ភ្នំពេញ៖ នារសៀលថ្ងៃទី១៥ ខែកក្កដា ឆ្នាំ២០១៧ នៅមជ្ឈមណ្ឌល សន្និបាត និងតាំងពិពណ៍កោះពេជ្រ(អាគារC)ក្រុមហ៊ុនProfessional Trader(Cambodia)Co.,Ltdសហការជាមួយក្រុមហ៊ុន JX Nippon Oils & Energy Asia Pte.,Ltdបានរៀបចំសិក្ខាសាលាប្រចាំឆ្នាំ២០១៧រួមគ្នា ដោយមានវត្តមានចូលរួមពីសំណាក់លោក លោកស្រី មកពីស្ថាប័នរដ្ឋ ក្រុមហ៊ុនឯកជន អាជីវករមកពីបណ្តារាជធានី-ខេត្ត សរុបចំនួន៥៥០នាក់។ លោក សូ សុខប៊ុនថេត នាយកប្រតិបត្ក្រុមហ៊ុនProfessional Trader(Cambodia)Co.,Ltd បានអោយដឹងថា៖ នេះគឺជាអង្គសិក្ខាសាលាប្រចាំឆ្នាំលើកទី១ របស់ក្រុមហ៊ុនProfessional Trader(Cambodia)Co.,Ltd បន្ទាប់ពីប្រតិបត្តិការ លក់ផលិតផលប្រេងម៉ាសុីនម៉ាកENEOS អស់រយះពេលជិតពីរឆ្នាំកន្លងមក ហើយប្រារព្ធធ្វើឡើងក្នុងគោលបំណង ដើម្បីផ្តល់ឱកាសអោយអតិថិជន ដែ លជាប្រតិបត្តិកទីផ្សារស្វែងយល់អោយកាន់តែច្បាស់នូវលក្ខណះស្តង់ដារជាបច្ចេកទេស និងបទដ្ឋានប្រើប្រាស់របស់អតិថិជន ក៏ដូចជាបង្កើតអោយមានបរិយាកាស និងទំនាក់ទំនងស្និទស្នាលរវាង អតិថិជន និងអតិថិជន របស់ក្រុមហ៊ុនផងដែរ។
លោក សូ សុខប៊ុនថេត នាយកប្រតិបត្ក្រុមហ៊ុនProfessional Trader(Cambodia)Co.,Ltd បានអោយដឹងបន្តថា៖ ក្រុមហ៊ុនProfessional Trader(Cambodia)បានទទួលសិទ្ធចែកចាយផ្តាច់មុខនូវ
ផលិតផលប្រេងម៉ាសុីនម៉ាកENEOS សម្រាប់ទីផ្សារប្រទេសកម្ពុជាពីក្រុមហ៊ុន JX Nippon Oils & Energy Asia Pte.,Ltd ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនJXTG Nippon Oils&Energy Cooperation ដែលមានដើមកំណើតនៅប្រទេសជប៉ុន និងបានកំពុងឈានមុខគេនៅទីផ្សារថាមពលនៅទូទាំងប្រទេសជប៉ុន។ នៅក្នុងប្រតិបត្តិការពង្រីកទីផ្សារប្រេងម៉ាសុឺន ទៅកាន់បណ្តាប្រទេសនានាក្នុងពិភពលោក ដ៏ដូចជាសម្រាប់ប្រទេសកម្ពុជា ផលិតផលប្រេងម៉ាសុីនម៉ាកENEOSត្រូវបានផ្តោតយកចិត្តទុកដាក់យ៉ាងសំខាន់ទៅលើស្តង់ដារគុណភាព ប្រសិទ្ធភាព និងការថែទាំផ្នែកបរិស្ថាន។
ផលិតផលប្រេងម៉ាសុីនម៉ាកENEOS បានមានវត្តមាននៅប្រទេសកម្ពុជាចាប់តាំងពីដើមឆ្នាំ២០១៦ និងបានកំពុងចែកចាយនៅទូទាំងប្រទេស តាមរយះអតិថិជនលក់ដុំ លក់រាយជាង៤៥០កន្លែង ហើយកំពុងផ្គត់ផ្គង់នូវផលិតផលជាច្រើនប្រភេទដែលរួមមាន៖ ប្រេងម៉ាសុីនសម្រាប់ម៉ូតូធុនតូច ម៉ូតូស្ព័តធុនធំ ម៉ូតូលេខស្វ័យប្រវត្តិ ប្រេងម៉ាសុីន ប្រេងប៉ុង ប្រេងប្រអប់លេខ សម្រាប់រថយន្តទេសចរណ៍ រថយន្តដឹកទំនិញធុនស្រាល ធុនមធ្យម និងធ្ងន់ធ្ងរ ព្រមទាំងប្រេងម៉ាសុីនគ្រប់ប្រភេទ សម្រាប់គ្រឿងចក្រធុនធ្ងន់ បម្រើអោយវិស័យសាធារណៈការ កសិឧស្សាហកម្ម និ់ងវិស័យសំណង់ ព្រមទាំងផលិតផលពាក់ព័ន្ធមួយចំនួនទៀត៕
ដោយ៖ សុខ ខេមរា
