ចិននឹងបាញ់បង្ហោះផ្កាយរណបឡើង ទីកាន់តារាវិថីផែនដីដោយផ្កាយរណប នោះបានតភ្ជាប់ជាមួយបណ្ដាញមីស៊ីការពាររបស់ក្រុងប៉េកាំងក្នុងការទប់ទល់ជាមួយនាវាផ្ទុកយន្ដហោះអាមេរិក ។
ផ្កាយរណបដែលចិនគ្រោងបាញ់បង្ហោះ នោះមានឈ្មោះថា Gaofen-4 ជាផ្កាយ រណបថ្មីបំផុតស្ថិតនៅក្នុងចង្កោមផ្កាយ រណប GeoFen របស់ចិន ។ នៅពេល នេះការត្រៀមលក្ខណៈបាញ់បង្ហោះត្រូវ បានរៀបចំរួចជាស្រេចរង់ចាំតែពេលវេលាប៉ុណ្ណោះ ។ ផ្កាយរណបនោះអាចតាម ដានរាល់សកម្មភាពនានារបស់នាវាផ្ទុកយន្ដហោះអាមេរិក ។
ផ្កាយរណបខាងលើអាចកំណត់គោលដៅនៅលើផែនដីសម្រាប់ការបាញ់មីស៊ីល របស់កម្លាំងទាហានចិនដែលមានកម្រិត ចំគោលដៅខ្ពស់។
នៅពេលនេះចិនមាននាវាផ្ទុកកាំជ្រួច មីស៊ីល នាវាមុជទឹក និងយន្ដហោះ ទម្លាក់គ្រាប់ Su30 របស់រុស្ស៊ី ។ លើសពី នេះទៅទៀតចិនបានផលិតកាំជ្រួចមីស៊ីល ប្រឆាំងនាវាចម្បាំង ដូចជាមីស៊ីល DF-21, DF-26 សម្រាប់វាយប្រហារទៅ លើនាវាផ្ទុកយន្ដហោះអាមេរិក។ មីស៊ីល ខាងលើចិនទើបតែបានបង្ហាញឱ្យមហា ជនបានឃើញនៅក្នុងឱកាសខួបគម្រប់៧០ឆ្នាំថ្ងៃដែលបញ្ចប់សង្គ្រាមលោក លើកទី២ ៕
ប្រែសម្រួល៖ ម៉ែវ សាធី
