រុស្ស៊ីបានច្រានចោលក្ដីព្រួយបារម្ភ របស់អាមេរិកទាក់ទងជាមួយការប្រើ ប្រាស់អតីតដែនអាកាសរបស់អាមេរិក ក្នុងប្រទេសវៀតណាម បន្ទាប់ពីយន្ដហោះ ទម្លាក់គ្រាប់បែករុស្ស៊ីបានចូលចាក់ ប្រេងនៅទីនោះ និងហោះក្រវែលជុំវិញ ដែនអធិបតេយ្យអាមេរិកនៅប៉ាស៊ីហ្វិក។ រុស្ស៊ីបានច្រានចោលការអត្ថាធិប្បាយថ្មីៗ នេះរបស់អាមេរិកដោយបញ្ជាក់ថា ជា រឿងចម្លែក និងគួរឱ្យឆ្ងល់ណាស់។
ទីភ្នាក់ងារព័ត៌មានរ៉យទ័របានរាយ ការណ៍ថា អាមេរិកបានស្នើឱ្យវៀតណាម បញ្ឈប់ការអនុញ្ញាតឱ្យរុស្ស៊ីចូលប្រើ ប្រាស់ទីតាំង Cam Ranh របស់វៀតណាម សម្រាប់ចាក់ប្រេងយន្ដហោះទម្លាក់គ្រាប់ បែកដែលជាការបង្ហាញឥទ្ធិពលនៅក្នុង តំបន់អាស៊ីប៉ាស៊ីហ្វិកនោះទៅទៀត។
ក្រសួងការពារជាតិរុស្ស៊ីបានចេញ សេចក្ដីថ្លែងការណ៍ថា វាគួរឱ្យចម្លែក ខ្លាំងណាស់ដែលបានឮសេចក្ដីថ្លែងបែប នេះពីតំណាងប្រទេសមួយនោះ ដែល មានកម្លាំងប្រដាប់អាវុធឈរជើងជា អចិន្ដ្រៃយ៍នៅប្រទេសមួយចំនួនក្នុងតំបន់ អាស៊ីប៉ាស៊ីហ្វិក ហើយដែលបានបង្កើន កម្រិតនៃសកម្មភាពយោធារបស់ខ្លួន នៅក្នុងតំបន់រួចទៅហើយនោះ។
ប្រភពបញ្ជាក់ថា សេចក្ដីថ្លែងការណ៍ របស់អាមេរិកដែលថា ការចូលចាក់ ប្រេងរបស់យន្ដហោះទម្លាក់គ្រាប់រុស្ស៊ី នៅដែនអាកាសវៀតណាមនាំឱ្យស្ថាន ការណ៍សន្ដិសុខតានតឹងនៅក្នុងតំបន់ នោះថា ជារឿងគួរឱ្យឆ្ងល់។
ក្រសួងការពារជាតិរុស្ស៊ីបានបញ្ជាក់ ទៀតថា សកម្មភាពកម្លាំងជើងអាកាស រុស្ស៊ី និងកិច្ចសហប្រតិបត្ដិការជាមួយ វៀតណាមគឺអនុវត្ដតាមបទដ្ឋានអន្ដរ ជាតិ និងតាមកិច្ចព្រមព្រៀងជាឧភតោ ភាគីមិនមែនជាការគំរាមកំហែងដោយ ផ្ទាល់ទៅលើនរណាម្នាក់ ទៅលើអ្វីមួយ ហើយនឹងមិនមែនជាការគំរាមកំហែង ដល់សន្ដិភាព និងស្ថិរភាពក្នុងតំបន់ អាស៊ីប៉ាស៊ីហ្វិកនោះឡើយ ។
អគ្គមេបញ្ជាការកងទ័ពអាមេរិក ប្រចាំនៅប៉ាស៊ីហ្វិក លោក Vincent Brooks បានថ្លែងប្រាប់ប្រភពព័ត៌មាន រ៉យទ័រថា កាលពីសបា្ដហ៍មុនយន្ដហោះ ជាច្រើនគ្រឿងបានហោះហើរជាលក្ខណៈ បង្ករឿង ដោយក្នុងនោះបានហោះហើរ នៅជុំវិញបន្ទាយអាកាសGuamរបស់ កងទ័ពអាមេរិកដែលស្ថិតនៅសមុទ្រ ប៉ាស៊ីហ្វិកផងដែរ ។
កាលពីពេលកន្លងមកក្រសួងការពារ ជាតិរុស្ស៊ីបានបញ្ជាក់ថា យន្ដហោះដឹក ប្រេងរុស្ស៊ី Il-78 ដែលធ្លាប់ប្រើប្រាស់ បន្ទាយជាម Ranh Bay កាលពីឆ្នាំ ២០១៤នោះគឺបានចូលចាក់ប្រេងឱ្យ យន្ដហោះទម្លាក់គ្រាប់បែក TU-95 ។ សេចក្ដីរាយការណ៍ពីសកម្មភាពនេះក៏ មានច្រើនផងដែរនៅលើបណ្ដាញព័ត៌ មានក្នុងប្រទេសវៀតណាម ។
