អាជ្ញាធរស្រុកភ្នំព្រឹកឃុបឃិតឲ្យអ្នកមានលុយ សង់ខ្ចូសនៅលើចង្កេះភ្នំព្រឹក

ចែករំលែក៖

ខេត្តបាត់ដំបង ៖ ប្រជាពលរដ្ឋ និងមន្ត្រី រាជការមួយចំនួនបានរិះគន់អាជ្ញាធរស្រុកភ្នំព្រឹកថា បានឃុបឃិតឲ្យគ្រួសារអ្នកមាន លុយសាងសង់ខ្ចូសរាប់សិបខ្នង នៅលើ ចង្កេះភ្នំព្រឹក និងបានកែច្នៃលុបដាក់លូ ក្នុងប្រឡាយ រំដោះទឹករបស់ក្រុមហ៊ុនចិន ដោយខុសបច្ចេកទេសថែមទៀតផង។

ពលរដ្ឋបានលើកឡើងថា ខ្ចូសសម្រាប់ ស៊ីផឹកជាច្រើនខ្នងត្រូវបានសាងសង់មាន ទីតាំងនៅចំណុចលើភ្នំព្រឹក ស្ថិតក្នុងភូមិ ភ្នំព្រឹក ឃុំភ្នំព្រឹក ស្រុកភ្នំព្រឹក ខេត្តបាត់ដំបង ដែលជាកម្មសិទ្ធិរបស់ឈ្មោះ ភុត ឆាយ៉ា អនុ ប្រធានគយ និងរដ្ឋាករច្រកអូររំដួលស្រុកភ្នំព្រឹក ហើយទីតាំងនេះមិនត្រឹមតែសាង សង់ខ្ចូសរំលោភទៅលើចង្កេះភ្នំនោះទេ ថែមទាំងបានកែច្នៃលុបប្រឡាយប្រព័ន្ធ រំដោះទឹក ដែលក្រុមហ៊ុនចិន បានសាង សង់ ដើម្បីបញ្ចៀសទឹកដែលធ្លាក់ពីលើភ្នំ កុំឲ្យហូរច្រោះមកខូចដាច់ផ្លូវដោយដាក់ កូនលូតូចៗខុសបទដ្ឋានបច្ចេកទេសទេស ដែលខាងវិស្វករក្រុមហ៊ុនចិនសិក្សា កន្លងមក។

ប្រជាពលរដ្ឋថា លោក ភុត ឆាយ៉ា មន្ត្រីគយ និងរដ្ឋាករនេះក្រៅពីសាងសង់ ខ្ចូសនៅលើចង្កេះភ្នំ នារយៈពេលកន្លងមក ក៏បានសាងសង់ស្ថានីយប្រេង និងអាហារ ដ្ឋាននៅក្បែរជើងភ្នំនេះដែរ ដោយមាន ដាក់ការសង្ស័យថា មានមន្ត្រីជាអភិបាល រងស្រុកភ្នំព្រឹកម្នាក់បានឃុបឃិតបើកដៃ ឲ្យសាងសង់ខ្ចូសឡើង។

ពាក់ព័ន្ធការលើកឡើងខាងលើ លោក ភុត ឆាយ៉ាឲ្យដឹងថា ទីតាំងសាងសង់ខ្ចូស ខាងលើ ពិតជារបស់លោកពិតប្រាកដមែន, ហើយពេលនេះ លោកក៏បានបញ្ឈប់ការ សាងសង់ទៅតាមលិខិតណែនាំរបស់ អាជ្ញាធរស្រុករួចហើយដែរ។

ដោយឡែកលោក សួន គឿន អភិបាល ស្រុកភ្នំព្រឹកបានឲ្យដឹងដែរថា ពាក់ព័ន្ធទៅនឹងទីតាំងសាងសង់ខ្ចូសនៅលើចង្កេះភ្នំនេះ គឺមិនមានច្បាប់ទម្លាប់អ្វីនោះទេ ហើយ លោកបានចេញលិខិតបញ្ជាឲ្យផ្អាក ដោយ មានការព្រមព្រៀងគ្នាជាមួយម្ចាស់ទីតាំង រួចរាល់ហើយ ។ មួយវិញទៀតលោកបាន ដាក់លិខិតចូលមកសាលាខេត្ត ដើម្បីសុំ គោលការណ៍រុះរើចេញពីលើសំណង់ចិន វិញហើយ ដែលពេលនេះនៅរង់ចាំតែការឆ្លើយតបចេញពីសាលាខេត្តតែប៉ុណ្ណោះ៕ សហការី

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print