ខេត្តព្រះសីហនុ៖ ក្រុមចោរប្រដាប់ដោយកាំបិត និងដំបងចូលក្នុងផ្ទះប្រជាពលរដ្ឋធ្វើសកម្មភាពវាយប្លន់ជនរងគ្រោះ២នាក់យក ខ្សែ.ក និងលុយ៧០ដុល្លារ គេចខ្លួនបាត់ដោយសុវត្ថិភាព កាលពីវេលាយប់ម៉ោង៧ និង១០នាទីពីយប់ថ្ងៃទី១៩  ខែតុលា ឆ្នាំ២០១៦ មានទីតាំងស្ថិតនៅក្រុម១១ ភូមិ៣ សង្កាត់លេខ២ ក្រង-ខេត្តព្រះសីហនុ ។

សមត្ថកិច្ចមូលដ្ឋានបានឲ្យដឹងថា ជនរងគ្រោះមានឈ្មោះ ស៊ីម ស្រីណា ភេទស្រី អាយុ៣៥ឆ្នាំ មុខរបរបុគ្គលិកហាងបរទេស ត្រូវបានជនសង្ស័យមានគ្នា២នាក់ ប្រដាប់ដោយកាំបិត និងដំបង បានចូលធ្វើសកម្មភាពប្លន់ចាក់ត្រូវកូនប្រុសរបស់គាត់ម្នាក់ ឈ្មោះនាង ឌីណា ភេទប្រុស អាយុ១៧ឆ្នាំ រងរបួសសៀតផ្ការ ផ្នែកខាងឆ្វេង  ខណៈពេលដែលកូនប្រុសរបស់គាត់ចេញមកជួយម្តាយក៏ត្រូវក្រុមចោរចាក់និងកាំបិទបណ្តាលឲ្យរងរបួស ហើយបានគេចខ្លួនប្រកបដោយសុវត្ថិភាព ។

ចំពោះទ្រព្យសម្បត្តិដែលបាត់បង់រួមមាន៖ ខ្សែ.កផ្លាកទីន១ខ្សែរ ទម្ងន់៨ជី ៥ហ៊ុន និងកាបូប មានលុយ៧០ដុល្លារ ។

បច្ចុប្បន្ននៅព្រឹកថ្ងៃទី២០ ខែតុលា ឆ្នាំ២០១៦ ជនរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលសង្កាត់លេខ២ ដើម្បីឲ្យសមត្ថកិច្ចធ្វើការស្រាវជ្រាវនិងកំណត់មុខសញ្ញាជនសង្ស័យ ដើម្បីយកមកផ្តន្ទាទោសតាមផ្លូវច្បាប់ ៕

ដោយ៖ ឆ្លាម សមុទ្រ