ប្រើ​ប្អូនស្រី​ឲ្យ​ទៅ​យក​ម្តាយ​ចេញពី​ធ្វើការ​ ប្អូន​អត់​ទៅ​ ខឹង​ចិត្ត​ប្រើ​ហិង្សា​ និង​យក​ខោអាវ​នាង​ដុត​ចោល​ ត្រូវ​សមត្ថកិច្ច​ចាប់ខ្លួន​

ចែករំលែក៖

​ខេត្តកណ្តាលៈ​ បុរស​ម្នាក់​ត្រូវ​នគរបាល​ចាប់ខ្លួន​កសាង​សំណុំរឿង​បញ្ជូន​ទៅ​តុលាការ​បន្ទាប់​ពី​ការ​ប្តឹង​ពី​នារី​រង​គ្រោះ​ថា​ បាន​ធ្វើ​សកម្មភាព​យក​ខោអាវ​របស់​ខ្លួន​ដុត​ឆេះ​អស់​កាលពី​វេលា​ម៉ោង​៧​និង​១០​នាទី​យប់​ ថ្ងៃ​ទី​២៩​ ខែមិថុនា​ ឆ្នាំ​២០១៥​ ស្ថិត​នៅ​ភូមិ​ស្ទឹង​ជ្រៅ​ សង្កាត់​ដើម​មៀន​ ក្រុង​តា​ខ្មៅ​ ខេត្តកណ្តាល​។​

​ជនសង្ស័យ​ដែល​សមត្ថកិច្ច​ចាប់ខ្លួន​ ឈ្មោះ​ ម៉ាក់​ ច​ន្ថា​ ភេទ​ប្រុស​ អាយុ​២៩​ឆ្នាំ​ មុខរបរ​ កម្មករ​សំណង់​ មាន​ទីលំនៅ​កន្លែង​កើតហេតុ​។​ រីឯ​នារី​រង​គ្រោះ​ឈ្មោះ​ ម៉ាក់​ សុ​ម៉ា​លី​ អាយុ​២១​ឆ្នាំ​ ទីលំនៅ​កន្លែង​កើតហេតុ​ និង​មានមុខរ​បរជាក​ម្មការ​នី​រោងចក្រ​ M​ V​ ។​

​សមត្ថកិច្ច​នគរបាល​បាន​បញ្ជាក់​ថា​ នៅ​មុន​ពេល​កើតហេតុ​ខាងលើ​ ជនសង្ស័យ​បាន​ផឹកស្រា​ស្រវឹង​ ពេល​មក​ដល់​ផ្ទះ​ បាន​ប្រើ​ជន​រង​គ្រោះ​ដែល​ត្រូវជា​ប្អូនស្រី​បង្កើត​ឲ្យ​ទៅ​យក​ម្តាយ​ចេញពី​ធ្វើការ​រោងចក្រ​ តែ​ជន​រង​គ្រោះ​មិន​ព្រមទៅ​ ជនល្មើស​ បាន​វាយ​ធ្វើបាប​ជន​រង​គ្រោះ​ រួច​ប្រមូល​យក​ខោអាវ​ យក​ទៅ​ដុត​ឡើង​ឆេះ​អស់​ ហើយ​ជន​រង​គ្រោះ​បាន​ប្តឹង​សមត្ថកិច្ច​ឲ្យ​ឃាត់ខ្លួន​តែ​ម្តង​៕​

...

AmbfXPzgUxmKpFs6TqYwpQ0j2Kc2hcd0uqfWNJ2oPgXS


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print