ភ្នំពេញ៖ នារីវ័យក្មេង២នាក់បានបើករថយន្តម៉ាកKIAក្នុងល្បឿនលឿន ហើយទំនងជាស្រវឹងស្រាផង ក៏បានរេចង្កូតទៅបុកនិងឃឿនចញ្ចើមផ្លូវបណ្ដាលឲ្យដាច់កាឡេកង់ទៅមុខលេងរួច កាលពីវេលាម៉ោង២និង៣០នាទីរំលងអធ្រាត្រថ្ងៃទី៣ ខែធ្នូ ឆ្នាំ២០១៦ នៅត្រង់ចំណុចខាងកើតគល់ស្ពានអាកាស៥មករាប្រហែល៦០ម៉ែត្រ នៅតាមបណ្ដោយផ្លូវសហព័ន្ធរុស្សុី ស្ថិតក្នុសង្កាត់ផ្សារដេប៉ូ៣ ខណ្ឌទួលគោក ។

បើតាមសាក្សីដែលឃើញហេតុការណ៍ខាងលើបានឲ្យដឹងថា នៅមុនពេលកើតហេតុគេសង្កេតឃើញរថយន្តបង្កម៉ាកគៀរ ពណ៌ស្ករ ពាក់ស្លាកលេខភ្នំពេញ2AJ-1941 ដែលបើកបរដោយនារីម្នាក់រួមដំណើជាមួយនិងមិត្តភក្ដិស្រីម្នាក់ទៀត ទិសដៅពីកើតទៅលិចតាមបណ្ដោយផ្លូវសហព័ន្ធរុស្សុីក្នុងល្បឿនលឿន ហើយពួកគេទំនងជាស្រវឹងស្រាផងក៏រេចង្កូតជ្រុលទៅបុកនិងឃឿនចញ្ចើមផ្លូវបណ្ដាលឲ្យដាច់កាឡេកង់មុខផ្នែកខាងស្ដាំ ។ ដោយរថយន្តបង្កនៅមិនទាន់អស់ល្បឿនក៏បន្តទៅមុខប្រហែល៦០ម៉ែត្របន្ថែមទៀត បណ្ដាលឲ្យរងការខូចខាតយ៉ាងដំណំ ។

ក្នុងហេតុការណ៍គ្រោះថ្នាក់ចរារណ៍ខាងលើនេះ គឺមិនបណ្ដាលឲ្យនរណាម្នាក់រងរបួសនោះទេ ។ ក្រោយមកសមត្ថកិច្ចមូលដ្ឋានបានចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញដើម្បីរងចាំដោះស្រាយតាមផ្លូវច្បាប់៕

ដោយ៖ ភារ៉ា ដង្កោ