ភ្នំពេញ៖ ហេតុការណ៍គ្រោះថ្នាក់ចរាចរណ៍មួយបានកេីតឡេីង បន្ទាប់បុរសម្នាក់បានបេីករថយន្តកាមរីឆ្លាមមួយគ្រឿងសង្ស័យស្រវឹងស្រាជោគជាំបានជ្រុលចង្កូតទៅបុករបងផ្ទះប្រជាពលរដ្ឋទាំងកម្រោល ប៉ុន្តែសំណាងល្អមិនបង្កឲ្យគ្រោះថ្នាក់ដល់អ្នកដទៃនោះទេ ។

ករណីនេះបានកេីតឡេីងកាលពីវេលាម៉ោង៣ទាបភ្លឺ ថ្ងៃទី៣០ ខែកញ្ញា ឆ្នាំ២០១៥ នៅត្រង់ចំណុចផ្ទះលេខ244 ផ្លូវលេខ132 ភូមិ6 សង្កាត់ទឹក ល្អក់ទី១ ខណ្ឌទួលគោក ។

រថយន្តបង្កម៉ាកCamry ពណ៌ទឹកមាស ពាក់ស្លាកលេខភ្នំពេញ 2M-4793 បេីកបរដោយបុរសម្នាក់ឈ្មោះ សាយ សុភាព អាយុ ២៨ឆ្នាំ មានស្រុកកំណេីតនៅខេត្តបាត់ដំបង ។

តាមប្រភពពីសាក្សីនៅកន្លែងកេីតហេតុបានឲ្យដឹងថា នៅមុនពេលកេីតហេតុគេឃេីញរថយន្តបង្ក បានបេីកតាមបណ្តោយផ្លូវលេខ១៣២ ក្នុងទិសដៅពីលិចទៅកេីត លុះបេីកមកដល់ចំណុចខាងលេី បានជ្រុលទៅបុករបងផ្ទះតែម្តង ។

ក្រោយកេីតហេតុម្ចាស់រថយន្តបង្ក បានគេចខ្លួនបាត់ដោយបន្សល់ទុករថយន្តបង្ក នៅកន្លែងកេីតហេតុផងដែល ។ បច្ចុប្បន្នរថយន្តត្រូវបានកម្លាំងនគរបាលចរាចរណ៏យកទៅរក្សាទុកនៅអធិការដ្ឋាននគរបាលខណ្ឌទួលគោកដើម្បីដោះស្រាយតាមច្បាប់ ៕

ដោយ៖ ស ដារ៉ា