ជិះម៉ូតូចេញពីរាំលេងនៅក្លឹបហ្គោលឡាញ ត្រូវចោរមួយក្រុមធ្វើសកម្មភាពវាយប្លន់បានសម្រេចគេចខ្លួនដោយសុវត្ថិភាព

ចែករំលែក៖

ភ្នំពេញ ៖ យុវជនម្នាក់ក្នុងចំណោម៣នាក់បានជិះម៉ូតូ១គ្រឿងចេញពីក្នុងក្លឹបហើយក៍ត្រូវចោរ១ក្រុមមានគ្នាជិត១០​នាក់បានធ្វើសម្មភាពវាយប្លន់យកម៉ូតូស៊ុយហ្ស៊ុយនិច១គ្រឿងបានសម្រេចហើយជិះគេចខ្លួនដោយសុវត្ថិភាព។

អំពើវាយប្លន់ខាងលើនេះបានកើតឡើង កាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី២៤ ខែសីហា ឆ្នាំ២០១៧ នៅចំណុចមុខសាលាបឋមស្សិក្សាភ្នំពេញថ្មី
តាមបណ្តោយផ្លូវ ភ្នំពេញហាណូយ កែងផ្លូវ២៨គ្រួសារ ភូមិរោងចក្រ សង្កាត់ភ្នំពេញថ្មី ខណ្ឌសែនសុខ ។

តាមសម្តីជនរងគ្រោះឈ្មោះ ជុំ ស៉ីផាត ភេទប្រុស អាយុ២៣ឆ្នាំ មុខរបរសិស្ស ស្នាក់ផ្ទះជួល សង្កាត់ភ្នំពេញថ្មី ខណ្ឌ សែនសុខ មានស្រុកកំណើត ភូមិកំពង់ប្រសាទ ឃុំឆែប ស្រុកកំពង់ត្រឡាច ខេត្តកំពង់ឆ្នាំង បានឲ្យ​ដឹង​ថា មុនពេលកើតហេតុ ខ្លួននិងមិត្តភ័ក្រ២នាក់ទៀតបានជិះម៉ូតូ១គ្រឿងម៉ាក ស៊ុយហ្ស៊ុយគីនិច ពណ៌ស ពាក់ស្លាកលេខ ភ្នំពេញ 1CU-6804 ចេញពីរាំលេងនៅក្លឹបហ្គោល ឡាញ ផ្លូវ១៩៨៦ដោយធ្វើដំណើរតាមបណ្តោយផ្លូវភ្នំពេញហាណូយ ទិស ដៅពីត្បូងទៅជើង លុះដល់ចំណុចខាងលើ ស្រាប់តែលេចមុខជនសង្ស័យមួយក្រុម មានគ្នាប្រមាណជិត១០នាក់ ជិះម៉ូតូ២គ្រឿង តាមមកពីក្រោយស្ទាក់ផ្លូវឲ្យឈប់ចុះវាយប្លន់ដណ្តើមយកម៉ូតូ បានសម្រេចហើយគេចទៅបាត់អស់ ។

ក្រោយកើតហេតុ ជនរងគ្រោះបានរត់ទៅសាលាខណ្ឌសែនសុខដើម្បីអោយគេជួយទើបមានការភ្ញាក់ផ្អើលដល់នគរបាលប៉ុស្តិ៍ភ្នំពេញថ្មីអោយចុះមកពិនិត្យនៅកន្លែងកើតហេតុហើយបាននាំជនរងគ្រោះទៅដាក់ពាក្យបណ្តឹងនៅប៉ុស្តិ៍ដើម្បីស្រាវជ្រាវនិងកំណត់មុខសញ្ញាងាយស្រួលក្នុងការតាមចាប់ខ្លួនក្រុមជនសង្ស័យទាំងនោះ៕ តុង សីហា

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print