ខេត្តព្រះវិហារ៖ បុណ្យភ្ជុំបិណ្ឌដែលនឹងខិតចូលមកដល់នាពេលខាងមុខ និងមិនអាចមើលរំលងនូវវីរភាពដ៏អង់អាច ការពារបូរណភាពទឹកដីនៅតាមព្រំដែនរបស់កងកម្លាំងនគរបាល ។
កាលពីព្រឹកថ្ងៃទី៥ ខែតុលា ឆ្នាំ២០១៥ នាយឧត្តមសេនីយ៍ នេត សាវឿន អគ្គស្នងការនគរបាលជាតិ, នាយឧត្តមសេនីយ៍ គន់ គីម អគ្គមេបញ្ជាការរង និងជានាយសេនាធិការចម្រុះកងខេមរៈភូមិន្ទ, នាយឧត្តមសេនីយ៍ ម៉ៅ ច័ន្ទតារា អគ្គនាយកនៃអគ្គនាយកដ្ឋានអត្តសញ្ញាណកម្ម និងនាយឧត្តមសេនីយ៍ ខេង សុមេធ អគ្គស្នងការរងនគរបាលជាតិ និងជាមេបញ្ជាការប្រចាំទិសភូមិភាគ៤ និងភូមិភាគ៥ បានអញ្ជើញដឹកនាំប្រតិភូចុះសួរសុខទុក្ខ និងពាំនាំនូវអំណោយជាច្រើនទៅចែកជូនដល់កងកម្លាំងនគរបាលជាតិប្រចាំទិសភូមិភាគ៤ ដែលស្ថិតនៅភូមិចំបក់សែនជ័យ ឃុំស្រអែម ស្រុកជាំក្សាន្ត ខេត្ត ព្រះវិហារ។ ក្នុងនោះក៏មានការចូលរួមអមដំណើរពីសំណាក់ប្រធាន-អនុប្រធាននាយកដ្ឋាននគរបាលព្រំដែនគោក មេបញ្ជាការរងទិសភូមិភាគទាំង៥ ស្នងការ-ស្នងការរងនគរបាលខេត្តជាប់ព្រំ ដែន និងខេត្តផ្សេងទៀតផងដែរ។
មានប្រសាសន៍ទៅកាន់កងកម្លាំងនគរបាលជាតិដែលមានវត្តមានក្នុងឱកាសនោះ នាយ ឧត្តមសេនីយ៍អគ្គស្នងការនគរបាលជាតិ ក៏បានពាំនាំនូវក្តីនឹករលឹកនិងសាកសួរសុខទុក្ខផងដែរពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិតិ្តព្រឹទ្ធបណ្ឌិតប្រធានកាកបាទក្រហមកម្ពុជា ជាពិសេសសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅក្នុងឧិកាសបុណ្យភ្ជុំបិណ្ឌប្រពៃណីជាតិខែ្មរ ។
នាយឧត្តមសេនីយ៍ នេត សាវឿន អគ្គស្នងការនគរបាលជាតិក៏បានក្រើនរំលឹកដល់កងកម្លាំងនគរបាលជាតិទាំងអស់ស្តីពីការហ្វឹកហ្វឺនហាត់រៀនសូត្រនៅនឹងកន្លែង ហើយជាមួយគ្នា នេះផងដែរ នាយឧត្តមសេនីយ៍អគ្គស្នងការក៏បានជួបសំណេះសំណាលជាមួយនគរបាលពិការ នគរបាលនិវត្តភាព និងក្រុមគ្រួសារនគរបាលពលីក្នុងបុព្វហេតុការពារទឹកដី ។
បន្ទាប់ពីសំណេះសំណាល នាយឧត្តមសេនីយ៍ នេត សាវឿន អគ្គស្នងការនគរបាលជាតិ ក៏បានឧបត្ថម្ភថវិកាដល់កងកម្លាំងនគរបាល១៥០០នាក់ ដោយក្នុងម្នាក់ៗទទួលបានចំ នួន១០០.០០០រៀល គ្រួសារពលី និងពិការ៣០គ្រួសារ ដោយ១គ្រួសារទទួលបានថវិកាចំនួន១.០ ០០.០០០រៀល និវត្តន៍ជន១៥នាក់ ក្នុងម្នាក់ៗទទួលបាន១០០.០០០រៀល រួមនិងសំភារៈ ភេសជ្ជៈ និងស្បៀងមួយចំនួនទៀតរួមមាន៖ អង្ករ៥តោន ស្រាបៀរ៥០០កេស ទឹកដោះគោ២០កេស សាប៊ូ២០កេស ឆ្នាំងសាកថ្មវិទ្យុទាក់ទង២៥០កំប្លេរ សម្ភារប្រើប្រាស់កសិ កម្មចំនួន១១មុខ និងនំអន្សមចំនួន២០០០នំផងដែរ ៕
ដោយ៖ តាឡឹម