អ្នកនាំពាក្យក្រសួងការបរទេសអាមេ រិក លោកស្រី Jen Psaki បានថ្លែងថា អាមេរិកមិនចង់ឱ្យរុស្ស៊ីចូលប្រើប្រាស់ស្ថានីយអាកាស Cam Ranh Bay នោះ ឡើយ។ យើងបានជំរុញឱ្យមន្ដ្រីវៀតណាម ត្រូវតែធានាប្រាកដថា រុស្ស៊ីនឹងមិនអាច ចូលប្រើប្រាស់ស្ថានីយអាកាសនេះទៀត ទេ ដែលជាហេតុនាំឱ្យស្ថានការណ៍តាន តឹងនៅក្នុងតំបន់។
វិទ្យុសំឡេងសហរដ្ឋអាមេរិកបានដកស្រង់ប្រភពពីស្ដ្រីអ្នកនាំពាក្យស្ថានទូត អាមេរិកប្រចាំទីក្រុងហាណូយបញ្ជាក់ កាលពីថ្ងៃទី១២ ខែមីនា ថា សំណើរបស់ អាមេរិកត្រូវបញ្ជូនទៅកាន់មន្ដ្រីវៀត ណាមកាលពីសបា្ដហ៍មុនរួចហើយៗថា លោកស្រីមិនទាន់ដឹងពីការឆ្លើយតប បែបណានៅឡើយពីរដ្ឋាភិបាលប្រទេស វៀតណាម ។
ទីភ្នាក់ងារព័ត៌មាន Tass របស់រុស្ស៊ី បានដកស្រង់ប្រភពព័ត៌មានពីលោក Konstantin Vnukov ឯកអគ្គរដ្ឋទូត រុស្ស៊ីប្រចាំនៅវៀតណាមបញ្ជាក់ថា វៀតណាម និងរុស្ស៊ីជាប្រទេសមាន ដែនអធិបតេយ្យឯករាជ្យដែលមិនត្រូវ ការផ្ដល់អនុសាសន៍ឬណែនាំពីនរណា ម្នាក់នោះឡើយ យើងមិនត្រូវការចង់ ស្ដាប់។
រុស្ស៊ី និងវៀតណាមជាសម្ពន្ធមិត្ដជា មួយគ្នាយូរឆ្នាំមកហើយៗទីក្រុងមូស្គូជា អ្នកគាំទ្រយ៉ាងសំខាន់ដល់ទីក្រុងហាណូយក្នុងសង្គ្រាមប្រឆាំងអាមេរិកកាលពីចុង ឆ្នាំ១៩៧៥ ។
ប៉ុន្ដែវិវាទនៅពេលនេះបានកើតឡើង ចំពេលដែលទំនាក់ទំនងរវាងទីក្រុងវ៉ា ស៊ីនតោននឹងវៀតណាមកំពុងតែមាន កក់ក្ដៅបន្ដិចម្ដងៗ ជាពិសេសក្នុងទំនាក់ ទំនងសន្ដិសុខ បន្ទាប់ពីការព្រួយបារម្ភ ទៅលើប្រទេសចិនដែលបង្កើនកម្លាំង យោធា ក៏ដូចជាការគំរាមកំហែងដណ្ដើម ឥទ្ធិពលលើតំបន់អាស៊ីប៉ាស៊ីហ្វិកដែរនោះ។
ទីក្រុងវ៉ាស៊ីនតោនបានភ្ជាប់ និងចាត់ ទុកថា ឈូងសមុទ្រ Cam Ranh Bay នោះថា ជាយុទ្ធសាស្ដ្រសំខាន់របស់ខ្លួន ប្រចាំនៅអាស៊ីដើម្បីប្រឆាំងឥទ្ធិពល របស់ចិន។ នាវារបស់អាមេរិកបាន ចូលទៅកាន់ទីនោះកាលពីប៉ុន្មានឆ្នាំថ្មីៗ ដើម្បីជួសជុលឡើងវិញ។ មន្ដ្រីអាមេរិក បានប្រុងប្រយ័ត្នយ៉ាងខ្លាំង មិនហ៊ានរិះ គន់វៀតណាមទៅលើការហោះហើររបស់ រុស្ស៊ីនោះទេ ដោយបញ្ជាក់ថា ទីក្រុងវ៉ា ស៊ីនតោនគោរពសិទ្ធិទីក្រុងហាណូយ ដែលបានចុះកិច្ចព្រមព្រៀងជាមួយប្រទេស ដទៃ ។
មន្ដ្រីជាន់ខ្ពស់ក្រសួងការបរទេស អាមេរិកបានបញ្ជាក់ថា ទីក្រុងវ៉ាស៊ីន តោនមិនបានឃើញទំនាក់ទំនងរវាង វៀតណាមនឹងរុស្ស៊ី ជាហេតុនាំឱ្យប៉ះពាល់ ឬចុះខ្សោយដល់កិច្ចទំនាក់ទំនងរវាង ទីក្រុងហាណូយនឹងអាមេរិកនោះទេ ៕
ប្រែសម្រួល៖ ម៉ែវ សាធី
