អ្វីដែលរុស្ស៊ីអាចគំរាមលោកខាងលិចនិងណាតូបាននាពេលនេះគឺអាវុធបរមាណូ

ចែករំលែក៖

ប្រភពព័ត៌មានបរទេស Value Walk បានផ្សព្វផ្សាយថា ប្រទេសរុស្ស៊ីបាន គំរាមប្រើប្រាស់នុយក្លេអ៊ែរដើម្បីវាយ ប្រហារប្រឆាំងអាមេរិក និងសម្ពន្ធមិត្ដ ប្រសិនបើកងកម្លាំងអង្គការណាតូបញ្ជូនកងទ័ពបន្ថែមទៀតចូលទៅកាន់ប្រទេស តំបន់បាល់ទិក ឬប៉ុនប៉ងរំដោះតំបន់ គ្រីមៀដាក់ទៅក្នុងក្រោមដែនអធិប តេយ្យរបស់អ៊ុយក្រែនវិញនោះ ។

russia-army-2015

បន្ទាប់ពីកិច្ចប្រជុំមួយធ្វើឡើងដោយបិទទ្វាររវាងក្រុមស៊ើបការណ៍សម្ងាត់ នៅក្នុងទីក្រុង Torgau, Saxony ប្រទេស អាល្លឺម៉ង់កាលពីខែមុនមក មានសេចក្ដី រាយការណ៍ថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន នឹងត្រួតពិនិត្យយ៉ាងប្រុង ប្រយ័ត្នរាល់សកម្មភាពរបស់កម្លាំងអង្គការណាតូនៅក្នុងការប៉ុនប៉ងណាមួយ ដើម្បីរំដោះតំបន់គ្រីមៀឱ្យទៅអ៊ុយក្រែនឬការប្រមូលផ្ដុំកងទ័ពនៅក្នុងតំបន់បាល់ ទិកនោះថា ជាការប្រកាសសង្គ្រាម ហើយលោកបានគំរាមឆ្លើយតបឱ្យបានស័ក្ដិសមបំផុត ក្នុងនោះមានទាំងការ ប្រើអាវុធនុយក្លេអ៊ែរផងដែរ ប្រសិនបើ ចាំបាច់ ។

ទីភ្នាក់ងារព័ត៌មាន The Times បាន ផ្សព្វផ្សាយព័ត៌មានខាងលើនេះដោយ យោងទៅលើកំណត់ហេតុកិច្ចប្រជុំមួយច្បាប់ដែលធ្វើឡើងរវាងអាមេរិកនឹង ក្រុម Elbe Group ។ កំណត់ហេតុនេះ បានគូសបញ្ជាក់ថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន កំពុងមានផែន ការធ្វើឱ្យតំបន់បាល់ទិកជ្រួលច្របល់ ចលាចលដើម្បីតតាំងប្រយុទ្ធ រុញច្រាន កម្លាំងអង្គការណាតូដែលបានសន្យាថា នឹងជួយការពារបណ្ដាប្រទេសគាំទ្រលោក ខាងលិច ឱ្យរួចផុតពីការវាតទីរបស់រុស្ស៊ី។ តាមកំណត់ហេតុដដែលបន្ដថា ផែនការ ធ្វើឱ្យអស្ថិរភាពនោះធ្វើឱ្យរុស្ស៊ីទទួលបានផលប្រយោជន៍ខ្លាំងជាងនៅតំបន់ភាគ ខាងកើតអ៊ុយក្រែនទៅទៀត។ ភាគខាង កើតអ៊ុយក្រែនមានអ្នកគាំទ្ររុស្ស៊ី និង និយាយភាសារុស្ស៊ីតិចតួចជាងនៅតំបន់ បាល់ទិក ជាពិសេសប្រទេស៣គឺ ឡាត់ វៀ លីតធូនៀ និងអ៊ីស្ដូនៀ ប្រទេសទាំង បីនេះមានពលរដ្ឋនិយាយភាសារុស្ស៊ីភាគ ច្រើន ហើយប្រសិនបើអស្ថិរភាពកើត ឡើងនោះរុស្ស៊ីនឹងក្ដោបក្ដាប់ប្រទេសទាំង នេះបានយ៉ាងងាយស្រួល ។

