ខេត្ដបន្ទាយមានជ័យ៖ បើទោះជាមាន ការបង្ក្រាបរាល់ការដឹកទំនិញគេចពន្ធ ដោយសមត្ថកិច្ចគយ និងស្ថាប័នជំនាញ ពាក់ព័ន្ធសហការបែបណាក៏ដោយ គេ ទទួលស្គាល់ថា ក្រុមហ៊ុនខ្លះ ឈ្មួញមួយ ចំនួនតែងតែមានទំនាក់ទំនងខ្ពស់ ល្អជា មួយនឹងមេៗអង្គភាពពាក់ពន្ធ ដើម្បី ប្រយោជន៍ការពារមុខរបររកស៊ីល្មើស ច្បាប់តាមរយៈបង្កប់ដឹកទំនិញគេចពន្ធ តាមរថយន្ដតូចធំគ្រប់ប្រភេទនេះជា ដើម…។
នៅវេលាព្រឹកថ្ងៃទី៣ ខែតុលា ឆ្នាំ ២០១៥ យ៉ាងតិចរថយន្ដក្រុងដឹកអ្នក ដំណើររបស់ក្រុមហ៊ុនថោង ស៊ីង ដែល មានថៅកែជាជនជាតិចិន ហើយមាន ខ្នងបង្អែកពីអ្នកអទ្ទ្រើសៗផងដែរ បាន ប្រមាណ៤គ្រឿង លួចបង្កប់ទំនិញគេច ពន្ធចេញពីក្រុងប៉ោយប៉ែតឆ្ពោះមកកាន់ រាជធានីភ្នំពេញ ។ នេះបើតាមការបញ្ជាក់ ឱ្យដឹងពីក្រុមឈ្មួញ និងកម្មករស៊ីឈ្នួល លើកទំនិញកាលពីទៀបភ្លឺថ្ងៃដដែលនេះ ។
ក្រុមហ៊ុនថោងស៊ីងដឹកអ្នកដំណើរ ជា ទម្លាប់បានដឹកទំនិញប្រភេទបង់ពន្ធនាំ ចូលថ្លៃៗ ដូចជា 8 បារី,ស្រា និងភេសជ្ជៈ គ្រប់ប្រភេទ ជាមួយនិងសម្លៀកបំពាក់ ទំនើបៗមួយចំនួនទៀត ។ ទំនិញប្រភេទ នេះ ត្រូវបានស៊ីឈ្នួលដឹកឱ្យឈ្មួញចេញពី ក្រុងប៉ោយប៉ែតមកកាន់រាជធានីភ្នំពេញ ក្នុង១រថយន្ដៗយ៉ាងតិចចាប់ពី១តោន កន្លះទៅ២តោន ។ ដោយឡែកចំពោះការ ដឹកអ្នកដំណើរគ្រាន់ជាចំណូលបន្លំបន្ទាប់ បន្សំតែប៉ុណ្ណោះ ខណៈក្រុមហ៊ុននេះបាន ឱ្យបុរសម្នាក់ដែលជាអ្នកមើលការខុស ត្រូវ និងជាកំណាន់ចិត្ដរបស់ថៅកែផង ចេញមុខរត់ការជាមួយនិងគយច្រកប៉ោយ ប៉ែត ,គយចល័តផ្លូវជាតិលេខ៥ ,គយ សាខាខេត្ដបន្ទាយមានជ័យនេះជាដើម ។
បើទោះជាមួយការលេចចេញប្រភព ព័ត៌មាននេះក៏ដោយ មេសាខាគយនិង រដ្ឋាករខេត្ដសបន្ទាយមានជ័យ លោក ថោង សុខាំភូ បានបដិសេធ និងពុំបាន ដឹងថាមានបញ្ហាបង្កប់ទំនិញគេចពន្ធនៅ ឡើយទេ ។ តាមទូរស័ព្ទជាមួយនគរវត្ដ នាព្រឹកថ្ងៃទី៣ ខែតុលា ឆ្នាំ២០១៥ លោក ថោង សុខាំភូ មានប្រសាសន៍យ៉ាងដូច្នេះ ថា “ខ្ញុំមិនទាន់ដឹងថា ក្រុមហ៊ុនបង្កប់ ទំនិញគេចពន្ធ ពីព្រោះក្រុមហ៊ុនថោង ស៊ីងជាប្រភេទទេសចរណ៍ដឹកអ្នកដំណើរ” លោកប្រធានសាខាបន្ដថា “បើមាន ករណីលួចបង្កប់ទំនិញគេចពន្ធដូចការ អះអាងពីអ្នកដែលបានឃើញ ខ្ញុំនឹងមាន វិធានការ ហើយតាមដានក្នុងរឿងនេះ ដោយយកចិត្ដទុកដាក់បំផុត” ។
