ខេត្តកំពង់ស្ពឺ៖ សមត្ថកិច្ចឃាត់ខ្លួនក្រុមតៃកុងត្រាក់ទ័រនិងតៃកុងឡានបែនដែលជំនាញលួចប្រេងគ្រឿងចក្រ ជាយូរមកហើយនោះបានជាបន្តបន្ទាប់ពេលពួកគេកំពុងធ្វើសកម្មភាពបូមប្រេងគ្រឿងចក្រ របស់ក្រុមហ៊ុន ។
លោកអនុសេនីយ៏ឯកទិត្យវណ្ណះប្រធានមន្ទីរយុត្តិធម៌កងរាជអាវុធហត្ថខេត្តបានអោយដឹងថានៅព្រឹកថ្ងៃទី១២សីហា២០១៥ថាក្រោយទទួលបណ្តឹងពីម្ចាស់ឡាននិងត្រាក់ទ័ររូបលោកក៏បានសុំបទបញ្ជាពីលោកឧត្តមសេនីយ៏ត្រីជូសារុនមេបញ្ចាការកងរាជអាវុធហត្ថខេត្តដើម្បីចុះធ្វើការស្រាវជ្រាវនិងតាមដានរហូតប្រទះឃើញក្រុមជនសង្ស័យកំពុងតែធ្វើសកម្មភាពបូមប្រេងក៏ឃាត់ខ្លួនតែម្តង។លោកប្រធានមន្ទីរបន្តថាការឃាត់ខ្លួននេះបានធ្វើឡើងកាលពីវេលាម៉ោង១៤និង៥០នាទីថ្ងៃទី១១ ខែសីហា ឆ្នាំ២០១៥ នៅចំណុចក្រុមហ៊ុនភ្នំពេញស៊ូហ្គរ័ដំណាំអំពៅ ស្ថិតនៅភូមិអូរអង្គំ ឃុំអមលាំង ស្រុកថ្ពង ខេត្តកំពង់ស្ពឺ ។
ជនសង្ស័យទាំង៦នាក់នោះរួមមាន ៖ ទី១-ឈ្មោះសួន វណ្ឌី ភេទប្រុស អាយុ២៩ឆ្នាំ មុខរបរបើកត្រាក់ទ័រ មានទីលំនៅភូមិសឹង ឃុំកំពង់សឹង ស្រុកព្រះស្តេច ខេត្តព្រៃវែង។ ទី២-ឈ្មោះ គង់ ហេង ភេទប្រុសអាយុ៦២ឆ្នាំ មុខរបរបើកឡានមានទីលំនៅភូមិទួលបេង ឃុំក្រឡា ស្រុកកំពង់សៀម ខេត្តកំពង់ចាម។ ទី៣-ឈ្មោះ លឹម កុល ភេទប្រុសអាយុ ៣២ឆ្នាំមុខរបរបើកឡានមានទីលំនៅភូមិបុសខ្នុរ ឃុំបុសខ្នុរ ស្រុកចំការលើ ខេត្តកំពង់ចាម។ ទី៤-ឈ្មោះ លីន ពុទ្ធា ភេទប្រុសអាយុ៣០ឆ្នាំមុខរបរបើកត្រាក់ទ័រមានទីលំនៅភូមិ អូរអង្គំ ឃុំអមលាំង ស្រុកថ្ពង ខេត្តកំពង់ស្ពឺ។ ទី៥-ឈ្មោះ រីម មករា ភេទប្រុស អាយុ ២៨ឆ្នាំ មុខរបរបើកត្រាក់ទ័រ មានទីលំនៅភូមិអូរអង្គំស្រុកថ្ពង ខេត្តកំពង់ស្ពឺ។ ទី៦-ឈ្មោះ ផង់ ភានិត ភេទប្រុស អាយុ២៥ឆ្នាំ មុខរបរបើកត្រាក់ទ័រ មានទីលំនៅភូមិអូរអង្គំ ឃុំអមលាំង ស្រុកថ្ពងខេត្តកំពង់ស្ពឺ ។
ក្រោយឃាត់ខ្លួនជនសង្ស័យធ្វើសកម្មភាពរួចត្រូវកម្លាំងមន្ទីរយុត្តិធម៌ ឃាត់ខ្លួននៅកន្លែងកើតហេតុខាងលើកម្លាំងរបសើលោកបានបញ្ជូនខ្លួនពួកគេមកទីបញ្ជាការ អាវុធហត្ថ.ខេត្ត កំពង់ស្ពឺ។នៅោចំពៅះមុខសមត្ថកិច្ចក្រុមជនសង្ស័យបានឆ្លើយសារភាពថាពួកគេពិតជាធ្លាប់បានលួចប្រេងរបស់ក្រុមហ៊ុនប្រាកដមែនហើយការធ្វើនេះគឺធ្វើជាយូរមកហើយទើបតែពេលនេះបែកការណ៏ក៏ត្រូវសមត្ថកិចឃាត់ខ្លួនតែម្តង ។
បច្ចុប្បន្នក្រុមជនសង្ស័យត្រូវបានកម្លាំងជំនាញក៏សាង សំណុំរឿងបញ្ជូនទៅសាលាដំបូងខេត្តដើម្បីចាត់ការតាមនីតិវិធីច្បាប់ ៕
ដោយ៖ សេនាស័ក្តិ