ប្រភពបន្ដថា យុទ្ធសាស្ដ្រដែលរុស្ស៊ី ធ្វើទៅលើប្រទេសទាំង៣នៅតំបន់បាល់ ទិកនោះគឺ ដូចទៅនឹងយុទ្ធសាស្ដ្រដែល បានធ្វើទៅលើតំបន់គ្រីមៀ ហើយដែល រុស្ស៊ីបានសម្រេចដាក់បញ្ចូលក្នុងផែនទីឱ្យស្ថិតក្រោមដែនអធិបតេយ្យរបស់ខ្លួន កាលពីឆ្នាំ២០១៤ បន្ទាប់ពីផែនការបាន សម្រេចជោគជ័យមួយរយភាគរយមក។ នៅក្នុងបទសម្ភាន៍មួយបន្ទាប់ពីដាក់ បញ្ចូលតំបន់គ្រីមៀឱ្យស្ថិតក្នុងដែនអធិបតេយ្យរុស្ស៊ីមក លោក ពូទីន បានទទួល ស្គាល់ថា លោកបានបញ្ជាឱ្យកម្លាំងទ័ព ប្រតិបត្ដិការតាមផែនការដើម្បីគ្រប់ គ្រងតំបន់គ្រីមៀ។ នៅពេលសួរថា តើ លោកមានផែនការប្រើប្រាស់កម្លាំងកងទ័ពអាវុធនុយក្លេអ៊ែរដែរឬយ៉ាងណានោះ លោកពូទីនបានសារភាពថា “យើងពិត ជាត្រៀមអាវុធនុយក្លេអ៊ែរប្រាកដមែន”។

កំណត់ហេតុដដែលបានបន្ដទៀតថា ក្រុម ជំនាញសន្ដិសុខរុស្ស៊ីបានយល់ដឹង និង គិតថា អាមេរិកមានគម្រោងកម្ទេច ប្រទេសរបស់ពួកគេទោះនៅក្នុងតម្លៃ ណាក៏ដោយ។ នៅក្នុងសេណារីយោនេះ អាមេរិកគួរតែយល់ដឹងពីគ្រោះថ្នាក់ ដែលកើតឡើងជាយថាហេតុ។ នេះបើ យោងតាមកំណត់ហេតុដដែល។ បញ្ហា នៅអ៊ុយក្រែន និងក្រុមអ៊ិកស្លាមបង្កើតរដ្ឋ មិនបានធ្វើឱ្យវិមានក្រឹមឡាំង ព្រួយ បារម្ភនោះទេ ប៉ុន្ដែការវាយប្រហារ ដើម្បីធនធាននៅក្នុងតំបន់អាក់ទិកវិញទេ ទើបជារឿងសំខាន់។

កាលពីប៉ុន្មានថ្ងៃ មុននេះមានការផ្សព្វផ្សាយថា រុស្ស៊ីបាន ងាកទៅរកតំបនអាក់ទិកដោយបញ្ជាឱ្យ កងទ័ពមានវត្ដមាននៅទីនោះកាន់តែ ច្រើនឡើងថែមទៀត។ វត្ដមានរបស់ កងទ័ពទាំងនេះបានចូលរួមធ្វើសមយុទ្ធ និងសកម្មភាពផ្សេងៗទៀតផងដែរ។ អាមេរិកបានបញ្ជូនយុទ្ធោបករណ៍ធុន ធ្ងន់១២០គ្រឿងឆ្ពោះទៅកាន់ប្រទេសតំបន់ បាល់ទិកក្នុងគោលដៅការពារការឈ្លានពានពីរុស្ស៊ីទៅលើប្រទេសក្នុងតំបន់បាល់ទិក ក៏ដូចរារាំងមិនឱ្យលោក ពូទីន វាត ទីបន្ថែមទៀតចូលសហគមន៍អឺរ៉ុប។

