មេដឹកនាំកូរ៉េខាងជើងលោក គីមជុងអ៊ុនប្តេជ្ញាមិនចូលរួមរាល់កិច្ចពិភាក្សាណាមួយស្តីពីកម្មវិធីបរម៉ាណូនៅក្នុងប្រទេសនេះ ដើម្បីបញ្ចប់វិបត្តិនោះឡើយ។ កិច្ចពិភាគ្សា ដែលអាចកើតឡើងគឺជាអន្ទាក់របស់អាមេរិកនិងកូរ៉េខាងត្បូងដើម្បីឲ្យកូរ៉េខាងជើងបោះបង់អាវុធបរម៉ាណូ ដែលជាសព្វាវុធការពារជាតិដែលមានប្រសិទ្ធិភាពបំផុតគេចផុតពីការវាយប្រហាររបស់សត្រូវ។ កូរ៉េខាងជើងយល់ថាៈ បើគ្មានបរម៉ាណូទេនោះប្រទេសនេះរងការវាយប្រហារជាយូរណាស់មកហើយ ។
បើទោះបីបែបនេះក្តីមន្ត្រីកូរ៉េខាងជើងចង់ឲ្យមានទំនាក់ទំនងល្អប្រសើរជាមួយកូរ៉េខាងត្បូង ដែលមានភាសា វិប្បធម៌ ទំនៀមទំលាប់ប្រពៃណីដូចគ្នា។មួយវិញទៀតកូរ៉េខាងត្បូង ជាប្រទេសដែលវិនិយោគធំទីពីរនៅកូរ៉េខាងជើង ។
កន្លងមកនាយករដ្ឋមន្ដ្រីកូរ៉េខាងត្បូង បានបញ្ជាក់ថា ទីក្រុងសេអ៊ូលនឹងខិតខំអស់ពី សមត្ថភាពដើម្បីបញ្ចប់ការចងគំនុំ គំគួនជាមួយកូរ៉េខាងជើង និងតភ្ជាប់ ទំនាក់ទំនងឱ្យកាន់តែប្រសើរថែមទៀត។ រដ្ឋាភិបាលទីក្រុងសេអ៊ូលនឹង ធ្វើគ្រប់យ៉ាងដើម្បីជាការបើកផ្លូវឱ្យមាន កិច្ចពិភាក្សាកូរ៉េទាំងពីរដើម្បីសុខសន្ដិ ភាព ស្ថិរភាពរបស់ពលរដ្ឋប្រទេសទាំងពីរ ។
ចំណែកមេដឹកនាំកូរ៉េខាងជើងបានបញ្ជាក់ថា ចាំបាច់ត្រូវតែមានការផ្លាស់ប្ដូរជាទ្រង់ទ្រាយធំនៅក្នុងទំនាក់ទំនងប្រទេសទាំងពីរ ហើយកិច្ចពិភាក្សាបើអាចកើតឡើយនៅឧបទ្វីប កូរ៉េទាមទារបរិយាកាស និងលក្ខខណ្ឌ សមស្របដើម្បីឆ្ពោះទៅរកការអភិវឌ្ឍទំនាក់ទំនងឱ្យកាន់ប្រសើរនាពេលអនាគត ។
ជាមួយគ្នានេះដែរ អគ្គលេខាធិការអង្គការសហប្រជាជាតិ លោកបាន គីមូន បានអបអរសាទរដល់ដំណើរភាគីរបស់កូរ៉េខាងត្បូងស្ដីពីការរៀបចំកិច្ចពិភាក្សា ជាន់ខ្ពស់ជាមួយកូរ៉េខាងជើង ។ ទន្ទឹមនឹងនោះលោកក៏បានជំរុញឱ្យកូរ៉េខាងជើង ព្រមទទួលយកនូវសំណើរពិភាក្សាដើម្បីបញ្ចប់វិវាទទាំងឡាយឆ្ពោះទៅរកកិច្ច សហប្រតិបត្ដិការល្អប្រសើររវាងប្រទេសទាំង២ ។ លោកបាន គីមូនបញ្ជាក់ថា មានតែកិច្ចពិភាក្សាប៉ុណ្ណោះជាវិធីសាស្ដ្រ ល្អបំផុតក្នុងការឆ្ពោះទៅរកសុខសន្ដិភាព ស្ថិរភាព និងធ្វើឱ្យមានទំនុកចិត្ដគ្នាទៅ វិញទៅមកក្នុងទំនាក់ទំនងរវាងកូរ៉េទាំង២ដែលបានជាប់គាំងតាំងពីឧបទ្វីបត្រូវកាត់ផ្ដាច់ជា២ចំណែកកូរ៉េខាងជើងនិងកូរ៉េខាងត្បូងនៅឆ្នាំ១៩៤៥ ។
