ភ្នំពេញ៖ មនុស្សប្រុសស្រីចំនួន៦នាក់ត្រូវកម្លាំងនគរបាលព្រហ្មទណ្ឌខណ្ឌសែនសុខសហការជាមួយនិងនគរបាលប៉ុស្តិ៍ទឹកថ្លាធ្វើការឃាត់ខ្លួនខណៈពួកគេបាននាំគ្នាទៅប្រមូលផ្តុំប្រើប្រាស់គ្រឿងញៀន។

ការឃាត់ខ្លួននេះបានធ្វើឡើងកាលពីវេលាម៉ោង១១និង៣០នាទីព្រឹកថ្ងៃទី២២ ខែមេសា ឆ្នាំ២០១៧ ស្ថិតនៅចំណុចផ្ទះសង់ថ្មី ផ្លូវបេតុងភូមិស្លែងរលើង សង្កាត់ទឹកថ្លា ខណ្ឌសែនសុខ។

ជនសង្ស័យទាំង៦នាក់នេះទី១មានឈ្មោះ ហៀង ចាន់ថន ភេទស្រីអាយុ២៩ឆ្នាំ មុខរបមិនពិតប្រាកដ ស្នាក់នៅបន្ទប់ជួលភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ, ទី២ឈ្មោះ ហ៊ុត លីហ្សា ភេទស្រី អាយុ១៧ឆ្នាំ មុខរបរមិនពិតប្រាកដ ស្នាក់នៅម្តុំភូមិអូបែកក្អម, ទី៣ឈ្មោះ ម៉ៅ ឡេង ភេទស្រី អាយុ២៥ឆ្នាំ មុខរបរនិងស្នាក់នៅមិនពិតប្រាកដ, ទី៤ឈ្មោះឆន ស្រីណៃ ភេទស្រី អាយុ២៦ឆ្នាំ មុខរបរនិងស្នាក់នៅមិនពិតប្រាកដ, ទី៥ ឈ្មោះ ស៊ុំ សុវណ្ណដេត ភេទប្រុស អាយុ៣៤ឆ្នាំ មុខរបរធ្វើសំណង់ ស្នាក់ក្នុងការដ្ឋានសំណង់ម្តុំស្ពានដែក ខណ្ឌដង្កោ និងទី៦ឈ្មោះ លី សា ភេទប្រុស អាយុ៣៤ឆ្នាំ មុខរបរធ្វើសំណង់ស្នាក់នៅម្តុំស្ពានដែក ខណ្ឌដង្កោ។

ប្រភពពីសមត្ថកិច្ចបានឲ្យដឹងថា មុននិងឃាត់ខ្លួនពួកគេទាំង៦នាក់ខាងលើនេះគឺសមត្ថកិច្ចបានធ្វើការស្រាវជ្រាវតាមរយៈកម្លាំងពិសេសទើបឈានដល់ការឃាត់ខ្លួនពួកគេនៅចំណុចខាងលើតែម្តង។ ក្នុងនោះសមត្ថកិច្ចបានដកហូតវត្ថុតាងនូវឧបករណ៍សម្រាប់ប្រើប្រាស់មួយចំនួន។ ក្រោយឃាត់ខ្លួនសមត្ថកិច្ចធ្វើតេស្តទឹកនោមហើយពួកគេសុទ្ធតែមានសារធាតុញៀនទាំងអស់។

បច្ចុប្បន្នជនសង្ស័យទាំងប្រុសស្រី៦នាក់នេះកំពុងឃាត់ខ្លួនជាបណ្តោះអាសន្ននៅអធិការដ្ឋានគរបាលខណ្ឌសែនសុខដើម្បីចាត់ការបន្តតាមនីតិវិធី៕ តុង សីហា