ខេត្តប៉ៃលិនឆ្នាំនេះ បេក្ខជនប្រលងកើន១៥% បើប្រៀបធៀបទៅឆ្នាំ២០១៦

ចែករំលែក៖

ខេត្តប៉ៃលិន៖ នេះជាការលើកឡើងរបស់លោក តង់ ធារ៉ា ប្រធានមន្ទីរអប់រំ យុវជននិងកីឡាខេត្ត ក្នុងឪកាស ដែលលោកចូលរួមបើកវិញ្ញាសារប្រលងសញ្ញាប័ត្រមធ្យមសិក្សាទុតិយភូមិឆ្នាំ២០១៦ ២០១៧ នៅវិទ្យាល័យ ហ៊ុន សែន ក្រុងទេពនិមិត្មប៉ៃលិន នាព្រឹកថ្ងៃទី២១ ខែសីហា ឆ្នាំ២០១៧ ស្ថិតក្នុងភូមិអូរតាពុកក្រោម សង្កាត់ទូលល្វា ក្រុងប៉ៃលិន ក្រោមអធិបតីភាពលោក កើត សុធា អភិបាលនៃគណៈអភិបាលខេត្តប៉ៃលិន ព្រមទាំងមានការចូលរួមពីលោកស្រី ចិន ច័ន្ទមុនី ឧបការីនៃអង្គភាពប្រឆាំងអំពើពុករលួយ និងជាប្រធានក្រុមសង្កេតការណ៍ទូទាំងខេត្ត លោក ប៉ាវ សំអាង ប្រធានគណៈមេប្រយោជន៍ទូទាំងខេត្ត និងមន្ត្រីសហភាពសហព័ន្ធយុវជនខេត្ត យ៉ាងច្រើននាក់ ។

លោក តង់ ធារ៉ា ប្រធានមន្ទីរអប់រំ យុវជននិងកីឡា ខេត្តប៉ៃលិន បានឲ្យដឹងថា៖ ឆ្នាំនេះនៅវិទ្យាល័យ ហ៊ុន សែន ក្រុងទេពនិមិត្ម មានមណ្ទលប្រលងចំនួន២ គឺមណ្ទលប្រលងវិទ្យាសាស្ត្រ និងវិទ្យាសាស្ត្រសង្គម ដែលបេក្ខជនប្រលង(សិស្សស្វ័យរិន) ចំនួន២០នាក់ ក្នុងនោះស្រី១៤នាក់ ហើយនេះក៍ជាឆ្នាំទី១ ដែលខេត្តប៉ៃលិន មានមណ្ទលប្រលងចំនួន២ ហើយនេះក៍ជាយន្តការកំនែទម្រង់របស់ក្រសួងអប់រំ យុវជននិងកីឡា ផងដែរ ។

លោកប្រធានមន្ទីរ បានបន្តថា៖ បេក្ខជនប្រលងសញ្ញាប័ត្រមធ្យមសិក្សាទុតិយភូមិក្នុងឆ្នាំនេះមានកើនចំនួន១៥ភាគរយ(១៥%) បើប្រៀបធៀបទៅនិងឆ្នាំ២០១៦ ដោយក្នុងនោះបេក្ខជនប្រលងក្នុងមណ្ទលមានចំនួន៣១៦នាក់ ស្រី១៦៩នាក់ ដែលមាន១៤បន្ទុបផងដែរ ។ជាមួយគ្នានេះដែរលោកក៍សំណូមពរដល់មាតាបិតាសិស្ស សូមមេត្តាជួយលើកទឹកចិត្តដល់ប្អូនៗ លើស្មារតីនៃការជឿរជាក់សមត្ថភាពរបស់ប្អូនៗ ហើយធ្វើម៉េចកុំជឿរលើការញ៉ុះញ៉ង ការបង្កបំពុលណាមួយ ដែលនៅខាងក្រៅ តាមរយៈហ្វេសបុក ឬពាក្យចចាមអារាម ហើយសូមជឿរជាក់លើការដឹកនាំរបស់រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជានាយករដ្ឋមន្ត្រីផងដែរ ។

ឆ្លៀតក្នុងឪកាសនោះដែរ លោក កើត សុធា អភិបាលនៃគណៈអភិបាលខេត្តប៉ៃលិន មានប្រសាសន៍ថា៖នេះជាការខិតខំប្រឹងប្រែងរបស់រាជរដ្ឋាភិបាលកម្ពុជា ដែលធ្វើឲ្យប្រទេសកម្ពុជាមានសុខសន្តិភាពទូទាំងប្រទេស ពិសេសក្នុងខេត្តប៉ៃលិន ក្រោមការដឹកនាំរបស់រដ្ឋបាលខេត្ត បានធ្វើឲ្យមានសុខសន្តិភាព សណ្តាប់ធ្នាប់នាពេលប្រលងថ្ងៃទី១នេះ មានសភាពស្ងប់ស្ងាត់ល្អ មិនមានអ្វីកើតឡើងនោះទេ ។

ជាមួយនេះដែរលោកអភិបាលខេត្ត ក៍ជូនពរដល់ប្អូនៗក្មួយៗ ឲ្យប្រលងជាប់គ្រប់ៗគ្នា ពិសេសគឺការមកប្រលងឲ្យទាន់ពេលវេលា កុំយឺតយ៉ាវ ព្រោះការប្រលងនេះវាមានសារសំខាន់ណាស់ សម្រាប់ក្មួយៗត្រូវតែយកចិត្តទុកដាក់ ។ស សារ៉េត

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print