ភ្នំពេញ៖ រថយន្តក្រឡុកស៊ីម៉ងត៍របស់ក្រុមហ៊ុន BST បើកឆ្លងកាត់ផ្លូវរថភ្លើងមិនប្រយ័ត្នត្រូវរថភ្លើងមកដល់បុកបណ្តាលឲ្យក្រឡាប់ផ្ងារជើរតែម្តង។

ករណីគ្រោះថ្នាក់មិនសូវធ្លាប់មាននេះបង្កការភ្ញាក់ផ្អើលនៅវេលាម៉ោង៩ និង៥នាទីព្រឹកថ្ងៃទី៩ ខែធ្នូ ឆ្នាំ២០១៦ ស្ថិតក្នុងភូមិស្រែ សង្កាត់ភ្លើងឆេះរទេះ ខណ្ឌពោធិ៍សែនជ័យ រាជធានីភ្នំពេញ។

រថយន្តក្រឡុកស៊ីម៉ងត៍ដែលក្រឡាប់នោះម៉ាក OTRUK ពណ៌ស្លែ ពាក់ស្លាក់លេខភ្នំពេញ5A-0975 ។

សាក្សីនៅកន្លែងកើតហេតុបានឲ្យដឹងថា នៅមុនកើតហេតុគេឃើញមានរថយន្តក្រឡុកស៊ីម៉ងត៍ខាងលើ ធ្វើដំណើរពីលិចទៅកើត បើកឆ្លងកាត់ផ្លូវរថភ្លើង ខណៈនោះក៏មានរថភ្លើងមួយខ្សែ ធ្វើដំណើរពីភ្នំពេញទៅកាន់ខេត្តកំពត ធ្វើដំណើរពីជើងទៅត្បូងដែរ លុះមកដល់ចំណុចកើតហេតុ ក៏បុករថយន្តក្រឡុកស៊ីម៉ងត៍ខាងលើ ចំពាក់កណ្តាល បណ្ដាលឲ្យក្រឡាប់ផ្ងារជើងឡើងលើតែម្ដងទៅ សំណាងល្អមិនមានអ្នករងរបួសឡើយ។

ក្រោយពេលកើតហេតុម្ចាស់រថយន្តក្រឡុកស៊ីម៉ងត៍បានគេចខ្លួនបាត់ ចំណែករថយន្តត្រូវបានសមត្ថកិច្ចចុះធ្វើការស្ទូចយកទៅរក្សារទុកនៅអធិការនគបាលខណ្ឌពោធិ៍សែនជ័យរងចាំដោះស្រាយបន្ត៕

ដោយ៖ សុខាសែនជ័យ