សារព័ត៌មានរ៉យទ័របានផ្សាយថា កូរ៉េខាងជើងទើបតែបានសាកល្បងម៉ាស៊ីនមីស៊ីលថ្មីដែលអាចប្រើប្រាស់សម្រាប់កាំជ្រួចមីស៊ីលឆ្លងទ្វីប វាយប្រហារដល់ទឹកដីអាមេរិក។
មន្ត្រីអាមេរិកដែលមិនបញ្ចេញឈ្មោះបានឲ្យដឹងថាការសាលក្បងម៉ាស៊ីនមីស៊ីលខាងលើរបស់កូរ៉េខាងជើងធ្វើឡើងនៅថ្ងៃទី២១ចែមិថុនាស្ថិតនៅទីតាំងបាញ់មីស៊ីល Sohae ដែលបានសាកល្បង៣លើកមកហើយនៅក្នុងខែមីនាឆ្នាំ២០១៧នេះ។
មន្ត្រីអាមេរិកបញ្ចាក់ទៀតថា ការសាកល្បងនេះបានធ្វើឡើង ជាលើកទីពីរហើយ ប៉ុន្តែអាមេរិកក៏មិនទាន់បានដឹងថា ជាប្រភេទមីស៊ីលអ្វីនោះទេ ។
ពាក់ព័ន្ធនិងការសាកល្បងកាំជ្រួចមីស៊ីលនាពេលកន្លងមករបស់កូរ៉េខាងជើង មន្ត្រីជាន់ខ្ពស់ក្រសួងការពារជាតិអាមេរិក បានបញ្ចាក់ថា ប្រសិនបើកូរ៉េខាងជើង មិនត្រូវបានត្រួតពិនិត្យ តាមដាន និងរារាំងទេនោះ ប្រទេសនេះនិង បន្តផលិតមីស៊ីលនិងបរមាណូ ដែលអាចបាញ់ដល់ទឹកដីអាមេរិកជាមិនខាន។
កន្លងមក អាមេរិកបានវាយតម្លៃ ពីការសាកល្បងម៉ាស៊ីន មីស៊ីល និងកាំជ្រួចមីស៊ីល ជាច្រើន បានបង្ហាញយ៉ាងច្បាស់ថា កូរ៉េខាងជើង ពិតជាមានការរីកចំរើន លើវិស័យបច្ចេកវិទ្យាមីស៊ីល ហើយប្រទេសនេះនឹងផលិតមីស៊ីលឆ្លងទ្វីបបំពាក់ក្បាលគ្រាប់បរមាណូ ក្នុងពេលអនាគត់ដ៏ខ្លីខាងមុខ។ កន្លងមក អ្នកឯកទេសវិភាគបានបញ្ចាក់ថា កូរ៉េខាងជើង ត្រូវចំណាយពេលជាច្រើនឆ្នាំទៀតទើបអាច ផលិត អាវុធឆ្លងទ្វីប បាញ់ដល់ទឹកដីអាមេរិក។
ទឹកដីអាមេរិក មានចម្ងាយពីកូរ៉េខាងជើង តែ ៩០០០គីឡូម៉ែត្រប៉ុណ្ណោះ ក្នុងពេលនោះកាំជ្រួចមីស៊ីលឆ្លងទ្វីប អាចបាញ់បានចម្ងាយដល់ទៅចាប់ពី៥៥០០ដល់ជាង ១មឺនគីឡូម៉ទ្រ។
ការសាកល្បងម៉ាស៊ីនមីស៊ីលរបស់កូរ៉េខាងជើង នាពេលនោះ និងធ្វើឲ្យទំនាក់ទំនងជាមួយអាមេរិកកាន់តែតានតឹង ពិសេសគឺក្រោយពេលនិស្សិត ជនជាតិអាមេរិកដែលកូរ៉េខាងជើង បានដោះលេង ប៉ុន្មានថ្ងៃប៉ុណ្ណោះក៏ស្លាប់តែម្តង ។ អ្នកឯកទេស និងអ្នកសារព័ត៌មានមួយចំនួនរបស់អាមេរិកបានស្នើរឲ្យ ប្រធានាធិបតីដូណាលត្រាំបើកការវាយប្រហារទៅលើ ប្រទេសកូរ៉េខាងជើង ដើម្បីកុំឲ្យមានហេតុការបេបនេះកើតឡើងសាជាថ្មី។
កន្លងមកកូរ៉េខាងជើង ក៏បានដាក់លក្ខណជាមួយអាមេរិក ដោយឲ្យអាមេរិកបញ្ឈប់ការធ្វើសមយុទ្ធរួមជាមួយកូរ៉េខាងត្បូង ។ ការធ្វើសមយុទ្ធនោះត្រូវបានទីក្រុងព្យុងយ៉ាងចាត់ទុកថាជាការ ប៉ុនប៉ងឈ្លានពាន់ទឹកដីកូរ៉េខាងជើង។
ឆ្លើយតបនិងសកម្មភាបខាងលើ មហាអំណាចពិភពលោកសហរដ្ឋអាមេរិកនឹងមិនបញ្ឈប់ការធ្វើសមយុទ្ធយោធារួមគ្នារវាងក្រុងវ៉ាស៊ីនតោននិងសេអ៊ូល ជាថ្នូរនឹងការផ្អាកធ្វើតេស្ដអាវុធនុយក្លេអ៊ែរនិងមីស៊ីលរបស់ប្រទេសផ្ដាច់ការកូរ៉េខាងជើងនោះទេ។
យោងតាមការលើកឡើងរបស់អ្នកនាំពាក្យក្រសួងការបរទេសអាមេរិកលោក Katina Adams បានឲ្យដឹងថា វាគឺមិនមានភាពស្មើគ្នានោះទេ រវាងការធ្វើសមយុទ្ធយោធារបស់អាមេរិកនិងកូរ៉េខាងត្បូងដែលធ្វើឡើងដោយស្របច្បាប់ ជាមួយនឹងការធ្វើតេស្ដអាវុធនុយក្លេអ៊ែរ និងមីស៊ីលរបស់ប្រទេសផ្ដាច់ការកូរ៉េខាងជើងដែលខុសច្បាប់នោះដូចនេះប្រហែលជាអាមេរិក នឹងមិនបញ្ឈប់ការធ្វើសមយុទ្ធនោះជាថ្នូរនឹងការផ្អាកធ្វើតេស្ដរបស់របបកម្មុនិស្ដនោះទេ។
ប្រតិកម្មរបស់មហាអំណាចពិភពកលោកមួយនេះធ្វើឡើងបន្ទាប់ពីប្រេសិតកំពូលរបស់ប្រទេសកូរ៉េខាងជើងប្រចាំប្រទេសឥណ្ឌាបានលើកឡើងកាលពីថ្ងៃពុធថាក្រុងព្យុងយ៉ាងមានឆន្ទៈក្នុងកិច្ចចរចាផ្អាកការធ្វើតេស្ដអាវុធនុយក្លេអ៊ែរនិងមីស៊ីលរបស់ខ្លួនប្រសិនបើអាមេរិក បញ្ឈប់ការធ្វើសមយុទ្ធយោធាជាមួយនឹងប្រទេសកូរ៉េខាងត្បូង៕
