ខេត្តកណ្តាល៖ កាលពីវេលាម៉ោង៥និង៥០នាទីថ្ងៃទី១០.០៨.២០១៥ នគរបាលប៉ុស្តិ៍រដ្ឋបាលកំពង់ភ្នំបានទទួលពត៌មានពីប្រជាពលរដ្ឋនៅ ភូមិកំពង់ពោធិ៍ ថាមានមនុស្សដេកស្លាប់ចំនួន២នាក់និងមានម៉ូតូ១គ្រឿងនៅក្រោមចិញ្ចើមថ្នល់ផ្លូវជាតិលេខ១ចន្លោះគីឡូម៉ែត្រ៥៥និង៥៦នៅភូមិកំពង់ពោធិ៍ឃុំកំពង់ភ្នំស្រុកលើកដែកខេត្តកណ្ដាល ។
សមត្ថកិច្ចពិនិត្យដឹងថាៈ ជនរងគ្រោះមានឈ្មោះ ១.ឈ្មោះង្វៀង យ៉ាំងហៃ ភេទប្រុសអាយុ២២ឆ្នាំជនជាតិវៀតណាមមានទីលំនៅភូមិស្កូវឃុំពាមរស្រុកពាមរក៏ខេត្តព្រៃវែង(ស្លាប់) ២.ឈ្មោះង្វៀង យ៉ាំងគីម ភេទប្រុសអាយុ២២ឆ្នាំជនជាតិវៀតណាមមានទីលំនៅភូមិឃុំជាមួយគ្នា។(ស្លាប់)។ពួកគេបើកបរម៉ូតូម៉ាកហុងដាC125សេរី2015ពណ៌ខ្មៅពាក់ស្លាកលេខ ភ្នំពេញ1CW.6943 ។
សមត្ថកិច្ចបានបន្តថា មុនពេលកើតហេតុកាលពីវេលាម៉ោង៥និង៥០នាទីថ្ងៃទី១០.០៨.២០១៥ ប៉ុស្តិ៍រដ្ឋបាលកំពង់ភ្នំបានទទួលពត៌មានពីប្រជាពលរដ្ឋនៅភូមិកំពង់ពោធិ៍ ថាមានមនុស្សដេកស្លាប់នៅក្រោមចិញ្ចើមថ្នល់ចំនួន២នាក់ និង១គ្រឿងក្រោយពីទទួលពត៌មានហើយកម្លាំងប៉ុស្តិ៍បានចុះមកកន្លែកើតហេតុក៏រាយការណ៍ជូនផ្នែកជំនាញនិងពិនិត្យឃើញថាអ្នកទាំង២នាក់ស្លាប់ដោយ សារគ្រោះថ្នាក់ចរាចរណ៍ដោយខ្លួនឯងបានបើករេមកបុកដើមកាស្យាហើយជ្រុលទៅបុកគុលអំពិលទឹកនៅក្រោមចិញ្ចើមថ្នល់ ។
សាកសពជនរងគ្រោះទាំង២នាក់ត្រូវបានក្រុមគ្រួសារយកទៅធ្វើបុណ្យតាមប្រពៃណី។ បញ្ជាក់៖អ្នកទាំង២នាក់ដែលមានឈ្មោះខាងលើពិតជាបានចេញពីផឹកស្រាផ្ទះឈ្មង្វៀង យ៉ាំងកាំងនៅភូមិស្កូវឃុំពាមរស្រុកពាមរក៍ខេត្តព្រៃវែង៕
ដោយ៖ តុងលែង
