អ៊ីរ៉ង់ប្រកាសថានឹងប្ដឹងប្រទេសអារ៉ាប៊ី សាអ៊ូឌីតដែលមិនបានធានាសុវត្ថិភាពដល់សាសនិកមកពីជុំវិញពិភពលោក ចូលរួមដង្ហែក្បួនព្យុហយាត្រា Hajj ទៅ កាន់ព្រះវិហារំចេចាក្នុងនោះមានជន ជាតិអ៊ីរ៉ង់ជាច្រើននាក់ដែលបានស្លាប់នៅ ក្នុងហេតុការណ៍ខាងលើ។
កាលពីថ្ងៃទី២៩ ខែកញ្ញា អ្នកនាំពាក្យ រដ្ឋាភិបាលអ៊ីរ៉ង់លោក Mohammad Baqer Nobakht បញ្ជាក់ថា រដ្ឋាភិបាល ទីក្រុងតេអេរ៉ង់និងប្ដឹងរដ្ឋាភិបាលអារ៉ាប៊ីសាអ៊ូឌីតទៅតាមផ្លូវច្បាប់អន្ដរជាតិ ។ មេដឹកនាំអ៊ីរ៉ង់ធ្លាប់បានបញ្ជាក់ផងដែរថា អ៊ីរ៉ង់នឹងខិតខំអស់ពីសមត្ថភាពក្នុងការ ការពារសិទ្ធិរបស់អ្នកដែលចូលរួមពិធី ដង្ហែក្បួនព្យុហយាត្រា Hajj ។ ពលរដ្ឋ អ៊ីរ៉ង់មានរហូតដល់ទៅ៣២៩នាក់បាន ស្លាប់២៨នាក់ទៀតរបួសនិង២៤៨នាក់ ទៀតបានបាត់ខ្លួន ។
ក្នុងពេលជាមួយគ្នានោះដែរនៅក្នុង កិច្ចប្រជុំកាលពីថ្ងៃទី២៩ ខែកញ្ញាសភា ប្រទេសនីហ្សេរីយ៉ាបានសម្រេចបង្កើត គណៈកម្មការ Hajj ដើម្បីស្រាវជ្រាវ ហេតុការណ៍ប្រជ្រៀតជាន់លើគ្នាខាងលើសម្លាប់ជនជាតិនីហ្សេរីយ៉ា៦៤នាក់ ។ តំណាងរាស្ដ្រនីហ្សេរីយ៉ាបានជំរុញឱ្យ ក្រុមអ្នកស៊ើបអង្កេតសហការជាមួយរដ្ឋា ភិបាលអារ៉ាប៊ីសាអ៊ូឌីតដើម្បីបញ្ជាក់ពី តួលេខអ្នកស្លាប់និងរងរបួសនៅក្នុងហេតុ ការណ៍ខាងលើ។
តំណាងរាស្ដ្រលោក Gbenga Asha ថា ដែលទើបតែវិលត្រឡប់ពីប្រទេស អារ៉ាប៊ីសាអ៊ូឌីតបញ្ជាក់ថា ចំនួនពលរដ្ឋ នីហ្សេរីយ៉ាស្លាប់អាចនឹងកើនឡើងខ្ពស់ ជាងនេះ ។ លោកក៏បានថ្កោលទោស ដល់រដ្ឋាភិបាលអារ៉ាប៊ីសាអ៊ូឌីតដែល មិនបានធានាសុវត្ថិភាពជូនអ្នកចូលរួមធ្វើព្យុហយាត្រា ។ លោកបន្ដទៀតថា ក្នុងពេលហេតុការណ៍ខាងលើបានកើត ឡើងមានតែច្រកទ្វារមួយប៉ុណ្ណោះដែលបានបើកក្នុងចំណោមច្រកទ្វារសម្រាប់ចាកចេញទាំង១០។
ហេតុការណ៍ខាងលើបានធ្វើឱ្យមាន ភាពតានតឹងកាន់តែខ្លាំងឡើងរវាងអ៊ីរ៉ង់និងអារ៉ាប៊ីសាអ៊ូឌីត។កន្លងមកថ្មីៗមេដឹក នាំជាន់ខ្ពស់អ៊ីរ៉ង់លោក Ali Khamenei មានប្រសាសន៍ថា “ខ្ញុំស្នើដល់អារ៉ាប៊ី សាអ៊ូឌីតត្រូវតែសុំទោសពីហេតុការណ៍ ប្រជ្រៀតជាន់គ្នានៅព្រះវិហារ Mecca ។ អារ៉ាប៊ីសាអ៊ូឌីតរៀបចំមិនបានល្អគ្មាន សុវត្ថិភាពចំណុចទាំងនោះតើអារ៉ាប៊ី សាអ៊ូឌីតមានសមត្ថភាពគ្រប់គ្រាន់ក្នុងការធ្វើពិធីព្យុហយាប្រចាំឆ្នាំដែរឬទេ?”
រដ្ឋមន្ដ្រីការបរទេសអារ៉ាប៊ីសាអ៊ូឌីត លោក Adel Al Jubeir បញ្ជាក់ថា អារ៉ាប៊ី សាអ៊ូឌីតតែងតែយកចិត្ដទុកដាក់ធានា ដល់សុវត្ថិភាពអ្នកចូលរួមធ្វើពិធីព្យុហយាត្រាទៅកាន់ព្រះវិហារ Mecca ។ប៉ុន្ដែ អ៊ីរ៉ង់បានប្រើប្រាស់សកម្មភាពខាងលើ ដូចជាកូនអុកនយោបាយសម្រាប់វាយ ប្រហារទៅលើអារ៉ាប៊ីសាអ៊ូឌីត ។
រដ្ឋមន្ដ្រីក្រសួងសុខាភិបាលអារ៉ាប៊ី សាអ៊ូឌីតលោក Khalid Al Falih បញ្ជាក់ថា ក្រុមសន្ដិសុខកំពុងតែស្រាវ ជ្រាវហេតុការណ៍ខាងលើដើម្បីបញ្ជាក់ឱ្យបានច្បាស់ពីមូលហេតុបង្កឱ្យមានការប្រជ្រៀតជាន់គ្នាកើតឡើង ៕
ប្រែសម្រួល៖ ម៉ែវ សាធី
