កីឡាករវ័យ២៨ឆ្នាំSeamus Coleman ដែលកំពុងសម្រាកព្យាបាលរបួសបាក់ជើងពីរគន្លាក់ បានចុះកិច្ចសន្យាថ្មី ជាមួយក្លិប Everton ដែលនឹងរក្សារូបគេនៅទីនេះដល់រដូវឆ្នាំ២០២២។

ក្លិបEverton ជឿជាក់ថា ប្រធានក្រុមជម្រើសជាតិអៀរឡង់ Seamus Coleman នឹងជាសះស្បើយពេញលេញពីរបួសបាក់ជើងដែលទទួលរងពេលប្រកួតជម្រុះ World Cup 2018 ទល់នឹងវែលក្នុងខែមីនានោះ។

គួរបញ្ជាក់ថា Coleman និង Everton បានព្រមព្រៀងគ្នាលើកិច្ចសន្យាថ្មី តាំងពីមុនពេលចេញទៅលេងឱ្យជម្រើសជាតិម្ល៉េះ ហើយក្លិប Everton បានរក្សាពាក្យសច្ចៈរបស់ពួកគេ ដោយស៊ីញេលើកិច្ចសន្យាថ្មីដោយគ្មានកែប្រែលក្ខខណ្ឌអ្វីឡើយជាមួយ Coleman ថ្វីបើខ្សែការពារស្ដាំរូបនេះនៅរបួសនៅឡើយក្ដី ៕ ដេវីត