ភ្នំពេញ៖ កម្លាំងនគរបាលខណ្ឌពោធិ៍សែនជ័យក្រោមការបញ្ជាផ្ទាល់ពីលោក យឹម សារ៉ាន់ អធិការខណ្ឌ និងដឹកនាំកម្លាំងដោយលោក ម៉ន វុធី អធិការរង បានធ្វើការចុះបង្ក្រាបចាប់ឃាត់ជនសង្ស័យ២នាក់ រកឃើញថ្នាំញៀនចំនួន១៥កញ្ចប់ កាលពីវេលាម៉ោង៨ និង២០នាទីព្រឹកថ្ងៃទី២០ ខែតុលា ឆ្នាំ២០១៦ នៅបន្ទប់ជួលមួយកន្លែងលេខ៣២ ភូមិត្រពាំងគល់ សង្កាត់កន្ទោក ខណ្ឌពោធិ៍សែនជ័យ។

ជនសង្ស័យទី១ ឈ្មោះម៉ៅង សាម៉េត ភេទប្រុសអាយុ១៧ឆ្នាំ មុខរបមិនពិតប្រាកដ ស្នាក់នៅភូមិតាភេម សង្កាត់កំបូល ខណ្ឌពោធិ៍សែនជ័យ និងទី២ឈ្មោះ ជាសំណាង ភេទប្រុស អាយុ១៦ឆ្នាំ មុខរបរមិនពិតប្រកដ ស្នាក់នៅភូមិដំបូកខ្ពស់ សង្កាត់កន្ទោក ខណ្ឌពោធិ៍សែនជ័យ។ ចំណែកវត្ថុតាងចាប់យក៖ ថ្នាំញៀនក្រាមថ្លាចំនួន១កញ្ចប់ធំល្មម និង១៤កញ្ចប់តូច រួមទាំងសម្ភារប្រើប្រាស់មួយចំនួនទៀត។

បច្ចុប្បន្នជនសង្ស័យកំពុងសាកសួរនៅអធិការនគរបាកខណ្ឌពោធិ៍សែនជ័យ៕

ដោយ៖ សុខាសែនជ័យ