ខេត្ដកណ្ដាល៖ សមាជិកសមាគម សិល្បករខ្មែរក្នុងនោះតារាសម្ដែងតារា កំប្លែងពិធីករពិធីការិនីជាច្រើនរូបបាន នាំយកចង្ហាន់និទេយ្យទានមួយចំនួនទៅ ប្រគេនព្រះសង្ឃគង់នៅទីវត្ដអារាមដើម្បី ឧទ្ទិសកុសលផលបុណ្យជូនដល់ញាតិ សន្ដានដែលបានចែកឋានទៅនិងដើម្បីចូលរួមលើកកម្ពស់វិស័យព្រះពុទ្ធសាសនាផងដែរ។
កម្មវិធីនេះបានធ្វើឡើងកាលពីព្រឹក ថ្ងៃទី៣ ខែតុលា ឆ្នាំ២០១៥ នៅវត្ដឧត្ដម គិរីបព្វតាសិលាគង្គាហៅវត្ដជ្រុងថ្មក្រពើហារស្រុកពញាឮ ខេត្ដកណ្ដាល ។
សិល្បករសិល្បការិនីដែលបានចូល រួមក្នុងថ្ងៃកាន់បិណ្ឌទី៦រួមមានលោក កុយ ស៊ីឌឿន អនុប្រធានសមាគម សិល្បករ,លោក អ៊ឹម ជីវ៉ា, លោក គុណ រៀមរតនៈ, កញ្ញា ហេង ស្រីពេជ្រ, កញ្ញា ឡុង ថាវរី, អ្នកនាង ស៊ុន ណារី ម៉ូនីកា, អ្នកនាង ចាន់ តារាទី, លោក ជេត បូរីនិង តារាមួយចំនួនទៀត។
ការធ្វើបុណ្យទាននាឱកាសពិធីបុណ្យភ្ជុំបិណ្ឌនេះត្រូវបានសិល្បករទាំងអស់ លើកឡើងពីគោលបំណងចង់បង្ហាញពី ការលើកស្ទួយវិស័យព្រះពុទ្ធសាសនាក៏ ដូចជាការចូលរួមគ្នានាពិធីដ៏សំខាន់ នេះក្នុងនាមពុទ្ធបរិស័ទខ្មែរទាំងអស់គ្នា។ ក្រៅពីមូលហេតុខាងលើក៏ជាការបង្ហាញនូវទឹកចិត្ដមួយតាមរយៈការឧទ្ទិសកុសល ជូនដល់ជីដូនជីតាញាតកាទាំងប្រាំពីរ សន្ដានដែលបានចែកឋានទៅលោកខាងមុខបានមកទទួលមគ្គផលដែលសាច់ ញាតិបានធ្វើបុណ្យជូនដើម្បីបានសេចក្ដីសុខហើយងាកក្រោយឱ្យពរជ័យដល់កូន ចៅជួបតែសំណាងល្អ។
លោក កុយ ស៊ីឌឿន អនុប្រធានសមា គមសិល្បករនិងជាទីប្រឹក្សាក្រសួងព័ត៌ មានបានឱ្យដឹងថាការមកជួបជុំគ្នាធ្វើ បុណ្យនេះគឺដើម្បីបង្ហាញពីភាពស្និទ្ធស្នាលគ្នាទាំងតារារៀមច្បងក៏ដូចជាតារា ទើបនិងរះ។ ការរៀបចំនេះក្រៅពីបញ្ជាក់ ពីអត្ថន័យរួមគ្នាលើកស្ទួយវិស័យព្រះពុទ្ធសាសនាក៏ជាការមើលឱ្យឃើញពីការ ស្រឡាញ់រាប់អានគ្នារវាងអ្នកសិល្បៈមិនថាតែពិធីជួបជុំគ្នារីករាយសប្បាយនោះ ទេសូម្បីតែពិធីបែបពុទ្ធចក្រនិងអាណាចក្កក៏យើងមិនចោលឡើយ។ ទាំងអស់នេះ ហើយដែលយើងសម្រេចរួមគ្នាធ្វើបុណ្យក្នុងវេនទី៦នៃពិធីបុណ្យកាន់បិណ្ឌដែលជាបុណ្យធំមួយមិនអាចចោលបាន។ ក្នុង នាមជាអ្នកសិល្បៈត្រូវបង្ហាញឱ្យគេមើលឃើញពីអត្ដចរិតថ្លៃថ្នូរក៏ដូចជាការស្លៀក ពាក់តាមបែបបទថនិងកាលៈទេសៈ។
លោកសំដៅទៀតថា កម្មវិធីដែលធ្វើ ឡើងទៀតសោតដើម្បីជួយគ្នានាំយកនូវចង្ហាន់សម្ភារមួយចំនួនប្រគេនតាមវត្ដពិសេសវត្ដជ្រុងថ្មដែលជាទីអារាមកំពុងតែសាងសង់គ្រប់ផ្នែកនិងត្រូវការជំនួយជាសំខាន់ដែលលោកមិនអាចមើលរំលង បានត្រូវតែមកកាន់ទីអារាមមួយនេះ។ បន្ទាប់ពីបានយកចង្ហាន់វេរប្រគេនព្រះសង្ឃរួចរាល់ហើយលោក កុយ ស៊ីឌឿន ក៏បានដឹកនាំសិល្បករទាំងអស់ទៅមើលទីតាំងអតីតសាលារៀនរកាកោងដែល ជាទីកន្លែងលោកធ្លាប់រៀនសូត្រមុននឹងមករស់នៅទីក្រុងភ្នំពេញផងដែរ ៕
ដោយ៖ វឌ្ឍនា
