ខេត្តកកំពង់ឆ្នាំង៖ ក្រុមជនសង្ស័យជាអ្នកចែកចាយគ្រឿងញៀន៤នាក់ត្រូវបានកម្លាំងសមត្ថកិច្ចនគរបាលក្រុង និងខេត្តកំពង់ឆ្នាំង សហការគ្នាឃាត់ខ្លួនកាលពីរសៀលថ្ងៃ២៦ ខែកញ្ញា ឆ្នាំ២០១៥ នៅក្នុងភូមិត្រពាំងចឹក្សា សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង ។
សមត្ថកិច្ចបានឲ្យដឹងថា ជនសង្ស័យទាំ៤នាក់ដែលត្រូវចាប់ខ្លួនទី១-ឈ្មោះ ឈួន ផល្លីន ភេទប្រុស អាយុ២៤ឆ្នាំ/ ទី២-ឈ្មោះ អ៊ីម គឹមមួយ ភេទស្រី អាយុ១៨ឆ្នាំ/ ទី៣-ឈ្មោះ ហុង គឹមស្រ៊ូ ភេទប្រុស អាយុ៣៥ឆ្នាំ ទាំង៣នាក់មានទីលំនៅក្នុងភូមិត្រពាំងចឹក្សា សង្កាត់កំពង់ឆ្នាំង ក្រុងកំពង់ឆ្នាំង និងទី៤-ឈ្មោះ ចាន់ លី ហៅវី ភេទប្រុស អាយុ២៧ឆ្នាំ មានទីលំនៅក្នុងភូមិព្រៃខ្មែរ ឃុំព្រៃខ្មែរ ស្រុករលាប្អៀរ ខេត្តកំពង់ឆ្នាំង ។
ក្នុងពេលឃាត់ខ្លួនជនសង្ស័យសមត្ថកិច្ចដកហូតបានម៉ូតូចំនួន២គ្រឿង ថ្នាំញឿន២កញ្ចប់ធំ ទូរស័ព្ទ៣គ្រឿង វិទ្យុទាក់ទង២គ្រឿង ជញ្ជីងថ្លឹងថ្នាំញៀន២ ថង់សម្រាប់ច្រករំលែកថ្នាំញៀនកាំបិត ពូថៅ និងសម្ភារជក់គ្រឿងញៀនមួយចំនួនទៀត ។
សមត្ថកិច្ចបានឲ្យដឹងទៀតថា ប្រតិបត្តិការណ៍នេះធ្វើឡើងក្នុងខណៈដែលជនសង្ស័យទាំង៤នាក់កំពុងចែកចាយ និង ប្រើប្រាស់គ្រឿងញៀនជាក់ស្តែងនៅផ្ទះរបស់ឈ្មោះឈួន ផល្លីន ប្រពន្ធឈ្មោះអ៊ីម គឹមមួយ ។
នគរបាលបញ្ជាក់ថា កន្លងទៅនេះឈ្មោះឈួន ផល្លីន នេះត្រូវសមត្ថកិច្ចចាប់ខ្លួនពីបទចែកចាយគ្រឿងញៀនផងដែរ ប៉ុន្តែជាប់គុកមិនបានប៉ន្មានផងត្រូវគេដោះលែងមកវិញ ហើយប្រកបមុខរបរនេះដដែលទៀត ៕
ដោយ៖ ចន្ថា