លោកបាន គូមូន សង្ឃឹមថា ប្រមុខដឹកនាំកូរ៉េខាងជើងនឹងត្រួតពិនិត្យឡើងវិញនូវសំណើរពីកូរ៉េខាងត្បូងដោយយកចិត្ដទុកដាក់ ហើយចូលរួមកិច្ចពិភាក្សាក្នុងការឆ្ពោះទៅរកសុខសន្ដិភាពនិងការអភិវឌ្ឍ ។
គួរបញ្ជាក់ផងដែរថាកូរ៉េខាងត្បូងបានស្នើកូរ៉េខាងជើងឱ្យមានកិច្ចពិភាក្សាថ្នាក់រដ្ឋមន្ដ្រីទៅ។កិច្ចពិភាក្សានោះ ផ្ដោតទៅលើទំនាក់ទំនងទ្វេរភាគីដោយក្នុងនោះមានទាំងជំនួបគ្រួសារដែលបែកបាក់ដោយសារសង្គ្រាម ជាដើមផង ។
សារព័ត៌មានយ៉ន់ហាប់របស់កូរ៉េខាងត្បូងបានផ្សព្វផ្សាយថា រដ្ឋមន្ដ្រីឯកភាពជាតិ Ryoo Kihl-jae បានបញ្ជាក់ថា លោកបានស្នើសំណើរទៅកាន់លោក Kim Yang-gon រដ្ឋមន្ដ្រីទទួលបន្ទុក បញ្ហាកូរ៉េខាងត្បូងរបស់រដ្ឋាភិបាលកូរ៉េខាងជើងស្នើឱ្យមានជំនួបពិភាក្សាផ្ដោត ទៅលើបញ្ហាដែលភាគីទាំង២បានយកចិត្ដ ទុកដាក់ ។ សកម្មភាពខាងលើបានបង្ហាញ ការប្ដេជ្ញារបស់ប្រធានាធិបតីកូរ៉េខាង ត្បូងផាក យ៉ុងហេ ក្នុងការកសាងសន្ដិ ភាពបញ្ចប់ជម្លោះ បង្កើតទំនាក់ទំនង ជាមួយកូរ៉េខាងជើងដែលជាការចង់បាន របស់ពលរដ្ឋប្រទេសទាំង២ ។ កូរ៉េខាង ជើងនិងកូរ៉េខាងត្បូងធ្លាប់ពិភាក្សាថ្នាក់រដ្ឋមន្ដ្រីម្ដងរួចមកហើយនៅឆ្នាំ២០០៧ និងជំនួបពិភាក្សាថ្នាក់រដ្ឋលេខាធិការកាលពីខែកុម្ភៈ ឆ្នាំ២០១៤ ផងដែរ ។
មេដឹកនាំកូរ៉េខាងជើងអាចឲ្យមានកិច្ចពិភាគ្សាលើបញ្ហាសេដ្ឋកិច្ចវិនិយោគ ប៉ុន្តែកិច្ចពិភាក្សាស្តីពីកម្មវិធីបរម៉ាណូឬស្វែងរកដំណោះស្រាយបញ្ចប់ភាពតានតឹងដែលមានអាមេរិកចូលរួមនោះ កូរ៉េខាងជើងប្រាកដជាមិនចូលរួមជាដាច់ខាត។ ដោយកូរ៉េខាងជើ់ងចាត់ទុកអាមេរិកគឺជាសត្រូវ មានបំណងចង់វាយប្រហារកូរ៉េខាងជើងគ្រប់ពេល ។
កន្លងមកថ្មីៗបណ្ដាញ ព័ត៌មានកូរ៉េខាងជើងបាន ផ្សាយថា មេដឹកនាំកូរ៉េខាងជើងលោក គីម ជុងអ៊ុន បានទៅត្រួតពិនិត្យការ ធ្វើសមយុទ្ធរបស់កម្លាំងទាហានអាកាស ដោយមានយុទ្ធសាស្ដ្រត្រៀមលក្ខណៈធ្វើសង្គ្រាមជាមួយអាមេរិក និងកូរ៉េខាង ត្បូង ។
