ភ្នំពេញ៖ នៅព្រឹកថ្ងៃទី ២៩ ខែកញ្ញា ឆ្នាំ២០១៥ រដ្ឋបាលខណ្ឌដង្កោ បានរៀបចំពិធីបើកការដ្ឋានស្ថាបនា ផ្លូវបេតុងចំនួន០៤ខ្សែ ក្នុងសង្កាត់ព្រែកកំពឹស និងសង្កាត់ជើងឯក ស្ថិតក្រោមគម្រោងមូលនិធិសង្កាត់ឆ្នាំ២០១៥ ចំនួន០២ខ្សែ និងគម្រោងថវិការបស់រដ្ឋបាលខណ្ឌដង្កោឆ្នាំ២០១៥ ចំនួន ០២ខ្សែ ក្រោមអធិបតីភាព លោក នុត ពុធដារ៉ា អភិបាល នៃគណៈអភិបាលខណ្ឌដង្កោ។
លោកអភិបាលខណ្ឌដង្កោ បានថ្លែងនូវការអបអរសារទរចំពោះសមិទ្ធផលថ្មីបន្ថែមទៀតដែលសង្កាត់ទាំងពីរ ក្នុងខណ្ឌដង្កោ បានទទួលតាមរយៈគម្រោងមូលនិធិសង្កាត់ និងគម្រោងថវិការបស់រដ្ឋបាលខណ្ឌ ឆ្នាំ២០១៥ ដែលរួមមានផ្លូវបេតុង ០៤ខ្សែ ដែលត្រូវបើកការដ្ឋានស្ថាបនាក្នុងពេលនេះ។
លោកអភិបាលក៏បានលើកឡើងអំពីការអភិវឌ្ឍរីកចម្រើនរបស់មូលដ្ឋានយើង ក្រោមការដឹកនាំប្រកប ដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី ។ ជាមួយគ្នាលោកអភិបាលខណ្ឌក៏បានស្នើដល់បងប្អូនប្រជាពលរដ្ឋដែលរស់នៅក្នុងសង្កាត់ទាំង០២ ជាពិសេសអ្នកដែលរស់នៅជាប់នឹងគម្រោងដែលត្រូវស្ថាបនានេះ សូមយល់អធ្យាស្រ័យចំពោះផលប៉ះពាល់តិចតួចដែលកើតមានដោយសារការស្ថាបនាផ្លូវ ហើយសូមតាមដានការលើការស្ថាបនាផ្លូវនេះ បើឃើញមានបញ្ហា ឬភាពមិនប្រក្រតី ណាមួយ ត្រូវរាយការណ៍ជូនចៅសង្កាត់ និងមន្ត្រីជំនាញដើម្បីធ្វើការពិនិត្យ និងវាយតម្លៃ ព្រោះនេះគឺដើម្បីបម្រើប្រយោជន៍ដល់បងប្អូនដែលអ្នកប្រើប្រាស់ផ្លូវនេះផ្ទាល់។
គួរបញ្ជាក់ថាៈការបើកការដ្ឋានស្ថាបនានាថ្ងៃនេះរួមមាន៖
សង្កាត់ព្រែកកំពឹស
- ផ្លូវបេតុងគ្មានសសៃដែក ០១ខ្សែ ប្រវែង ៤០៧,៥ម៉ែត្រ ទទឹង ០៤ម៉ែត្រ ស្ថិតក្នុងភូមិដំណាក់សង្កែ ( ស្ថិតក្នងគម្រោងមលនិធិសង្កាត់ឆ្នាំ២០១៥)
- ផ្លូវបេតុងឆ្អឹងដែក ០១ខ្សែ ប្រវែង ៥០០ម៉ែត្រ ទទឹង០៤ម៉ែត្រ ស្ថិតក្នុងភូមិព្រែកកំពឹស (ស្ថិតក្នងគម្រោងថវិការបស់រដ្ឋបាលខណ្ឌ ឆ្នាំ២០១៥)
សង្កាត់ជើងឯក
- ផ្លូវបេតុងឆ្អឹងដែក ០១ខ្សែ ប្រវែង ៥២៥ម៉ែត្រ ទទឹង០៥ម៉ែត្រ ស្ថិតក្នុងភូមិបុរីកម្មករ (ស្ថិតក្នងគម្រោងថវិការបស់រដ្ឋបាលខណ្ឌ ឆ្នាំ២០១៥)
- ផ្លូវបេតុងគ្មានសសៃដែក ០១ខ្សែ ប្រវែង ២៩០ម៉ែត្រ ទទឹង ០៤ម៉ែត្រ ស្ថិតក្នុងភូមិរលួស ( ស្ថិតក្នងគម្រោងមលនិធិសង្កាត់ឆ្នាំ២០១៥) ៕
ដោយ៖ ភារ៉ា ដង្កោ