អគ្គលេខាធិការអង្គការណាតូបានថ្លែងថា យន្ដហោះចម្បាំងរុស្ស៊ីបានហោះហើរនៅព្រំដែនតំបន់បាល់ទិកជាង៤០០លើកនៅ ក្នុងឆ្នាំ២០១៤។ កន្លងមកកងទ័ពណាតូ បានធ្វើសមយុទ្ធនៅប្រទេសឡាត់វៀក៏ ដូចជាជួយហ្វឹកហ្វឺនយុទ្ធសាស្ដ្រប្រយុទ្ធ ការពារខ្លួន និងបាញ់រំដោះផងដែរ ដល់ កងទ័ពឡាត់វៀ។ ក្នុងឆ្នាំ២០១៤ ណាតូ បានធ្វើសមយុទ្ធជិត២០០លើក ហើយ ដែលអគ្គលេខាធិការអង្គការណាតូលោក Jens Stoltenberg បានបញ្ជាក់ថា ការ ធ្វើសមយុទ្ធទាំងនោះនឹងបន្ដធ្វើឡើងនៅ ពេលខាងមុខទៀត។ អ្នកនាំពាក្យស្ថានទូត អាមេរិកប្រចាំនៅប៉ូឡូញបានថ្លែងថា នៅក្នុងឆ្នាំ២០១៥ ការដាក់ពង្រាយកង ទ័ពអាមេរិកនៅប៉ូឡូញ និងនៅតំបន់ បាល់ទិកមានការកើនឡើង។

រុស្ស៊ីបាន ដាក់បញ្ចូលតំបន់គ្រីមៀស្ថិតនៅក្នុងដែនអធិបតេយ្យរបស់ខ្លួនកាលពី ខែមីនា ឆ្នាំ ២០១៤ ជាហេតុនាំឱ្យមានជម្លោះនយោ បាយហែកហួរគ្នាកើតឡើងក្រោយសង្គ្រាម ត្រជាក់ផុតរលត់។ ស្ថានការណ៍តានតឹង កាន់តែស្រួចស្រាល់ថែមទៀតនៅពេល រុស្ស៊ីឈ្លានពានតំបន់ភាគខាងកើតអ៊ុយ ក្រែនដែលសម្លាប់មនុស្សជាង៦ពាន់ នាក់។ រដ្ឋាភិបាលលោក អូបាម៉ា នៅតែ ពិចារណាដាក់កងទ័ពឱ្យឈរជើងនៅអ៊ុយក្រែន បើទោះបីមានកិច្ចព្រមព្រៀងឈប់ បាញ់រវាងក្រុមបះបោរគាំទ្ររុស្ស៊ីនឹងរដ្ឋាភិបាលអ៊ុយក្រែនបានធ្វើឡើងកាលពីថ្ងៃទី១២ ខែកុម្ភៈ ឆ្នាំ២០១៥ នៅទីក្រុងMinsk ប្រទេសប៉េឡារូសយ៉ាងណាក៏ដោយ។ លោក Dmitry Peskov អ្នកនាំពាក្យ ប្រធានាធិបតី ពូទីន បានហៅព័ត៌មាន ផ្សព្វផ្សាយដែលថា វិមានក្រឹមឡាំង គំរាមប្រើអាវុធនុយក្លេអ៊ែរនោះជារឿងមិនពិត។ ពួកគេបំភ្លៃព័ត៌មាននេះឡើង ដើម្បីបង្ខូចកេរ្ដិ៍ឈ្មោះរុស្ស៊ី ៕

dfrgd etwe