ក្រុមហ៊ុនថោងស៊ីងដឹកអ្នកដំណើរ បច្ចុប្បន្នកំពុងតែសម្រុកដឹកទំនិញគេច ពន្ធចេញពីក្រុងប៉ោយប៉ែតយ៉ាងច្រើន លើសលុបក្នុង១ថ្ងៃៗ ហើយតាមច្រក អន្ដរជាតិបាវិតវិញ ។ ក្រុមហ៊ុននេះបាន ពឹងផ្អែកដឹកតាមក្រុមហ៊ុនដឹកអ្នកដំណើរ មួយទៀតផងដែរ ដើម្បីបង្ហាញពីសេវា ដឹកជញ្ជូនរបស់ខ្លួនមានគ្រប់ទីកន្លែង ។ បុគ្គលិកក្រុមហ៊ុនខាងលើនេះ បានលួច បង្ហើបថា ប្រធានក្រុមហ៊ុនជាជនជាតិ ចិន មានទំនុកចិត្ដយ៉ាងខ្លាំងមកលើមេ ការរបស់ខ្លួន ដែលធានាឱ្យខាតក្នុងរយៈ ពេលចាប់ពី៣ម៉ឺនដុល្លារឡើងទៅសម្រាប់ ១ខែក៏មិនព្រួយ ធ្វើយ៉ាងណាសហការជា មួយសមត្ថកិច្ចពាក់ព័ន្ធក្នុងសេវាដឹក ជញ្ជូនទំនិញគេចពន្ធ ប្រយោជន៍ឱ្យអតិថិ ជនពឹងផ្អែកមានទំនុកចិត្ដ និងផ្ដួលរលំ ទៅលើក្រុមហ៊ុនដទៃទៀត ។
គេមានជំនឿថា លោកគុណ ញឹម អគ្គនាយកនៃអគ្គនាយកគយ និងរដ្ឋាករ កម្ពុជាអាចនឹងមានវិធានការបង្ក្រាប ប្រសិនបើមានករណីលួចបង្កប់ទំនិញគេច ពន្ធមែននោះ ។ នេះបើតាមការបញ្ជាក់ ឱ្យដឹងពីមន្ដ្រីគយអះអាងថា មេគយថ្មី គាត់មានវិធានការតឹងតែង និងពង្រឹង ទៅលើការប្រមូលពន្ធដើម្បីជាថវិកា របស់រដ្ឋ ។
ប្រភពអាចយកជាការបានខ្លះបាន បង្ហើបថា ការដឹកជញ្ជូនទំនិញគេចពន្ធ បានយ៉ាងរលូននេះ អាចជាការបើកភ្លើង ខៀវ និងត្រូវបង់ក្នុងកម្រិតខ្ពស់ទៅកាន់ មេគយចល័តគ្រប់គ្រងផ្លូវជាតិលេខ៥ របស់កូនចៅលោកកើត សុធារ៉ា ប្រធាន គយចល័ត ប៉ុន្ដែករណីនេះនគរវត្ដមិន អាចសុំការបំភ្លឺបានទេ ពីលោកកើត សុធារ៉ា ថាតើកូនចល័តគ្រប់គ្រងផ្លូវជាតិ លេខ៥អាចពាក់ព័ន្ធនឹងអំពើពុករលួយ នេះជាមួយក្រុមហ៊ុនថោងស៊ីង ឬមួយ យ៉ាងណា ដោយទូរស័ព្ទចូលនាព្រឹកថ្ងៃ ទី៣ ខែតុលា ឆ្នាំ២០១៥ លោកគ្រាន់តែ បញ្ជាក់ថា កំពុងជាប់រវល់ក្នុងកម្មវិធី របស់មេ មិនអាចនិយាយបាន ។
ក្រុមហ៊ុនថោងស៊ីងដឹកអ្នកដំណើរ កំពុងមានចេតនា បំបាត់ពន្ធរដ្ឋបន្ទាប់ពី មានសមត្ថកិច្ច និងខាងគយប្រឹងទាញ យកលាភសក្ការៈពីជំនួញល្មើសច្បាប់ នេះ ។ ដូច្នេះគួរតែថ្នាក់លើមានវិធាន ការរឹតបន្ដឹង លុបបំបាត់ដើម្បីប្រមូល ពន្ធរបស់រដ្ឋមានការកើនឡើង ។ នគរវត្តមិនអាចទាក់ទងក្រុមហ៊ុនខាងលើដើម្បីបកស្រាយបានទេ ពីព្រោះគ្មានលេខទូរស័ព្ទ ៕
ដោយ៖ សុខខេមរា
