ភ្នំពេញ៖ ផ្ទាំងថ្មក្បាលនាគពុះទ្រូងផ្លូវចំនួន៦កង់រងនូវការខូចខាតទាំងស្រុងកាលពីវេលាម៉ោង១១ និង២០នាទីយប់ ថ្ងៃទី២៧ ខែកញ្ញា ឆ្នាំ២០១៥ ដែលស្ថិតនៅតាមបណ្តោយផ្លូវព្រះមុនីរ៉េត ត្រង់ចំណុចទល់មុខវត្តស្ទឹងមានជ័យ សង្កាត់ស្ទឹងមានជ័យ ខណ្ឌមានជ័យ បង្កឡើងដោយរថយន្តកាមរី បាឡែន១គ្រឿង។
ប្រភពពីសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្ត កាមរីបាឡែន១គ្រឿង ពណ៌ខ្មៅ ពាក់ស្លាកភ្នំពេញ2P-9760 បើកបរដោយបុរសម្នាក់មិនស្គាល់ ឈ្មោះក្នុងទិសដៅលិចទៅកើត។ លុះមកដល់ចំណុចកើតហេតុគេឃើញរថយន្តនោះរេចង្កូតជ្រុល ទៅបុកផ្ទាំងថ្មពុះទ្រូងចែកផ្លូវបាក់អស់ចំនួន៦កង់ និងរថយន្តរងនូវការខូចខាតទាំងស្រុងទៅមុខ លែងរួច។
ក្រោយកើតហេតុសមត្ថកិច្ចជំនាញចរាចរណ៍ក៏បានចុះដល់កន្លែងកើតហេតុ ហើយបានធ្វើ ការស្ទូចរថយន្តបង្កហេតុយកមករក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរ បាលរាជធានីភ្នំពេញ ដើម្បីតម្រូវឲ្យម្ចាស់រថយន្តចេញមុខដោះស្រាយតាមច្បាប់៕
ដោយ៖ តាឡឹម
