ខេត្តកណ្តាល៖ បុរសម្នាក់បានដេកស្លាប់អាក្រាតកាយនៅលើគ្រែក្នុងផ្ទះបង្កឲ្យមានការភ្ញាក់ផ្អើលនៅវេលាម៉ោង៧និង៣០នាទីព្រឹក ថ្ងៃទី២៧ ខែកញ្ញា ឆ្នាំ២០១៥ ត្រង់ចំណុចផ្ទះជនរងគ្រោះស្ថិតក្នុងភូមិព្រែកអញ្ជាញ សង្កាត់ព្រែកឬស្សី ក្រុងតាខ្មៅ ។
ពាក់ព័ន្ធករណីនេះដែរ សមត្ថកិច្ចនគរបាលជំនាញបច្ចេកទេស-វិទ្យាសាស្ត្រក្រុងតាខ្មៅ និងក្រុមគ្រូពេទ្យជំនាញដែលចុះទៅពិនិត្យសាកសពជនរងគ្រោះបានបញ្ជាក់ថា ជនរងគ្រោះស្លាប់ដោយសារចខ្យល់គ មិនមានជាប់ពាក់ព័ទ្ធទៅនឹងករណីអ្វីផ្សេងឡើយ ។ បន្ទាប់ពីពិនិត្យចប់សព្វគ្រប់ហើយនោះសមត្ថកិច្ចបានប្រគល់សាកសពជនរងគ្រោះ ទៅឲ្យក្រុមគ្រួសារយកទៅធ្វើបុណ្យតាមប្រពៃណី ។
មន្ត្រីនគរបាលយុត្តិធម៌ក្រុងតាខ្មៅបានឲ្យដឹងថា ជនរងគ្រោះមានឈ្មោះ មាស ចិន្តា ភេទប្រុស អាយុ៤៥ឆ្នាំ បច្ចុប្បន្នស្នាក់នៅផ្ទះចំណុចកើតហេតុខាងលើ ។
ប្រភពដដែលបានបន្តថា ជនរងគ្រោះរូបនេះជាមនុស្សចូលចិត្តផឹកស្រាខ្លាំងណាស់ ពេលស្រវឹងម្តងៗតែងតែស្រែកឡូឡាបង្កការរំខានដល់អ្នកជិតខាង ។ នៅវេលាល្ងាចថ្ងៃទី២៦ ខែកញ្ញា ឆ្នាំ២០១៥ អ្នកជិតខាងបានឃើញជនរងគ្រោះផឹកស្រាស្រវឹងជោកជាំ ហើយបានចូលទៅក្នុងផ្ទះស្រែកឡូឡាបង្កការរំខានដូចសព្វមួយ មិនមាននណាម្នាក់ចាប់អារម្មនោះទេ ។ លុះព្រឹកឡើងស្រាប់តែមានប្អូនជីដូនមួយប្រទះឃើញជនរងគ្រោះដេកស្លាប់អាក្រាតកាយនៅលើគ្រែក្នុងបន្ទប់ផ្ទះយ៉ាងដូច្នេះតែម្តង ៕
ដោយ៖ ស្អាងជ័យ
