ភ្នំពេញ៖ សម្រាប់ការប្រកួតបាល់ទាត់ក្របខ័ណ្ឌលីករដូវកាលថ្មី ឆ្នាំ២០១៥នេះ ក្នុងសប្តាហ៍ទីគិតត្រឹមថ្ងៃទី៣ ខែកក្កដាឆ្នាំ២០១៥កន្លងទៅ មានក្រុមជើងខ្លាំងប្រចាំលីកឆ្នាំចាស់ សុទ្ធតែរកបាន ម្នាក់៣ពិន្ទុដូចគ្នាខណៈ ក្រុមផ្សែងទៀតកំពុងបន្តការប្រកួតយ៉ាងក្តៅគគុកនៅលើទីលានស្មៅធម្មជាតិ តាមបណ្តាក្លិបនីៗមួយ នៅក្នុងរដូវកាលថ្មីវគ្គសន្សំពិន្ទុជើងទី១ជុំទីនៃពានរង្វាន់មិត្តហ្វូនខេមបូឌានលីក ឆ្នាំ២០១៥ ។
បើទោះបីការប្រកួតនេះមានក្រុមខ្លះអាចរកបាន៣ពិន្ទុមុនគេក៏ដោយចុះ ប៉ុន្តែក្រុមជើងខ្លាំងមួយ ចំនួន ទៀតហាក់បីដូច មិនទាន់បញ្ចេញសមត្ថភាព ធ្វើឲ្យទស្សនិកជនរបស់កោតសសើ នៅឡើយ មានដូចជា ក្រុមស្វាយរៀង បឹងកេតអង្គរ ភ្នំពេញក្រោន ណាហ្គាវើល នៅមិនទាន់បង្ហាញទម្រង់ប្រកួតគួរឲ្យកត់សម្គាល់នោះទេ។
សម្រាប់លទ្ធផលនៃការប្រកួត ក្របខ័ណ្ឌលីករដូវកាលថ្មីនេះ ក្រុមខេត្តស្វាយរៀង បានចាញ់ ណាហ្គាវើល ដោយលទ្ធផល១ទល់០ ក្នុងប្រកួតសប្ដាហ៍ទី១ ខណៈដែលក្រុមអតីតម្ចាស់ពានសម្ដេច ហ៊ុន សែនខាប់ ឆ្នាំចាស់ ការបរាជ័យរបស់ក្រុមខេត្តស្វាយរៀង បានធ្វើឲ្យណាហ្គាវើលរកបាន៣ពិន្ទុក្នុងដៃ។
ចំពោះចំណាត់ថ្នាក់បណ្ដោះអាសន្ននៅក្នុងតារាងលីកកំពុលកម្ពុជា គិតត្រឹមសប្ដាហ៍ទី១ ចាប់ពីថ្ងៃទី១ ដល់ទី៣ ខែកក្កដា ឆ្នាំ២០១៥ ក្រុមលេខ១ បៀលប្រាយយូណាយធីត មាន ៣ ពិន្ទុ ក្រុមខេមបូឌានថៃហ្គឺរ ក្រុម ណាហ្គាវើល និង ក្រសួងការពារជាតិ សុទ្ធតែមាន៣ពិន្ទុក្នុងដៃដូចគ្នា ប៉ុន្តែអាចខុសលេខរៀងដោយ សារគ្រាប់បាល់ទាត់បញ្ចូលទីគូប្រកួតប៉ុណ្ណោះ។
ក្រុមបឹងកេតអង្គរឈរលេខរៀងទី៥ ភ្នំពេញក្រោន លេខ៦ គីរីវង់សុខសែនជ័យ ទី ៧ និង ស៊ីម៉ាក់ លេខរៀងទី ៨ ដោយក្រុមទាំង៤នេះមានម្នាក់១ ពិន្ទុដូចគ្នាក្រោយប្រកួតស្មើដៃគូដូចគ្នា។ដោយឡែកក្រុមមិនទាន់អាច គ្រាប់បាល់បាន មានដូចជាក្រុមមកពី ខេត្តស្វាយរៀង ក្រុមអគ្គស្នងការនគរបាលជាតិ ក្រុមវេស្ទើនភ្នំពេញ និងក្រុមអាស៊ីអឺរ៉ុប៕
