អាមេរិក៖ កាលពីម្សិលមិញ (២៤ កញ្ញា ២០១៥) នៅទីក្រុងញ៉ូវយ៉ក សហរដ្ឋអាមេរិក (New york, USA) សម្តេចតេជោ ហ៊ុន សែន បានជួបសំណេះសំណាលយ៉ាងរីករាយរាក់ទាក់ជាមួយប្រជាពលរដ្ឋខ្មែរ-អាមេរិកាំង ខ្មែរ-កាណាដា ព្រមទាំងសិស្ស និស្សិតខ្មេរដែលបានមកសិក្សានៅទីនោះ ។
ប្រជាពលរដ្ឋជនរួមជាតិខ្មែរ មានសេចក្តីរីករាយ និងកក់ក្តៅបំផុតដែលបានជួបសម្តេចតេជោ និងបានស្តាប់ប្រសាសន៍សម្តេចដោយផ្ទាល់អំពីការវិវឌ្ឍន៍ជឿនលឿនរបស់កម្ពុជាសព្វថ្ងៃនេះ គឺមិនដូចការនិយាយអាក្រក់បំផ្លើសរបស់បក្សប្រឆាំងនិង បុគ្គលប្រឆាំងជ្រុលនិយមមួយចំនួនដែលនិយាយអាក្រក់អំពីប្រទេសជាតិរបស់ខ្លួន។ កម្ពុជាកំពុងដើរលើផ្លូវត្រូវ ហើយពលរដ្ឋកម្ពុជាទាំងអស់មានសិទ្ឋិសេរីភាពគ្រប់យ៉ាង ក្នុងការចូលរួមអភិវឌ្ឍន៍ប្រទេសជាតិយើងអោយកាន់តែរីកចម្រើនទៅមុខ។
សម្តេចតេជោ ហ៊ុន សែន ក៏បានថ្លែងអំណរគុណដល់ប្អូនប្រជាពលរដ្ឋខ្មែរដែលកំពុងរស់នៅបរទេសទាំងអស់មិនថាតែនៅអាមេរិក និងកាណាដាទេ ដែលតែងតែគាំទ្ររាជរដ្ឋាភិបាល ជាពិសេស សម្តេចតេជោក្នុងការដឹកនាំ និងអភិវឌ្ឍន៍កម្ពុជាអោយកាន់តែរីកចម្រើនខ្លាំងឡើង ៕
