មហាសេដ្ឋីចិន លោក Wang Jing ប្រឈមនឹងការខាតបង់ទឹកប្រាក់យ៉ាងច្រើនសន្ធឹកសន្ធាប់ ដោយក្នុងរយៈពេល៤ខែ ត្រូវខាតបង់រហូតដល់ទៅ9,1ពាន់លានដុល្លារ ក្លាយជាមហាសេដ្ឋីខាតបង់ប្រាក់ច្រើនជាងគេបំផុតលើពិភពលោក។
មហាសេដ្ឋី Wang អាយុ៤២ឆ្នាំ នៅសល់ទ្រព្យសម្បត្តិតែ10,2ពាន់លានដុល្លារប៉ុណ្ណោះ ។ លោក ស្ថិតនៅក្នុងចំណោមមហាសេដ្ឋីទាំង២០០នៅលើពិភពលោក។ គិតមកទល់ពេលនេះក្រោយការធ្លាក់ចុះទីផ្សារមូលប្បទានប័ត្រមហាសេដ្ឋីចិនរូបនេះប្រឈមនឹងការខាតបង់យ៉ាងធំធេង។
បន្ទាប់ពីមហាសេដ្ឋី Wang ក៏នៅមានមហាសេដ្ឋីIvan Glasenberg អគ្គនាយកក្រុមហ៊ុនGlencore មានទីតាំងនៅស្វ៊ីសក៏ត្រូវបាត់បង់ទឹកប្រាក់រហូតដល់ទៅ៦៦ភាគរយដែរចាប់តាំងពីដើមឆ្នាំ២០១៥មក ។
បន្ទាប់ពីនេះក៏នៅមានមហាសេដ្ឋីហុងកុង Luui Che Woo និងមហាសេដ្ឋីមិចស៊ីកូ lok Ricardo Salinas ក៏ត្រូវខាតបង់ទឹកប្រាក់រហូតដល់ទៅ៤៧ភាគរយផងដែរ ។ មូលហេតុដែលសេដ្ឋកិច្ចធ្លាក់ចុះនោះគឺដោយសារតែសេដ្ឋកិច្ចចិនធ្លាក់ចុះ ក៏ដូចជានៅលើពិភពលោកទាំងមូល ៕
ប្រែសម្រួល៖ ម៉ែវ សាធី
