ខេត្តប៉ៃលិន៖ កាលពីម៉ោង១២ថ្ងៃត្រង់ ថ្ងៃទី២៣ ខែមករា ឆ្នាំ២០១៧ កម្លាំងនគរបាលការិយាល័យប្រឆាំងបទល្មើសគ្រឿងញៀន ចុះសហការជាមួយនគរបាលក្រុងប៉ៃលិនបង្ក្រាបករណីជួញដូរថ្នាំញៀនមួយកន្លែង នៅចំណុចភូមិអូរតាប្រាង ឃុំ ស្ទឹងកាច់ ស្រុកសាលាក្រៅ ខេត្តប៉ៃលិន ដោយឃាត់ខ្លួនជនសង្ស័យបានម្នាក់ក្នុង ចំណោម២នាក់ និងរឹបអូសបានថ្នាំញៀនប្រភេទគ្រាប់ចំនួន ១៧០គ្រាប់ រួមនឹងថ្នាំញៀនប្រភេទម្សៅក្រាមពណ៌សថ្លាចំនួន២ កញ្ចប់តូច។
នគរបាលឲ្យដឹងថា ជនសង្ស័យត្រូវ ឃាត់ខ្លួនទី១-ឈ្មោះ ហុង បញ្ញាវិត ភេទ ប្រុស អាយុ៤០ឆ្នាំ មុខរបរធ្វើចំការ រស់ នៅភូមិសួនអំពៅលិច សង្កាត់ប៉ៃលិន ក្រុងប៉ៃលិន ខេត្តប៉ៃលិន និងទី២-ឈ្មោះ ប៊ុត សំអូន ហៅក្រៅ អាអុល ភេទប្រុស អាយុ៣៣ឆ្នាំ មុខរបរមិនពិតប្រាកដ រស់នៅភូមិ ឃុំកើតហេតុខាងលើ បានរត់គេចខ្លួនបាត់ ស្រមោល។
បច្ចុប្បន្នសមត្ថកិច្ចជំនាញបន្តតាមស្រាវ ជ្រាវចាប់ខ្លួនជនសង្ស័យឈ្មោះ ប៊ុត សំអូន ដើម្បីអនុវត្តតាមនីតិវិធី៕ ស សារ៉េត
