សមត្ថកិច្ចប៉ូលីស ឆែកឆេរទីតាំងលក់ទំនិញមួយកន្លែង ដោយសង្ស័យរំលោភលើកម្មសិទ្ធិបញ្ញា ប៉ុន្ដែរកមិនឃើញ

ចែករំលែក៖

ខេត្តសៀមរាប៖ នគរបាលប្រឆាំងបទល្មើសក្រសួងមហាផ្ទៃ សហការជាមួយនគរបាលប្រឆាំងបទល្មើស​សេដ្ឋកិច្ច​ខេត្ត​​សៀមរាប​ និងមន្ទីរឧស្សាហ៍កម្មរ៉ែនិងសិប្បកម្មខេត្ត ដឹកនាំដោយព្រះរាជអាជ្ញារងអម​សាលាដំបូងខេត្ត ចុះឆែក​ឆេរ ទី​តាំ​ង​​សហគ្រាស​ផលិតគ្រឿងបរិភោគមួយកន្លែងសញ្ញាដំរីមាស ដោយសង្ស័យពីបទ​ក្លែងបន្លំ​កម្មសិទ្ធ​បញ្ញា ។
ប្រតិបត្ដិការនេះ​ ធ្វើឡើងបន្ទាប់ពីមានពាក្យ​បណ្តឹងពីម្ចាស់សិប្បកម្មទឹកស៊ីវអ៊ីវមួយយីហោ ម៉ាកស៊ី​ពិ​សេ​ស មក​ពី​ខេត្តបន្ទាយមានជ័យ ដាក់ជូននៅនាយកដ្ឋានក្រសួងមហាផ្ទៃ។
ហេតុការចុះឆែកឆេរទីតាំងខាងលើនេះធ្វើឡើងនៅវេលាម៉ោង១២និង១០នាទីរសៀលថ្ងៃទី០៣ខែកក្កដាឆ្នាំ ២០​១៥នៅក្នុងផ្ទះលេខ ០៣០៣ ស្ថិតនៅភូមិតាវៀន សង្កាត់សាលាកំរើក ក្រុងសៀមរាប ។​
លោកវរសេនីយ៍ឯក សឿន សេន នាយការិយាល័យ​ប្រឆាំងបទល្មើសសេដ្ឋកិច្ច នៃស្នងការ​ដ្ឋាន​នគរបាល​ខេត្តសៀម​​រាប បានឲ្យដឹងថា បន្ទាប់ពីមានពាក្យបណ្តឹងពីបទក្លែងបន្លំ​ម៉ាកកម្មសិទ្ធបញ្ញា​ ដែលដាក់ជូន​នៅនាយ​កដ្ឋាន​​ក្រសួងមហាផ្ទៃ របស់​ម្ចាស់​សិប្បកម្មទឹកស៊ីវអ៊ីវ យីហោម៉ាក ម៉ាស៊ីពិសេស នៅខេត្តបន្ទាយមានជ័យនោះ សមត្ថកិច្ចជំនាញ និង​ស្ថាប័ន​ពាក់​ព័ន្ធ​បានសម្រេចធ្វើការឆែកឆេរឆេ ទីតាំងសហគ្រាសផលិតគ្រឿងបរិភោគ សញ្ញា​ដំរី​​មាសតែម្តង។ លោកបានបន្ថែមទៀតថា ពាក្យបណ្តឹងនោះគឺប្ដឹងពីបទរំលោភលើកម្មសិទ្ធិបញ្ញា ដោយចោទថា ម្ចាស់​ផលិត​​ផល​គ្រឿងបរិភោគរូបសញ្ញារូបសញ្ញាដំរីមាស ឈ្មោះ លឿម ពៅ នៅខេត្ដសៀមរាប ថា យករូប​សញ្ញា​មាន់​ផ្ងារ​ជើងទៅធ្វើជារូបសញ្ញារបស់ខ្លួន​ ប៉ុន្ដែសមត្ថកិច្ចរកមិនឃើញភស្ដុតាងបញ្ជាក់ថា ទីតាំងផលិផល​គ្រឿង​បរិភោគ នៅក្នុងទីតាំងលោក លឿម ពៅ នោះទេ ។ទោះយ៉ាងណា លោកថា សមត្ថកិច្ចនឹងស្រាវជ្រាវរកបន្ដទៀត​ ហើយបើសិនរកឃើញភស្ដុតាងដូចការចោទប្រកាន់មែន ម្ចាស់សិប្បកម្មប្រឈមនឹងផ្លូវច្បាប់។​នៅក្នុងពាក្យបណ្តឹង​នោះ បានទាមទាជម្ងឺចិត្តចំនួន១០ម៉ឺនដុល្លារ។ ទោះជាយ៉ាងណា ម្ចាស់សិប្បផលិតគ្រឿងបរិភោគ សញ្ញារូប​សញ្ញា​ដំរីមាស ឈ្មោះ លឿម ពៅ រស់នៅភូមិ​តា​វៀន សង្កាត់សាលាកំរើក ក្រុងសៀមរាប​​ដែលរងការ​ចោទ​ប្រកាន់​ បាន​ប្រាប់​​អ្នកកាសែតថា​ ​អះ​អាង​ថា មិនបានធ្វើដូចការចោទប្រកាន់ឡើយ។ ម្ចាស់សហគ្រាសរូបនោះបាបន្ដថា បើសិន​រក​មិន​ឃើញដូចការចោទប្រកាន់ទេលោកនឹងប្តឹងតបវិញ ដើម្បីទាមទានៅ​ជម្ងឺចិត្តចំនួន១០ម៉ឺន​១ដុល្លា ពីបទធ្វើឲ្យ​ខូច​​ខាតកិត្តិយស សេចក្ដីថ្លៃថ្នូរ និងបង្កឲ្យ​ផ្អើលឆោរឡោពេញក្រុងសៀមរាបនោះ។​
ទោះជាយ៉ាងណា​ ម្ចាស់សហគ្រាសទាំងនោះ ត្រូវបានសមត្ថកិច្ចហៅទៅសួរនាំនៅស្នងការនគរបាលខេត្ត ដើម្បី​ចាត់វិធានការតាមផ្លូវច្បាប់៕

20150703-174934.jpg

20150703-174929.jpg

20150703-174938.jpg

20150703-174943.jpg

20150703-174948.jpg

20150703-174954.jpg

...

20150703-174957.jpg


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print