ៖តារា
