ទៅជញ្ជាត់​ត្រី​នៅឯវាល​ស្រែជាមួយកូនត្រលប់មកផ្ទះ​តែម្នាក់ឯងកូនស្រីលង់ទឹកស្លាប់មិនដឹងពេលណា

ចែករំលែក៖

ខេត្តស្វាយរៀង​៖​ក្មេងស្រី​ម្នាក់​បាន​ស្លាប់យ៉ាងអាណោចអធ័មដោយសារលង់ទឹកស្រះខាងក្រោយផ្ទះនៅពេលដែល​ដើរទៅ​រក​ត្រី​ជាមួយ​ឪពុក​នៅ​វាលស្រែ​ ​កាលពី​វេលា​ម៉ោង​២ និង​៣០​នាទី​រសៀល​ថ្ងៃទី​២ ខែកក្កដា ឆ្នាំ​២០១៥ ស្ថិតនៅ​ក្នុងភូមិ​ព្រៃ​ប្រើស ឃុំ​ស្វាយ​តា​យាន ស្រុក​កំពង់រោទិ៍ ខេត្តស្វាយរៀង​។​

​បើតាម​ឪពុក​ក្មេងរងគ្រោះ​មានឈ្មោះ ប៊ុន សា​វ៉ុ​ន អាយុ ៤៥ ឆ្នាំ មានមុខ​របរ​កសិក​រ បាន​ប្រាប់​ឲ្យ​ដឹងថា​៖ កូនស្រី​រងគ្រោះ ​មានឈ្មោះ ម៉ៅ ស្រី​ពៅ អាយុ អាយុ ៨​ឆ្នាំ មុខរបរសិស្ស។
ប្រភពបន្តទៀតថាមុនពេលកើតហេតុ ​កូនស្រី​របស់គាត់​ទើបតែ​ចេញមក​ពី​សាលារៀន​ហូបបាយ​រួច​ម៉ោង​១១ និង​៣០​នាទី​គាត់ក៏​បាន​យក​ឈ្នាងទៅ​ជញ្ជាត់​ត្រី ជាមួយនិងកូនស្រី​។
លុះនៅវេលា​ម៉ោង​ប្រហែល​១២ថ្ងៃត្រង់​រូបគាត់ជាឪពិក​បាន​ប្រាប់ថាកូនស្រីត្រលប់មកផ្ទះ​វិញ​ទៅ​ព្រោះ​អី​មេឃវា​ក្តៅ​ខ្លាំងណាស់។បន្ទាប់មក ​បុរសជាឪពុកក៏​ដើររក​ត្រី​បន្តទៀតរហូតមកដល់​ម៉ោង​១​រសៀលក៏ត្រលម់មក​ផ្ទះ​វិញ​ប៉ុន្តែ​មិនឃើញ​កូនស្រី​រួចក៏​បានសួរ​ប្រពន្ធ ថាកូនយើងទៅណាបាត់ហើយរីឯប្រពន្ធឆ្លើយតបថា ក្រែង​ទៅជា​មួយឪវាឯង​តើ រួចក៏មានការឆោឡោរ​នាំគ្នា​​ដើរ​រកតែ​មិនឃើញ​រហូតមកដល់វេលា​ម៉ោង​២ និង​៣០​នាទី​ទើប​ប្រទះឃើញកូនស្រីលង់ ​ទឹកស្រះ​ស្លាប់បាត់​បង់ជីវិត​បាត់​ទៅ​ហើយ។
ក្រោយមកសមត្ថកិច្ចនគបាលប៉ុស្ត៏ឃុំ​ស្វាយ​តា​យាននិងសមត្ថកិច្ចនគបាលជំនាញខេត្ត ក៏បានមកពិនិត្យសាកសពរួចក៏ប្រគល់ទៅអោយក្រុមគ្រួសារយកទៅ​ធ្វើ បុណ្យ​តាម​ប្រពៃណី​៕​

...

20150703-171201.jpg

ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print