ខេត្តព្រះសីហនុ៖ ថៅកែស៊ុបឆ្នាំងដីជនជាតិចិនម្នាក់បានរងរបួសធ្ងន់ បន្ទាប់ពីត្រូវបានជនមិនស្គាល់មុខម្នាក់ វាយដណ្តើមកាបូបលុយ ខណៈដើរទៅបន្ទប់ទឹក ដែលហេតុការណ៍នេះ កើតឡើងនៅវេលាម៉ោងប្រមាណ៧ និង២០នាទីព្រឹកថ្ងៃទី១៦ ខែវិច្ឆិកា ឆ្នាំ២០១៦ស្ថិត ត្រង់ចំណុចក្រុម២៧ ភូមិ៣ សង្កាត់លេខ៣ ក្រុងព្រះសីហនុ ។

ស្ត្រីរងគ្រោះឈ្មោះចាំង លីង អាយុ៣៤ឆ្នាំ ជនជាតិចិន ជាថៅកែស៊ុបឆ្នាំដី (តំបន់ឧតុនិយម) បានរងរបួសដៃ មុខមាត់យ៉ាងធ្ងន់ធ្ងរ ដោយមុខរបួសនេះ សង្ស័យថា ជនល្មើសប្រើវត្ថុរឹងវាយទៅលើស្ត្រីរងគ្រោះ ។

ករណីខាងលើនេះ សមត្តកិច្ចកំពុងដុតដៃដុតជើង ស្រាវជ្រាវ ដើម្បីវែកមុខជនល្មើល ៕

ដោយ៖ សីលា