ភ្នំពេញ ៖ ស្ត្រីជាមេការខារ៉ាអូខេម្នាក់ខណៈ បើកម៉ូតូចេញពីកន្លែងធ្វើការត្រឡប់ទៅផ្ទះវិញ ដល់ក្បែរវត្តជន្លង់ម្លូ ក្នុងសង្កាត់ចោមចៅ ខណ្ឌពោធិ៍សែនជ័យ នាវេលាម៉ោង៥និង៣០នាទីទៀបភ្លឺ ថ្ងៃទី៣ខែកក្កដា២០១៥ ត្រូវជនមិនសា្គល់មុខមួយក្រុមជិះម៉ូតូតាមវាយដណ្តើមប្លន់យកម៉ូតូទៅបាត់ដោយសុវត្ថិភាពហើយបន្ទាប់មកទើបនាងទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចោមចៅឲ្យជួយធ្វើអន្តរាគមន៍ ។
ស្រ្តីរងគ្រោះ ឈ្មោះលី មុំ អាយុ២៥ឆ្នាំ មុខរបរជាមេការខារ៉ាអូខេនៅក្បែរបុរីសែនមនោរម្យ ស្នាក់នៅក្នុងបុរីសន្តិភាព២ សង្កាត់ចោមចៅ ខណ្ឌពោធិ៍សែនជ័យបានរាយការណ៍ប្រាប់សមត្ថកិច្ចថា មុនពេលកើតហេតុរូបគាត់បានចេញពីធ្វើការដោយជិះម៉ូតូម៉ាកស្គូពី ពណ៌ផ្កាឈូកមួយគ្រឿង ស៊េរីឆ្នាំ២០១៣ ពាក់ស្លាកលេខភ្នំពេញ1BT 0916ធ្វើដំណើរតាមផ្លូវជាតិលេខ៣រួចចូលតាមផ្លូវវត្តជន្លង់ម្លូដើម្បីត្រឡប់ទៅផ្ទះវិញដូចសព្វដង។លុះ ពេលធ្វើដំណើ មកដល់ចំណុចខាងលើជាកន្លែងស្ងាត់ងងឹតផងនោះត្រូវជនមិនស្គាល់មុខមួយក្រុមជិះម៉ូតូ២-៣គ្រឿងមកស្ទាក់គំរាមសម្លាប់ រួចវាយមកលើគាត់បណ្តាលឲ្យឈាមច្រមុះរួចពួកគេយកម៉ូតូជិះគេចខ្លួនទៅបាត់ទៅបាត់តែម្តង ។
ស្រី្តរងគ្រោះបានរៀបរាប់រាប់ឲ្យដឹងទៀតថានៅក្រោមកែបម៉ូតូ ដែលចោរវាយប្លន់យកទៅនោះ មានទូរស័ព្ទដៃចំនួន២គ្រឿង១គ្រឿងម៉ាកសាំសុងកាឡាក់ស៊ីអេស៣មួយគ្រឿង ម៉ាកណូគា១២៨០មួយគ្រឿង និងមានលុយចំនួនជាង១០០ដុល្លារព្រមទាំងឯកសារមួយចំនួនទៀត ៕
