នាយករដ្ឋមន្ត្រីអាមេរិក ដូណាល់ ត្រាំ និងនាយករដ្ឋមន្ត្រីអីុស្រាអែល លោក ណេតាន់ យ៉ាហ៊ូ កាលពីថ្ងៃទី២២ ខែមករា បានជួបពិភាក្សាគ្នាស្តីអំពីការគំរាមកំហែងពីប្រទេសអុីរ៉ង់។

សារព័ត៌មានAFP បានផ្សាយថា សេតវិមានបានប្រកាសឲ្យដឹងថា ជំនួប ពិភាក្សារវាងមេដឹកនាំប្រទេសទាំង២តាមទូរស័ព្ទស្តីអំពីសន្តិភាពអុីស្រាអែល និង ប៉ាឡេស្ទីន ចាំបាច់ត្រូវតែមានការពិភាក្សាគ្នាដោយផ្ទាល់។

នៅក្នុងជំនួបពិភាក្សានោះ មេដឹកនាំ ទាំង២បានឯកភាពគ្នានឹងបន្តប្រឹក្សាគ្នាលើបញ្ហាសន្តិសុខនៅក្នុងតំបន់ ក្នុងនោះមានការទប់ទល់ពីការគំរាមកំហែងពីអីុរ៉ង់ផងដែរ។ សកម្មភាពទាំងនោះបានបង្ហាញឲ្យឃើញថា អាមេរិកមានគោលនយោបាយ តឹងតែងជាមួយអីុរ៉ង់ ជាងពេលលោក អូបាម៉ា កាន់អំណាច។

ប៉ុន្តែនៅក្នុងការសន្ទនាតាមទូរស័ព្ទ មេដឹកនាំទាំង២មិនបានលើកឡើងពីការ ផ្លាស់ប្តូរស្ថានទូតអាមេរិកនៅអីុស្រាអែលពីទីក្រុង Tel Aviv ទៅកាន់ Jerusalem នោះទេ។ ប្រសិនបើមានការផ្លាស់ប្តូរស្ថានទូតនោះគឺដើរផ្ទុយទៅនឹងច្បាប់អន្តរជាតិដោយភាគច្រើនសហគមន៍អន្តរជាតិមិន ទទួលស្គាល់តំបន់ Jerusalem ជារបស់ អីុស្រាអែលឡើយ។

ប្រធានាធិបតី ប៉ាឡេស្ទីន លោក ម៉ាមូដ អាប៉ាស ធ្លាប់បានព្រមានថា ការប្តូរស្ថានទូតអាមេរិក គឺជាការបំផ្លាញ ដល់សន្តិភាពនៅតំបន់មជ្ឈិមបូព៌ា។ អង្គការសហប្រជាជាតិ និងសហគមន៍អឺរ៉ុប ក៏បានបង្ហាញក្តីបារម្ភយ៉ាងខ្លាំងពីសកម្ម ភាពខាងលើរបស់អាមេរិក និងអីុស្រាអែល ដែរ។

ជាមួយគ្នានោះមេដឹកនាំអាមេរិកបាន អញ្ជើញមេដឹកនាំអីុស្រាអែលមកបំពេញ ទស្សនកិច្ចនៅសហរដ្ឋអាមេរិកនាពេលដ៏ខ្លីខាងមុខ៕

ប្រែសម្រួល៖ ម៉ែវ សាធី