ខេត្តសៀមរាប៖ ស្រ្តីក្រមុំចាស់ម្នាក់បានសម្រេចចិត្ដចង.កនិងខ្សែនីឡុងនឹងធ្នឹមផ្ទះសម្លាប់ខ្លួនបន្ទាប់ពីខូចចិត្តមានជំងឺប្រចាំកាយនិងរស់នៅគ្មានទីទឹងនិងគ្មានមានកូនចៅជួយថែរក្សា បណ្ដាលអោយមានការភ្ញាក់ផ្អើលដល់អ្នកភូមិផងដែរ។ ហេតុការណ៍នេះកើតឡើងនៅវេលាម៉ោង១០ព្រឹកថ្ងៃទី១៥ខែសីហាឆ្នាំ២០១៥ក្នុងភូមិកំពង់ថ្កូវ១ ឃុំពង់ថ្កូវ ស្រុកក្រឡាញ់ ខេត្តសៀមរាប ។
អ្នកនៅក្បែជិតខាងបានឲ្យដឹងថា ស្ដ្រីរូបនោះគាត់ជាក្រមុំចាស់ ព្រមទាំងមិនមានកូនចៅមើលថែរ និងមានជំងឺប្រចាំកាយផង ទើបធ្វើឲ្យគាត់គិតខ្លីក៏បានសម្រេចចិត្តចង.កសម្លាប់ខ្លួនតែម្តង ដោយមិនមានអ្នកដឹងឡើយ។
លោកវរៈសេនីយ៍ទោ ចាន់ សារ៉េន អធិការនគរបាលស្រុកក្រឡាញ់ បានមានប្រសាសន៍ឲ្យដឹងនៅព្រឹកនេះថា ជនរងគ្រោះមានឈ្មោះលឿន បុប្ផា ភេទស្រីអាយុ៥២ឆ្នាំ មានមុខរបរជាអ្នលក់ដូរនៅផ្សារកំពង់ថ្កូវ ស្ថានភាពគ្រួសារនៅលីវ។លោកបន្តថា ជនរងគ្រោះទំនងជាតូចចិត្តមានជំងឺប្រចាំកាយ បូករួមទាំងមានការលំបាកក្នុងការរស់នៅតែម្នាក់ឯងផងទើបសម្រេចចិត្ដធ្វើអត្ដឃាតខ្លួនឯង ។
លោកបន្ថែមថា ឆ្លងតាមការធ្វើកោសល្យវិច្ច័យសាកសពពីសំណាក់សមត្ថកិច្ចជំនាញបានឲ្យដឹងថា ជនរងគ្រោះបានចងក ដោយខ្លួនឯង ហើយមិនមែនជាករណីអំពើឃាតកម្មនោះទេ ។
បច្ចុប្បន្នសមត្ថកិច្ចបានប្រគល់សពទៅឲ្យក្រុមគ្រសារចាត់ចែងធ្វើបុណ្យតាមប្រពៃណៃ ៕
ដោយ៖ ជានិរន្ដរ៍
