ភ្នំពេញ៖ កម្លាំងនគរបាលព្រហ្មទណ្ឌខណ្ឌ៧មករានិងប៉ុស្តិ៍ទំនុបទឹកសហការជាមួយកម្លាំនគរបាលព្រហ្មទណ្ឌកម្រិតស្រាលរាជធានីភ្នំពេញឃាត់ខ្លួនជនសង្ស័យម្នាក់ក្នុងចំណោមបក្ខពួក២នាក់ដែលធ្វើសកម្មភាពជិះម៉ូតូភ្ជង់ឆក់កាបូបលុយពីស្រ្តីចំណាស់ម្នាក់ដែលគេស្គាល់ថាជាម្តាយបង្កើតលោកចៅក្រមសាលាដំបូងរាជធានីភ្នំពេញ ។
កាលពីរសៀលថ្ងៃទី២៨ ខែកញ្ញាម្សិលមិញនៅខាងកើតផ្សារអូរឡំាពិកនិងយកលុយ៤០០ដុល្លារ។ ក៏ត្រូវបានសមត្ថកិច្ចធ្វើការស្រាវជ្រាវឃាត់ខ្លួនជនសង្ស័យបានម្នាក់នៅម៉ោងជិត២រសៀលថ្ងៃទី២៩ ខែកញ្ញាឆ្នាំ២០១៥តាមបណ្ដោយផ្លូប១៩៣ ស្ថិតនៅក្នុងសង្កាត់ទួលស្វាយព្រៃទី១ ខណ្ឌចំការមន រាជធានីភ្នំពេញ។ សង្ស័យមានឈ្មោះ ទីន នីន ភេទប្រុស អាយុ៣២ឆ្នាំ មុខរបរប៉ះកង់ ស្នាក់នៅផ្ទះជួលនៅម្ដុំទួលស្វាយព្រៃទី១ ខណ្ឌចំការមន ។
បច្ចុប្បន្នជនសង្ស័យត្រូវបានសមត្ថកិច្ចនាំយកមកឃុំខ្លួនបណ្ដោះអាសន្ននៅអធិការដ្ឋាននគរបាល ខណ្ឌ៧មករា ដើម្បីសាកសួរនិងកសាងសំនុំរឿងបញ្ជូនខ្លួន ទៅសាលាដំបូងរាជធានីភ្នំពេញ ចាត់ការតាមនីតិវីធីច្បាប់ ។
បច្ចុប្បន្នសមត្ថកិច្ចបាននិងកំពុងធ្វើការស្រាវជ្រាវជាបន្តទៀត ដើម្បីតាមប្រមាញ់បក្ខពួកដែលនៅសេសសល់មួយចំនួនទៀត ៕
...
ដោយ៖ សរ រស្មី
