ភ្នំពេញ៖ ជនសង្ស័យម្នាក់ត្រូវបានកម្លាំងនគរបាលព្រហ្មទណ្ឌខណ្ឌមានជ័យ ធ្វើរដ្ឋបាលចាប់ខ្លួនបាន បន្ទាប់ពីត្រួតពិនិត្យរកឃើញមានថ្នាំញៀនជាប់នឹងខ្លួន កាលពីវេលាម៉ោង១០និង៤០នាទីព្រឹក ថ្ងៃទី២ ខែកុម្ភៈ ឆ្នាំ២០១៧ ស្ថិតនៅចំណុចតំបន់សំណង់មិនរៀបរយ ស្ថិតនៅក្នុងភូមិព្រែកតាគង់ សង្កត់ចាក់អង្រែលើ ខណ្ឌមានជ័យ រាជធានីភ្នំពេញ។

សមត្ថកិច្ចនគរបាលខណ្ឌមានជ័យបានឲ្យដឹងថា ជនសង្ស័យដែលចាប់ខ្លួនបានខាងលើនេះមានឈ្មោះពៅ លី ភេទប្រុស អាយុ៣៤ឆ្នាំ ស្នាក់នៅផ្ទះជួល ក្នុងភូមិកើតហេតុខាងលើ។ ដកហូតបានថ្នាំញៀន១កញ្ចប់តូច , ឧបករណ៍សម្រាប់ជក់គ្រឿងញៀនមួយចំនួន រួមនិងដាវសាមូរ៉ៃ១ផងដែរ។

មុននឹងឈានដល់ការចាប់ខ្លួនបាន ជនសង្ស័យខាងលើ កម្លាំងនគរបាលខណ្ឌមានជ័យ ដឹកនាំកម្លាំងដោយ លោក ហួរម៉េងវ៉ាង អធិការរង ទទួលបន្ទុកផ្នែកព្រហ្មទណ្ឌនគរបាលខណ្ឌមានជ័យ សហការជាមួយនិងអាជ្ញាធរខណ្ឌមានជ័យ រួមនិងកម្លាំងនគរបាលប៉ុស្តិ៍ចាក់អង្រែលើ ចុះធ្វើរដ្ឋបាលនៅចំណុចកើតហេតុខាងលើ ខណៈនោះក៏ត្រួតពិនិត្យទៅលើបន្ទប់ជួល ដែលជនសង្ស័យស្នាក់នៅ រកឃើញមានថ្នាំញៀន ឧបករណ៍សម្រាប់ប្រើប្រាស់ រួមនិងដាវសសមូរ៉ៃ ទើបធ្វើការចាប់ខ្លួនតែម្តង។

បច្ចុប្បន្នជនសង្ស័យខាងលើ រួមនិងវត្ថុតាងត្រូវបានសមត្ថកិច្ចនាំខ្លួនមកកាន់ប៉ុស្តិ៍រដ្ឋបាលសង្កាត់ចាក់អង្រែលើ ដើម្បីធ្វើការសាកសួរ និងកសាងសំណុំរឿងបញ្ជូនខ្លួនទៅកាន់ អធិការដ្ឋាននគរបាលខណ្ឌមានជ័យឃុំខ្លួនបណ្តោះអាសន្ន និងបញ្ជូនទៅតុលាការចាត់ការតាមផ្លូវច្បាប់៕ តាឡឹម