នៅពេលនេះយុវជនដែលមកពីគ្រប់ទិសទីជុំវិញពិភពលោកពិសេសតំបន់អាមេរិកឡាទីនកំពុងតែសុបិន្តអាក្រក់ជារៀងរាល់យប់ដោយសារតែបុគ្គលមានឈ្មោះដូណាលត្រាំ ជាបេក្ខភាពប្រធានាធិបតីអាមេរិកលេចធ្លោរជាងគេក្នុងគណបក្សសាធារណរដ្ឋ។
នៅក្នុងការឃោសនាស្វែងរកសម្លេងគាំទ្រ មហាសេដ្ឋីអចលនទ្រព្យបានប្រកាសថានឹងបណ្តេញជនអន្តោ្របវេសន៍ខុសច្បាប់ទាំងអស់ចេញពីអាមេរិក។ ជារៀងរាល់យប់កុមារអាមេរិកឡាទីនជាច្រើនដែលកំពុងរស់នៅលើទឹកដីអាមេរិកមានសុបិន្តអាក្រក់ដោយសារតែបុគ្គលដូណាលត្រាំ។
តាមសារព័ត៌មានNew York times ចាប់តាំងពីចូលរួមប្រកួតប្រជែងចូលកាន់តំណែងនៅសេតវិមានលោកដូណាលត្រាំបានប្រកាសធ្វើឲ្យជនអន្តោ្របវេសន៍រាប់លាននាក់មិនសប្បាយចិត្តក្នុងនោះមានជនជាតិមិចស៊ីកូជាដើម។
ក្នុងខ្សែភ្នែកគ្រួរសារជនអន្តោ្របវេសន៍រូបភាពលោកដូណាលត្រាំដូចជា«បិសាច»កំពុងគម្រាមកំហែងជីវិតរស់នៅរបស់ពួកគាត់ជារៀងរាល់ថ្ងៃ។ យុវវ័យនៅក្នុងគ្រួសារដែលមិនទាន់មានច្បាប់រស់នៅលើទឹកដីអាមេរិកបានស្តាប់ឬផ្ទាល់ត្រចៀកនៅការគម្រាមកំហែងបណ្តេញពួគគេចេញពីទឹកដីអាមេរិក។នៅក្នុងខ្សែភ្នែកយុវវ័យរស់នៅក្នុងតំបន់Lynwood ដែលមានភាគច្រើនជនអន្តោ្របវេសន៍ខុសច្បាប់ធ្វើការនៅទីនោះបង្ហាញពីការមិនពេញចិត្តទៅនឹងបេក្ខភាពប្រធានាធិបតីអាមេរិកដូណាលត្រាំ។ នៅពេលនេះជនអន្តោ្របវេសន៍ក្លាយជាមនុស្សអាក្រាក់រស់នៅលើទឹកដីអាមេរិក ដែលត្រូវគេបណ្តេញចេញគ្រប់ពេលវេលា។
ប្រសិនបើលោកដូណាលត្រាំជាប់ឆ្នោតប្រធានាធិបតីអាមេរិក ស្មារតីជនអន្តោ្របវេសន៍នៅអាមេរិក ពិតជាមិនអាចដេកលក់ស្កប់នោះឡើយដោយមិនដឹងថាត្រូវវិលត្រឡប់ទៅស្រុកវិញក្នុងពេលណាមួយឡើយ។
ប៉ុន្តែក្រុមអ្នកវិភាគបានអះអាងថា ការដែលប្រឆាំងនិងជនអន្តោ្របវេសន៍របស់លោកដូណាលត្រាំបានធ្វើអោយលោកត្រូវបាត់បង់សម្លេងគាំទ្រជាច្រើនពិសេសគឺជនជាតិអាមេរិក ដែលមិនមានដើមកំណើតនៅអាមេរិករាប់សិបលាននាក់មិនគាំទ្រដល់គោលនយោបាយរបស់លោក ។ ការប្រកាសរបស់លោកបានធ្វើឲ្យបាត់បង់សម្លេងគាំទ្រយ៉ាងច្រើន។ គួររំលឹកផងដែរថាលោកអូបាម៉ាជាប់ឆ្នោតប្រធានាធិបតីអាមេរិកគឺដោយសារតែជនអន្តោ្របវេសន៍តែងតែទាំងអស់បោះឆ្នោតគាំទ្រដោយសារតែលោក មានគោលនយោបាយគាំទ្រដល់ជនអន្តោ្របវេសន៍ ៕
ប្រែសម្រួល៖ ម៉ែវ សាធី