លោកគីម ជុងអុន បានទៅដល់ អាកាសយានដ្ឋាន Kalma នៅទីក្រុងWosan ស្ថិតនៅតាមបណ្ដោយឆ្នេរសមុទ្រ តាមយន្ដហោះពិសេសផ្ទាល់ខ្លួន Cham-mae-1 ដើម្បីត្រួតពិនិត្យការធ្វើសមយុទ្ធ នៅលើដែនអាកាស ។
តាមសារព័ត៌មាន KCNA មិនបាន ផ្ដល់ព័ត៌មានលម្អិតជុំវិញការធ្វើសមយុទ្ធ ទាំងនោះឡើយ។ ទីក្រុងវ៉នសាន់ ត្រូវបាន ពលរដ្ឋកូរ៉េខាងជើងចាត់ទុកថា ជាស្រុក កំណើតទីពីររបស់លោកគីម ជុងអ៊ុន ។
មេដឹកនាំកូរ៉េខាងជើងបានបញ្ជាក់ថា ការប្រឡងលើកនេះនឹងធ្វើឱ្យកម្លាំងទាហាន ជើងអាកាសបានបង្ហាញពីសមត្ថភាព របស់ខ្លួនដើម្បីត្រៀមខ្លួននៅក្នុងសង្គ្រាមជាទ្រង់ទ្រាយធំប្រឆាំង អាមេរិក និងកូរ៉េ ខាងត្បូង ។ មេទ័ពកូរ៉េខាងជើងលោក Ri Yong-Gil អគ្គមេបញ្ចាការកងទ័ពកូរ៉េ ខាងជើងបានឱ្យដឹងផងដែរថាឧបទ្វីបកូរ៉េកំពុងស្ថិតនៅក្នុងដំណាក់កាល នៃសង្គ្រាម ហើយប្រទេសជាសត្រូវអាចវាយប្រហារ គ្រប់ពេល ដូច្នេះទីក្រុងព្យុងយ៉ាងត្រូវតែ ត្រៀមលក្ខណៈទប់ទល់ឱ្យបានល្អបំផុត ។ លោកបន្ដទៀតថា អាមេរិកនិងកូរ៉េខាង ត្បូងកំពុងតែឡើងគម្រោងវាយប្រហារកូរ៉េខាងជើង ។
កន្លងមករដ្ឋមន្ដ្រីការបរទេសកូរ៉េខាង ជើងបានស្នើដល់អាមេរិកនិងកូរ៉េខាងត្បូង ឱ្យបញ្ឈប់ការធ្វើសមយុទ្ធរួមជាប្រចាំ ដើម្បីដោះដូរយកកិច្ចចរចា។ ទីក្រុងព្យុង យ៉ាងបានប្រកាសថា កិច្ចពិភាក្សាមិន ត្រូវបានធ្វើឡើងដោយសារតែគោលនយោបាយចងគំនុំរបស់ទីក្រុងវ៉ាស៊ីន តោនទៅលើទីក្រុងព្យុងយ៉ាង។
កន្លងមកថ្មីៗអាមេរិកក៏បានអំពាវនាវ ដល់កូរ៉េខាងជើងឱ្យធ្វើតម្រាប់តាមប្រទេសអ៊ីរ៉ង់ដោយបោះបង់ចោលកម្មវិធី បរមាណូដោះដូរនិងការលុបទណ្ឌកម្មទាំងអស់។ ប៉ុន្ដែមេដឹកនាំកូរ៉េខាងជើងបានឆ្លើយតបវិញថា កូរ៉េខាងជើងមិនអាចបោះបង់ ចោលកម្មវិធីបរមាណូឡើយ ដោយកម្ម វិធីបរមាណូវាជាមានសារសំខាន់យ៉ាង ខ្លាំងនៅក្នុងការទប់ស្កាត់ការវាយប្រហារពីអាមេរិក។ បើកូរ៉េខាងជើងគ្មានបរមាណូ ទេនោះត្រូវគេវាយប្រហារជាយូរណាស់ មកហើយ ៕
