ភ្នំពេញ៖ កាលពីល្ងាចថ្ងៃទី១ ខែ តុលា ឆ្នាំ២០១៥ នៅអគ្គបញ្ជាការ ដ្ឋានកងយោធពលខេមរភូមិន្ទ(ខ.ភ.ម.) មានរៀបចំកិច្ចប្រជុំបូកសរុបលទ្ធផល ការងារ៩ខែនិងទិសដៅអនុវត្ដន៍ការងារ ត្រីមាសទី៤ឆ្នាំ២០១៥ក្រោមអធិបតី ភាពនាយឧត្ដមសេនីយ៍ ប៉ុល សារឿន អគ្គមេបញ្ជាការនៃកងយោធពលខេមរភូមិន្ទ ។
លោកឧត្ដមសេនីយ៍ឯក វង្ស វាសនា នាយរងសេនាធិការចម្រុះនិងជានាយក ទីចាត់ការកលយុទ្ធអគ្គបញ្ជាការបាន អានរបាយការណ៍សន្និដ្ឋានវាយតម្លៃនិងទិសដៅអនុវត្ដន៍ការងារត្រីមាសទី៤ឆ្នាំ២០១៥ដាក់ជូនអង្គប្រជុំដើម្បីពិនិត្យ ពិភាក្សា និងផ្លាស់ប្ដូរយោបល់ ។
បន្ទាប់ពីថ្នាក់ដឹកនាំអគ្គបញ្ជាការ ខភមចូលរួមមតិក្នុងរបាយការណ៍រួច មកនាយឧត្ដមសេនីយ៍អគ្គមេបញ្ជាការខ.ភ.ម.បានកោតសរសើរនិងវាយតម្លៃខ្ពស់ចំពោះស្នាដៃទាំងឡាយដែលខ.ភ.ម.សម្រចបាននូវភារកិច្ចធំៗជាច្រើនជូន ប្រទេសជាតិលើភារកិច្ចការពារជាតិ និងការចូលរួមទប់ស្កាត់បង្ក្រាបរាល់បទល្មើសនានាដោយរក្សាបានស្ថិរភាពសន្ដិសុខសណ្ដាប់ធ្នាប់សង្គមបានល្អប្រសើរ ។
នាយឧត្ដមសេនីយ៍ ប៉ុល សារឿន បានបន្ដថា ខ.ភ.ម.បានគាំទ្ររាជរដ្ឋា ភិបាលដែលសម្រេចបង្កើតគណៈកម្មា ការសម្របសម្រួលការងារទទួលប្រគល់ នឹងផ្ទៀងផ្ទាត់ផែនទីរវាងផែនទីរបស់ អង្គការសហប្រជាជាតិ បារាំង និងគណ បក្សប្រឆាំងឃើញថា ដូចគ្នាទៅនិង ផែនទីរបស់រាជរដ្ឋាភិបាលកំពុងប្រើ ប្រាស់ឈរលើគោលការណ៍ច្បាប់ជាតិ អន្ដរជាតិ ព្រមទាំងលិខិតតូបការណ៍ ពាក់ព័ន្ធនិងឯកសារច្បាប់ផ្លូវការដែល មានជាធរមាន ។ ដូច្នេះខ.ភ.ម.ប្ដេជ្ញា ការពាររាជរដ្ឋាភិបាលដែលកើតចេញពីការបោះឆ្នោតដោយឥតងាករេទោះ ក្នុងកាលៈទេសៈណាក៏ដោយ ។
ក្នុងទិសដៅអនុវត្ដការងារបន្ដនាយ ឧត្ដមសេនីយ៍អគ្គមេបញ្ជាការបានបញ្ជាក់ ថា ត្រូវយកចិត្ដទុកដាក់បន្ថែមទៀតលើ ការកសាងពង្រឹងប្រៀបការពារជាតិឱ្យ បានរឹងមាំលើគ្រប់វិស័យដោយដើរ ទន្ទឹមនឹងការជំរុញកសាងបណ្ដាកងឯក ភាពទាំងអស់មានសមត្ថភាពគ្រប់គ្រាន់ ក្នុងការរក្សាអធិបតេយ្យភាពបូរណភាពទឹកដី រក្សាសន្ដិភាព ស្ថិរភាពនយោបាយ ការពារភាពសុខសាន្ដរបស់ប្រជាជនបង្កនូវបរិយាកាសអំណោយផលសម្រាប់ ការអភិវឌ្ឍន៍សេដ្ឋកិច្ចសង្គម ។ យកចិត្ដ ទុកដាក់ថែទាំកងកម្លាំងប្រដាប់អាវុធ គ្រប់ប្រភេទទាំងការបណ្ដុះបណ្ដាល ការ ហ្វឹកហ្វឺន ជីវភាពរស់នៅ ស្មារតី សម្ភារ សំដៅធ្វើឱ្យមានសមត្ថភាពគ្រប់គ្រាន់ ក្នុងការបំពេញភារកិច្ច ពិសេសបណ្ដា កងឯកភាពបំពេញការងារតាមព្រំដែន ទាំងដែនគោកដែនទឹក ។ ពង្រឹងពង្រីក ទំនាក់ទំនងល្អជាមួយកម្លាំងប្រទេសជិតខាងដោះស្រាយបញ្ហាផ្សេងៗដោយសន្ដិវិធីសំដៅកសាងព្រំដែនឱ្យក្លាយជាតំបន់សន្ដិភាព មិត្ដភាព សហប្រតិបត្ដិការ និងអភិវឌ្ឍន៍ ៕
ដោយ៖ សុខដុម