ភ្នំពេញ៖ លោក វង្សី វិស្សុត រដ្ឋ លេខាធិការក្រសួងសេដ្ឋកិច្ច និងហិរញ្ញ វត្ថុអមដំណើរដោយថ្នាក់ដឹកនាំក្រសួង ការពារជាតិ អគ្គបញ្ជាការបានអញ្ជើញ ចូលរួមជាអធិបតីក្នុងពិធីផ្សព្វផ្សាយការងារសេដ្ឋកិច្ច និងត្រួតពិនិត្យជីវភាពរស់ នៅរបស់កងទ័ពក្នុងសាកលវិទ្យាល័យ ការពារជាតិកាលពីថ្ងៃទី១ ខែតុលា ឆ្នាំ ២០១៥ ដោយមានការចូលរួមពីកម្ម សិក្សាការី៥២៣នាក់ ។
លោកឧត្ដមសេនីយ៍ឯក សោម សាវី សាកលវិទ្យាធិការរងសាកលវិទ្យាល័យ ការពារជាតិបានអានរបាយការណ៍ និង ប្រវត្ដិនៃការកកើតសាកលវិទ្យាល័យ ការពារជាតិតាំងពីឆ្នាំ១៩៥៤ មាន ឈ្មោះបណ្ឌិត្យសភាយោធាកម្ពុជា ឆ្នាំ ១៩៨៤ មានឈ្មោះសាលានាយទាហាន មធ្យមជាន់ខ្ពស់ ឆ្នាំ១៩៩៣ ដល់ឆ្នាំ ១៩៩៧ មានឈ្មោះបណ្ឌិត្យសភាកង យោធពលខេមរភូមិន្ទ ចាប់ពីឆ្នាំ២០០១ បានប្ដូរឈ្មោះជាវិទ្យាស្ថានយោធាកម្ពុជា ចុងឆ្នាំ២០០៦ ត្រូវបានដំឡើងជាសាកល វិទ្យាល័យការពារជាតិ ។
សាកលវិទ្យាល័យមាន៥មហាវិទ្យា ល័យ ១មជ្ឈមណ្ឌល និង១០ការិយាល័យ ចំណុះ ។ មកដល់ពេលនេះមានរយៈ ពេល២០ឆ្នាំ សាកលវិទ្យាល័យដំណើរ ការហ្វឹកហ្វឺនបណ្ដុះបណ្ដាលនាយទាហាន ១០៦វគ្គ មានកម្មសិក្សាការី៥.២០១ នាក់ ។ បច្ចុប្បន្នកំពុងអភិវឌ្ឍន៍កម្មវិធី សិក្សាឱ្យទំនើបស្របតាមនិយាមសាកល វិទ្យាល័យបង្កើនគុណភាពហ្វឹកហ្វឺនពង្រឹង សមត្ថភាពយោធាចារ្យកសាងជួរនាយ ទាហានវ័យក្មេងចេញពីនិស្សិត ព្រមទាំង ពង្រឹងកិច្ចសហប្រតិបត្ដិការជាមួយ ប្រទេសជាមិត្ដជិតឆ្ងាយ ។
លោក វង្សី វិស្សុត បានកោតសរសើរ និងវាយតម្លៃខ្ពស់ចំពោះគំរូវីរភាពអង់ អាចក្លាហានរបស់យុទ្ធជន យុទ្ធនារី កង យោធពលខេមរភូមិន្ទ ដែលបានលះបង់ សាច់ស្រស់ ឈាមស្រស់ក្នុងបុព្វហេតុ ការពារមាតុភូមិ និងផ្ដល់ក្ដីសុខសាន្ដ ជូនប្រជាពលរដ្ឋ និងសង្គមជាតិ ព្រម ទាំងចែករំលែកបទពិសោធន៍ក្នុងវិស័យ សេដ្ឋកិច្ចសង្គម បណ្ដុះស្មារតីឱ្យដល់ នាយទាហានយើងកាន់តែមានស្មារតី ស្នេហាជាតិប្រកបដោយឆន្ទៈមោះមុត។ ខ.ភ.មគឺជាឆ្អឹងខ្នងរបស់ជាតិជាកម្លាំង ចលករមួយដ៏សំខាន់ក្នុងកិច្ចការពារ កសាងសង្គមប្រកបដោយនិរន្ដរភាពគួរឱ្យកោតសរសើរនិងរៀនសូត្រតាម ។
លោករដ្ឋលេខាធិការក្រសួងសេដ្ឋ កិច្ច និងហិរញ្ញវត្ថុបន្ដទៀតថា បច្ចុប្បន្ន កម្ពុជាកំពុងដើរលើផ្លូវត្រូវក្រោមការ ដឹកនាំដ៏ឈ្លាសវៃរបស់សម្ដេចតេជោ ហ៊ុន សែន នាយករដ្ឋមន្ដ្រីព្រះរាជា ណាចក្រកម្ពុជាបាននិងកំពុងបោះជំហាន ទៅមុខដោយធានាបានកំណើនសេដ្ឋកិច្ច ក្នុងអត្រា៧ភាគរយប្រកបដោយចីរភាព បរិយាប័ន្ន សមធម៌ ។ ក្នុងឆ្នាំ២០១៥ នេះកម្ពុជាបានក្លាយជាប្រទេសស្ថិតក្នុង ចំណូលមធ្យមលែងជាប្រទេសក្រីក្រទៀត ហើយ ជាប្រទេសស្ថិតក្នុងចំណូលមាន ការកើនឡើងគួរឱ្យកត់សម្គាល់ ។ រហូត ដល់ឆ្នាំ២០៣០នឹងក្លាយជាប្រទេសដែល មានចំណូលមធ្យមកម្រិតខ្ពស់ដោយសារ កំណើនសេដ្ឋកិច្ចលូតលាស់ជារៀងរាល់ រាជរដ្ឋាភិបាលបានដំឡើងប្រាក់បៀវត្ស ជូនមន្ដ្រីរាជការ កងកម្លាំងប្រដាប់អាវុធ ជាបន្ដបន្ទាប់ ។
ក្នុងឱកាសនោះដែរគណៈអធិបតីក៏ បានប្រគល់ថវិកា៥លានរៀល មីយើង ២០០កេស, ទឹកត្រី ទឹកស៊ីអ៊ីវ១០០ឡូ ប៊ីចេង២០០គីឡូក្រាម, ត្រីខ២០កេស ជូនសាកលវិទ្យាល័យការពារជាតិ ព្រម ទាំងត្រួតពិនិត្យការហូបចុករបស់នាយ ទាហានជាកម្មសិក្សាការីក្នុងបរិយាកាស ស្និទ្ធស្នាលក្រៃលែង ៕
ដោយ៖ សុខដុម
