ខេត្តកំពង់ស្ពឺ៖ នៅយប់ថៃ្ងពុធទី៣០ខែកញ្ញា ឆ្នាំ២០២៦ មានករណីផ្ញេីលឆោឡោអំពីសកម្មភាពបុគ្គលម្នាក់បានបង្កការអុកឡុកក្នុងមូលដ្ឋានភូមិស្នោរទី១ សង្កាត់រកាធំ ក្រុងច្បារមន ដោយមានការចែករំលែករូបភាពស្រែកឡូឡារតាមបណ្ដាញសង្គម។
ដោយបានការដឹកនាំបញ្ជា ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ លោកវរសេនីយ៍ទោ យន្ដ សង្ហារ អធិការនគរបាលក្រុងច្បារមន បានដឹកនាំកំលាំងចុះដល់គោលដៅរោងបុណ្យភូមិ និងបានឃាត់ខ្លួនឈ្មោះជួន សក ភេទប្រុស អាយុ៥៧ ឆ្នាំ រស់នៅភូមិស្នោរទី១ សង្កាត់រការធំ ក្រុងច្បារមនយកមកអធិការដ្ឋាននគរបាលក្រុងច្បារមន ដេីម្បីបន្ដនីតិវិធី។
យោងតាមរូបភាពនិងបណ្ដឹងផ្ទាល់ពីប្រជាពលរដ្ឋ ជនសង្ស័យឈ្មោះ ជួន សក រស់នៅភូមិស្នោរទី១ សង្កាត់រការធំ តែងតែធ្វើសកម្មភាព កាន់ដាវ ដំបង ដើរបង្កអុកឡុកក្នុងភូមិ ដេញកាប់សត្វឆ្កែ និងមនុស្សដែលជួប
ប្រទះក្នុងស្ថានភាពណាមួយបង្កភាពភ័យខ្លាចដោយដើរកាន់ដាវរកកាប់តែម្ដង។
សមត្ថកិច្ចនគរបាលក្រុងច្បារមន បានឃាត់ខ្លួននិងធ្វេីតេស្ដរកឃេីញវិជ្ជមានសារធាតុញៀន និងដកហូតវត្ថុតាង រួមមាន÷ដាវ ១ដើម,ដែកកាប់១ និងដំបងឫស្សី ១ដើម បច្ចុប្បន្នបានបញ្ជូនទៅកាន់ការិយាល័យព្រហ្មទណ្ឌកំរិតស្រាល ស្នងការដ្ឋាននគរបាលខេត្ដ ដើម្បីចាត់ការតាមនីតិវិធីបន្ត៕
ដោយ៖ សុរិយា
