ខេត្តបន្ទាយមានជ័យៈ មើលចុះមនុស្សសម័យនេះសម្លាប់គ្នាផុយៗម្លេះ សូម្បីតែប្តីប្រពន្ធនិងគ្នាសោះ មានរឿងអីដល់ថ្នាក់នេះ..ស្រ្តីជាអាជីវករក្នុងផ្សាររុងក្លឿម្នាក់ ត្រូវប្តីយកដំបងវាយសម្លាប់ រួចផឹកថ្នាំពុល ធ្វើអត្តឃាតសំលាប់ខ្លួនជាក្រោយ។ ហេតុការរណ៍ដ៏សង្វែគនេះបានកើតឡើងកាលពីល្ងាចថ្ងៃទី២៨ ខែមិថុនា ឆ្នាំ២០១៧ នៅក្នុងតូបលក់ដូរមួយកន្លែងក្នុងផ្សាររុងក្លឿ ស្រុកអារញ្ញ ខេត្តស្រះកែវ ជិតច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ។
ស្ត្រីរងគ្រោះ ត្រូវបានសមត្ថកិច្ចប្រាប់ឲ្យដឹងថា៖ ឈ្មោះ លី ហ្គេចហួយ ជាអាជីវករលក់ដូរនៅក្នុងផ្សាររុងក្លឿ មានទីលំនៅក្នុងក្រុងប៉ោយប៉ែត។ ចំណែកប្ដីឈ្មោះ ស៊ុន ប្រហែលជាគិតថា ក្រោយពីវាយសម្លាប់ប្រពន្ធរួច មិនអាចគេចសំណាញ់ច្បាប់បាន ទើបសម្រេចចិត្តផឹកថ្នាំពុលប៉ងបញ្ចប់ជីវិតតាមប្រពន្ធ ប៉ុន្តែត្រូវសមត្ថកិច្ចថៃបានធ្វើការដឹកបញ្ជូនទៅជួយសង្គ្រោះបន្ទាន់ភ្លាមៗ។
សមត្ថកិច្ចថៃនៅមិនទាន់បានបញ្ជាក់ពីមូលហេតុ ដែលនាំឲ្យកើតមានករណីឃាតកម្មនេះនៅឡើយទេ គ្រាដែលបុរសជាប្ដីកំពុងស្ថិតក្នុងស្ថានភាពសង្គ្រោះបន្ទាន់នៅឡើយ។
សមត្ថកិច្ចបានបញ្ជាក់ថា៖ បុរសជាប្តីអាចនឹងគេចផុតពីសេចក្តីស្លាប់ តែទោះជាយ៉ាងណារឿងហេតុខាងលើនេះ មិត្តភក្តិជនរងគ្រោះបានសន្និដ្ឋានជំហានដំបូងថា អាចកើតមកពីករណីប្រចណ្ឌច្រើនជាង ទើបដាច់ចិត្តបញ្ចប់ជីវិតគូមួយជីវិតទាំងមិនគិតវែងឆ្ងាយបែបនេះ?
ដោយ៖ សហការី