ក្រុមបាតុករមានគម្រោងដង្ហែក្បួន នៅកោះហុងកុងនាថ្ងៃទី២៨ ខែកញ្ញា ជាការរំលឹកខួបមួយឆ្នាំថ្ងៃដែលកើតឡើង មហាបាតុកម្មគ្រប់គ្រងមជ្ឈមណ្ឌល ហិរញ្ញវត្ថុហុងកុងធ្វើសកម្មភាពទាំងឡាយ នៅទីនោះត្រូវជាប់គាំង។
ដោយមិនទទួលបានការយោគយល់ និងកែទម្រង់នយោបាយពីរដ្ឋាភិបាល ទីក្រុងប៉េកាំងអ្នកដែលចូលរួមដង្ហែក្បួននាពេលនេះបញ្ជាក់ថា គ្មានគម្រោងធ្វើ បាតុកម្មទ្រង់ទ្រាយធំណាមួយទៀតឡើយ។
ក្រុម“បដិវត្ដិគ្រប់គ្រងទីក្រុង” បាន ចាប់ផ្ដើមកើតឡើងកាលពីមួយឆ្នាំមុន ហើយបានអំពាវនាវឱ្យមានការកែទម្រង់ ប្រព័ន្ធបោះឆ្នោតប្រកបដោយប្រជាធិប តេយ្យនៅតំបន់សេដ្ឋកិច្ចកោះហុងកុង។ការធ្វើបាតុកម្មរបស់ក្រុមនិស្សិតនាពេល នោះបានអូសបន្លាយរយៈពេលជាងមួយសបា្ដហ៍ហើយអូសទាញមនុស្សរាប់សែននាក់ចូលរួម ។
ពលរដ្ឋរាប់សែននាក់ចូលរួមធ្វើបាតុកម្មធ្វើឱ្យប៉ូលិសត្រូវប្រើប្រាស់ឧស្ម័នបង្ហូរ ទឹកភ្នែកដើម្បីបំបែកហ្វូងបាតុកម្ម។ ប៉ុន្ដែ ក្រុមបាតុករនៅតែមិនព្រមបំបែកហ្វូង ឡើយដោយបានប្រើប្រាស់ម៉ាស់បិទមុខនិងឆត្រសម្រាប់ទប់ទល់នឹងប៉ូលិស ។ សកម្មភាពខាងលើរបស់បាតុករត្រូវ បានគេដាក់ឈ្មោះឱ្យថា “បដិវត្ដិឆត្រ” ដោយសារក្រុមបាតុករប្រើប្រាស់ឆត្រសម្រាប់បាំងភ្លៀងនិងកំដៅថ្ងៃ ។ ក្នុងរយៈ ពេលជាងពីរខែមជ្ឈមណ្ឌលហុងកុងប្រែក្លាយទៅជាទីតាំងរបស់ក្រុមបាតុករ។
តាមគម្រោងក្រុមអ្នករៀបចំដង្ហែក្បួន ត្រូវបានធ្វើឡើងនៅថ្ងៃទី២៨ ខែកញ្ញា ក្នុងតំបន់“Lennon Wall”។ ក្រុមបាតុករ ចំណាយពេលមួយនាទីស្មឹងស្មាតនៅ វេលាម៉ោង១៦និង៥៨នាទីជាពេលវេលាដែលប៉ូលិសបានបាញ់ឧស្ម័នបង្ហូរទឹកភ្នែក ទៅលើក្រុមបាតុករ។
សារព័ត៌មាន South china morning post បានដកស្រង់សម្ដីប៉ូលិស ដែលមិនបញ្ចេញឈ្មោះបានឱ្យដឹងថា ប៉ូលិសជាង៣០០០ពាន់បានដាក់ពង្រាយ ការពារសន្ដិសុខនៅថ្ងៃទី២៨ ខែកញ្ញា ដោយខ្លាចមានអំពើហិង្សាកើតឡើងធ្វើឱ្យបាតុកម្មប្រែក្លាយទៅជាហិង្សាទ្រង់ទ្រាយ ធំដូចកាលពី១ឆ្នាំមុនពិបាកទប់ស្កាត់ ៕
ប្រែសម្រួល៖ ម៉ែវ សាធី
