ខេត្ដព្រះសីហនុ៖ អ្នកស្រុកព្រៃនប់ ខេត្ដព្រះសីហនុបានចោទប្រកាន់អាជ្ញាធរដែនដីនិងសមត្ថកិច្ចពាក់ព័ន្ធថា បានរួម គំនិតគ្នាលួចបើករោងម៉ាស៊ីនអារឈើ ធំៗចំនួនពីរកន្លែងនៅក្នុងស្រុកព្រៃនប់ ជាយូរឆ្នាំមកហើយដោយដំណើរយ៉ាង រលូននិងសុខស្រួលបំផុត ។
អ្នកស្រុកបាននិយាយថា ទីតាំងរោង ម៉ាស៊ីនអារឈើទាំងពីរកន្លែងនោះគឺស្ថិត នៅក្នុងភូមិតានៃ និងភូមិត្រញំងគា ឃុំ ជើងគោ ស្រុកព្រៃនប់ ខេត្ដព្រះសីហនុ ដែល មានខ្នងបង្អែកជាមន្ដ្រីរដ្ឋបាលព្រៃឈើ ខណ្ឌនៃខេត្ដព្រះសីហនុ ។
ប្រភពដដែលបានបន្ដថា រាល់ថ្ងៃ គេបានស្ដុកឈើគ្រប់ប្រភេទនៅក្នុង ទីតាំងរោងម៉ាស៊ីនផង និងតាមផ្ទះអ្នក ស្រុកដែលជាប់សែស្រឡាយពួកគេផង ។ ប៉ុន្ដែក្នុងអំឡុងពីរថ្ងៃគឺនៅថ្ងៃទី២៣និង ២៤ខែកញ្ញាឆ្នាំ២០១៥ គេសង្កេតឃើញ ថា ម្ចាស់រោងម៉ាស៊ីននោះបានដោះ យកម៉ាស៊ីននិងឈើប្រណីតដឹកចេញ យកទៅលាក់ទុកនៅក្នុងព្រៃខាងក្រោយ ផ្ទះផងនិងក្នុងភូមិផងដោយមិនដឹងពីមូលហេតុអ្វីច្បាស់លាស់នោះទេ ។ ប្រការ នេះគេសង្ស័យម្ចាស់រោងម៉ាស៊ីនអារឈើ នោះទទួលដំណឹងពីមន្ដ្រីជំនាញថា រឿង លួចលាក់អារឈើខុសច្បាប់នេះត្រូវបានបែកធ្លាយដល់អាជ្ញាធរខេត្ដហើយគួរតែ ប្រុងប្រយ័ត្ន ។
ទាក់ទិននឹងករណីរោងម៉ាស៊ីនអារឈើដុះស្លែខាងលើនេះអ្នកយកព័ត៌មាននគរ វត្ដមិនអាចទំនាក់ទំនងសុំការបំភ្លឺពីលោក ឌី សុខុម ប្រធានរដ្ឋបាលព្រៃឈើខណ្ឌ ខេត្ដ ព្រះសីហនុបានទេដោយសង្ស័យថា គាត់ បានប្ដូរលេខទូរស័ព្ទ ។
ទោះជាយ៉ាងនេះក្ដីអ្នកស្រុកព្រៃនប់ សូមអំពាវនាវដល់អាជ្ញាធរខេត្ដព្រះ សីហនុមេត្ដាចាត់ការតាមច្បាប់លើ ទីតាំងរោងម៉ាស៊ីនអារឈើខាងលើនេះ ផងដើម្បីចូលរួមកម្ចាត់អំពើពុករលួយ ជាចង្កោមនៅក្នុងស្រុកព្រៃនប់និងជួយកុំឱ្យហិនហោចព្រៃឈើផង ៕
ដោយ៖ ឆ្លាមសមុទ្រ
