ក្រុមយក្សរបស់អេស្ប៉ាញ Real Madridបានឆ្លងទៅកាន់វគ្គ៨ក្រុមនៃកម្មវិធី Champions Leagueបន្ទាប់ពីយកឈ្នះលើក្រុម អុីតាលី Napoli ទាំងក្នុងនិងក្រៅទឹកដី ។

ក្នុងការប្រកួតជើងទី១នៅប្រទេសអេស្ប៉ាញ ក្រុម Real Madrid បានយកឈ្នះ Napoli 3-1 ហើយនៅក្នុងជើងទី២នេះ ក្រុម Real Madrid ទទួលបានជ័យជម្នះ ដូចជើងទី១ដែរ ។

ក្រុមម្ចាស់ផ្ទះ Napoli មានឱកាសនាំ មុខមុនលើក្រុមភ្ញៀវនៅក្នុងជើងទី២នេះដោយកីឡាករ Dries Mertens នៅនាទីទី ២៤ដែលធ្វើឲ្យ Real Madrid ភ័យបន្តិច ដែរ ។

តែយ៉ាងណាក្ដីចូលដល់តង់ទី២បាន បន្តិច Ramos បានប្រើក្បាលរបស់ខ្លួនយ៉ាងជំនាញស្វែងរកគ្រាប់បាល់តាមបានស្មើវិញ ១-១។ នៅមិនទាន់អស់ចិត្តប្រធាន ក្រុមរូបនេះក៏បានថែម១គ្រាប់នាំមុខវិញ ដោយប្រើក្បាលនេះដដែលនិងតែតបាល់លើកពីជ្រុងដដែលផងដែរ ។

ដោយសារលទ្ធផល ១-២ ខាងលើនេះ ហើយទើប Napoli បានព្យាយាមបុកខ្លាំង ណាស់ដែរ តែមិនអាចសម្រេចឡើយ ហើយផ្ទុយទៅវិញនៅចុងម៉ោងទៅ ហើយនោះ Morata បែរជាមានឱកាស រកបាន១គ្រាប់ទៀតដើម្បីឱ្យ Real Madrid យកឈ្នះ Napoli ៣-១ ក្នុងជើងទី២នេះ ដូចទៅនឹងយកឈ្នះនៅជើងទី១ដែរ ។

គួរបញ្ជាក់ថា ក្លិប Real Madrid បាន ឡើងទៅកាន់វគ្គ៨ក្រុមចុងក្រោយចំនួន៧ឆ្នាំជាប់ៗគ្នា ហើយមិនដែលចាញ់សោះ ក្នុងចំណោម១២ប្រកួតចុងក្រោយនៅ Champions League ៕ ដេវីត