កាលពីថ្ងៃទី ២៨ខែមីនានេះ ប្រធានា ធិបតីអាមេរិកដូណាល់ត្រាំ បានចុះហត្ថលេខា លុបចោល ច្បាប់ស្តីពីបម្រែប្រួលអាកាស ធាតុ ដែលអតីតប្រធានាធិបតី លោកអូបា ម៉ា បាន អនុម័ត ដោយលោកត្រាំចាត់ទុកថា ច្បាប់នោះបានរារាំង ដល់ សកម្មភាពខួង យកប្រេងនិងធ្យូងថ្ម របស់បណ្តាក្រុមហ៊ុន អាមេរិក។
មានប្រសាសន៍ទៅកាន់ក្រុមអ្នកសារ ព័ត៌មាន មុនពេលចុះហត្ថលេខា លោក ត្រាំបញ្ជាក់ថា នឹងបញ្ចប់ «សង្គ្រាមធ្យូងថ្ម» ។ ប្រធានាធិបតីអាមេរិកចាត់ទុក ថា នេះជា ដំណើរប្រវត្តិសាស្ត្រ ដើម្បីបញ្ចប់នូវ រនាំង រារាំងដល់បណ្តាក្រុមហ៊ុន ឧស្សាហកម្ម របស់អាមេរិក និង ជួយលុបចោលច្បាប់ ដែលធ្វើឲ្យពលរដ្ឋអាមេរិក ជាច្រើនត្រូវ បាត់បង់ការងារធ្វើ។
តាមច្បាប់ថ្មី រដ្ឋាភិបាលរបស់លោក ដូណាល់ត្រាំនឹង បង្កក ឬ លុបចោលច្បាប់ ពាក់ព័ន្ធនឹងបម្រែបម្រួលអាកាសធាតុ ដើម្បី ជម្រុញវិស័យឧស្សាហកម្ម នៅក្នុង ប្រទេសនេះកើតឡើង ដើម្បីជួយរកការងារជាច្រើនដល់ពលរដ្ឋអាមេរិក។
គម្រោងថាមពលស្អាត របស់អតីតប្រ ធានាធិបតីអូបាម៉ា នៅក្នុងការកាត់បន្ថយ ឧស្ម័ន ផ្ទះកញ្ចក់ គឺជាបញ្ហា ស្មុគស្មាញ បំផុត របស់ក្រុមហ៊ុន ថាមពលអាមេរិក ។
សកម្មភាពខាងលើរបស់លោកត្រាំ បង្ក ឲ្យមានការព្រួយបារម្ភ ទៅលើការ សន្យា របស់អាមេរិក ពាក់ព័ន្ធនឹងគោលដៅកាត់ បន្ថយជាតិពុលចូលក្នុងបរិយាកាស ។
ជាមួយការលុប ឬ ផ្លាស់ប្តូរច្បាប់របស់ អាមេរិកបង្កក្តីបារម្ភយ៉ាងខ្លាំងពីប្រសិទ្ធភាព របស់អាមេរិក នៅលើឆាកអន្តរជាតិ ។ សហគមន៍អន្តរជាតិ អាចចោទប្រកាន់ អាមេរិក ថា«និយាយបាតដៃខ្នងដៃ » ។ នៅពេលដែលផ្លាស់ប្តូរបែបនេះ តើ សហគមន៍អន្តរជាតិ ទុកចិត្តគោលនយោបាយរបស់អាមេរិកបានដែរឬទេ?
កន្លងមក នៅក្នុងកិច្ចព្រមព្រៀងបរមា ណូ ជាមួយអុីរ៉ង់ ក្រោមរដ្ឋកាលអតីត ប្រធានាធិបតីអាមេរិក បារ៉ាក់អូបាម៉ា ក៏ត្រូវបានលោកត្រាំគំរាមលុបចោលផងដែរ។ ក្រុមអ្នកវិភាគបានបញ្ជាក់ថា ការធ្វើបែបនេះនឹងធ្វើឲ្យមុខមាត់អាមេរិកត្រូវធ្លាក់ចុះ ហើយប្រទេសជាច្រើនជុំវិញពិភពលោកមិន មានទំនុកចិត្តទៅលើអាមេរិកទៀតឡើយ៕
ប្រែសម្រួល៖ ម៉ែវ សាធី
