ពលរដ្ឋអាមេរិករាប់ពាន់នាក់កាលពីថ្ងៃទី​៩ខែសីហា​(ត្រូវថ្ងៃទី​១០)នេះបាននាំគ្នាដង្ហែក្បួនព្យុះហយា​ត្រា ក្នុងឧកាសខួបគម្រប់មួយឆ្នាំថ្ងៃដែលប៉ូលិសបាញ់សម្លាប់ទៅលើយុវជនស្បែកខ្មៅនៅទីក្រុង​ហ្វឺហ្គូស៊ិន ។

លោក​Mihael Brown Sr រួមជាមួយ​សាច់ញ្ញាតិនិងមិត្តភ័គ្រ្តបានគោរពវិញ្ញាណខ័ន្ខដល់កូនប្រុស​Michael Brown មុនពេលចូលរួមពិធីដង្ហែក្បួនព្យុះហយាត្រា។ពលរដ្ឋអាមេរិករាប់ពាន់នាក់បានចូល​រួម ដើម្បីបង្ហាញពីសាមគ្គីភាពឲ្យបញ្ចប់ការប្រកាន់ពូជសាសន៍ ពណ៌សម្បុរ។ ចំណែកនៅទីក្រុងញ៉ូវយ៉កវិញក៏ដូច្នេះដែរ​ពលរដ្ឋបាននាំគ្នាដង្ហែក្បួន អំពាវនាវដល់ប៉ូលិសផ្តល់តម្លាភាពចំពោះជនជាតិស្បែកខ្មៅ ។

ការស្លាប់របស់យុវជនស្បែកខ្មៅលោក​Michael Brown កាលពីឆ្នាំកន្លងមកបានធ្វើឲ្យមានរលកបាតុកម្មកើតឡើងនៅគ្រប់ទិសទី ពីសេសបាតុកម្មនៅទីក្រុងហ្វឺហ្គូសិនក្លាយជាអំពើហឹង្សា រវាងបាតុករស្បែកខ្មៅនិងប៉ូលិសប្រឆាំងបាតុកម្ម ។

តាំងពីពេលនោះមកការប្រកាន់ពណ៌សម្បុរក៏បានកើតឡើងនៅអាមេរិកបង្ករឲ្យមានវិវាទពិបាកក្នុង​ការដោះស្រាយ ហើយអាចបង្ករអសន្តិសុខនៅទូទាំងប្រទេសក្នុងពេលដែលជនជាតិស្បែកខ្មៅក៏មានមួយចំនួនធំរស់នៅអាមេរិក ៕

ប្រែសម្រួល៖ ម៉ែវ សាធី